Wïlöölö 33:11 - Wëël Jwøk

¹¹ Beerra man lwørï muuy mana käli jïrï, kiper Jwøk aana mooe ki køør met yie, ni jïra dagø mo thööth.» Ni ö eni ni cøk Icøø këël mana jïëe ni lwør gø.

Wïlöölö 33:11 Iomraidhean Croise

Wïlöölö 30:43

Køøre Jeekap aput kwärö døc ni jïte ki dïëk mo thööth døc, ni tïme ni jïre da jø tïïc ma cwøw ki mään, ni jïre da athïrööle ka arëëni.

Wïlöölö 32:21

Kanyøgø Jeekap gïïa näk muuce awëëk bwøth maal nyïme, ni ö eni ki dëëre ni dööŋe twïër dïwäänögø.

Wïlöölö 33:10

Ni kö Jeekapi, ni «Ba løny; ni näk mo yiï met ki aani, a kwaya ïïni ki man lwørï muuy mana cïba jïrï, kiper täärnyïmï ajooda ni waany ni nëëni kaaman wø neen täärnyïm Jwøk; ni pänhnhï aani ki met ec.

Wïlöölö 33:12

Køøre Icøø aköö, ni «Beerra man tïŋø wääth nee ø aa nø; aano bwøth maalø.»

Wïlöölö 33:9

'Ba Icøø aköö, ni «Nyie coka, aani jïra dagø mo thööth; beerra man ö moa näk moï ni putge bëëtö jïrï.»

2 Nyeye 2:17

'Ba jøøgø areeth ree këël mana tïm wïïe ni laay ki man kweere; ni kööe, ni «Jäägu.» Køøre geni jiy ma pïërabïïc aputge jääŋŋö, ni määnyge ki nïne adäk; 'ba Ilaaja kärge joodø.

2 Nyeye 5:23

'Ba Neeman aköö, ni «Ba løny. Beerra man kädï ki gwel-bïrö ma kikarri ariiø.» Ni kwaac Gaadhi kiper nee lwøre, ni kïth gwet-bïrö moøgø na kikarri ariiø yøø yïth opïri ariiø ka abïïe ariiø, ni cïp ge jï jiy ariiø røk jø tïïc moe, ni käärge ge nyïme.

Luk 14:23

Ni kö kwääyögø jï laŋŋø, ni ‹Ci uutjïëthe moa døøŋŋø ki moa näk ogaaŋŋø ki deŋge, ni magï jiy ki teek nee öge, nee øda pääŋe.

1 Körin 3:21

Kiper manøgønø, kär dee ŋat töödö kiper jiy. Kiper jammi bëët mou,

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

Pilipay 4:18

'Ba aana nø jïtö ki muuce baŋu mo thööth døc, ni jäŋa ki muuce moa cïbu cer Eparödaata, na näk caala olämi man wø waaŋ ni ŋwääö ni met, man wø jïëc Jwøki ki gø, ni wø met yie ki gø.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

Jøcua 15:19

'Ba Akca aköö jïgø, ni «Mooc aani ki muuy mo yia mïnnö ki gø; ennø, kaawat mana nø cïpï ŋøøm mo Nëgëp jïra na näk bäŋ pïï yie, a kwaya ïïni naa mooyï ki jøør mo pïï.» Køøre Kalëp jøør mo pïï moa en yïth ŋøøpøgø, ni beege moa en jï maal ki moa en jï piny, aput cïp jï nyaare ma Akca.

Pïëmme 1:15

'Ba Akca aköö jïgø, ni «Mooc aani ki muuy mo yia mïnnö ki gø; ennø, kaawat mana nø cïpï ŋøøm mo Nëgëp jïra na näk bäŋ pïï yie, a kwaya ïïni naa mooyï ki jøør mo pïï.» Køøre Kalëp jøør mo pïï moa en yïth ŋøøpøgø, ni beege moa en jï maal ki moa en jï piny, aput cïp jï nyaare ma Akca.

1 Camiel 25:27

'Ba ennø, beerra man ö gïïa käla jïrï, ï na kwääya, ni cïba ge jï jiyï moø ni cäädhï ki ge yøø.

1 Camiel 30:26

'Ba kanya pïïc Deebiti Ciklak, ena lwötö røk gïïa twiere, ni jääŋ ge baŋ nyïïawääte moa en røk jø døøŋŋø mo jø poge ma jø tuuŋ Juuda, ni kööe, ni «Moi beege muuce moa jääŋŋa baŋu, ni beege gïïa twiera baŋ nyïïmän mo Wuuö Jwøk.»