Wïlöölö 32:31 - Wëël Jwøk

³¹ Kanyøgø cäŋ aput tuulö bääte ni poot na kanya kaal Peniël, ni eni cäädhi ni kwömö ni pätha bäät tiere.

Wïlöölö 32:31 Iomraidhean Croise

Wïlöölö 16:13

Køøre Eegar nyeŋ Wuuö Jwøk na cäänö ki eni acaae, ni kööe, ni «Ïïna El-Röi,» ni kööe, na «?Aŋø, ki køør mana jooda Jwøk kany en, a poot bëëdö naa kwøw møn?»

Wïlöölö 19:15

'Ba kanya ruu øwi, nyïïatwieli Løøt alacge, ni köge, «Ö maal ni laarï cïïï ki nyïï karge riedi na en buutï kany lwør, kiper nou ba rwöp ajäle mano pïï bäät paani en.»

Wïlöölö 19:23

Kar kanya pïïc Løøti Dhöär, cäŋ oløny ni ena maal.

Wïlöölö 32:25

'Ba na jooti ya ŋatøgø ni ba løny jïre ki man bööt Jeekap, eni waŋ ocwii Jeekap agude, ni ö wäl Jeekapi ni pääe ki cuu moe, kanya ŋäpge.

Wïlöölö 32:32

Kiper manøgø nø, këël dïcäŋi en, jø Icriel ba cämö ki läär moa en waŋ oŋannø, kiper ŋata ŋäbö ki Jeekap läär moa en waŋ ocwii Jeekap na en waŋ oŋannø agude.

1 Nyeye 12:25

'Ba nyeya ma Jeröbäm, Cekam, na en yïth mïëya en bäät kïte na en kur jø tuuŋ Ipariem, acäŋ geerrø ni teek, ni bëëde kaace. Ni cøøe ni cäŋ Peniël geerrø ni teek.

1 Nyeye 18:26

Køøre, geni rwaath mana no ocïbö jïge alwørge ni jiiŋge gø; ni kwaacge Baal ki mana täge ka amöölla këël mana këët dhöör, ni ge köö, «Wui Baal, løk kwac marwa.» 'Ba bäŋ dwøl mo owïnyö ni bäŋ gïn mo oløø jïge. 'Ba ge bëëdö ni ge miel deŋ gïn wø cïp olämme bääte mana tïïcge.

Bwøth Wøk 24:10

ni jootge Jwø Icriel, ni kuna en tiete yie jï piny da gïn mo keda thudhi mo caala kïdi mo paŋŋi ni tøŋ ni caala maal.

Bwøth Wøk 24:11

'Ba Jwøk bäŋ gïn mo ee tïïö dëët jøøgø na näk dïbwöthe mo jø Icriel yøø. Geni Jwøk ajootge; køøre gena cämö ni mäthge kaace.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

2 Körin 12:7

'Ba kiper naa ba kanynya døc ni kaala kanynyø mana daa kanynyø ki gø kiper gïïa thööth na nyooth jïra, koodhø akïth dëëra na näk nyïïatwiel Ceethan kiper naa ööle, naa ba kanynya døc ni kaala kanynyø mana daa kanynyø ki gø.

2 Körin 12:9

'Ba ena köö jïra, ni «Met ec mara orømø kiperï, kiper teek mara wø thur kare ka ri jäk.» Kiper manøgønø, yia met døc ki man tööda kiper jäk mara, kiper nee teek Krictø tïme ni bëëdö bääta.

Tiet Ciik 5:24

Ni caange döötu jïra, ni köge, ni ‹Ennø, Wuuö Jwøk na näk Jwøø ajieme ki dööŋŋe anyoodhe jïwa, ni wïnywa dwøre ki dï maac. Dïcäŋi ajootwa møn ni këël Jwøk doo cäänö ki dhaanhø, poot løny jï dhaanhø ki man bëëde ni kwøw.

Tiet Ciik 5:26

?Aŋø, a ŋata ŋa dëët jø bäät piny bëët na wïny dwør Jwøa kwøw ni cäänö ki dï maac, kaamar waani na wïny gø, ni poot bëëdö ni kwøw?

Pïëmme 6:22

'Ba kanya ö Gidienni na joot gø ni manøgø beeye Wuuö Jwøk na nyooth ree kaamar nyïïatwiel maal, ena lwäyö døc ni kööe, «Wui kwäärö Wuuö Jwøk, ï na Wuuö Jwøk ki dëërï, ?ïïna puta neen kiree møn, niï ööi kaamar nyïïatwiel maal?»

Pïëmme 6:23

'Ba Wuuö Jwøk aköö jï Gidien, ni «Bëëdï ni yiï met, kärï lwäyö; ïïni, ï ba thøw.»

Pïëmme 8:8

'Ba ena cäŋ aay ki kaace ni pïïe Peniël, ni cäŋ teeŋ luumma caane jï jø Cuköt caannø jï jø päänyögø; ni ö jø Peniël ni løkge gø jïgø keda teeŋ mana løgi ya jø Cuköti jïre.