Wïlöölö 32:30 - Wëël Jwøk

³⁰ Køøre Jeekap nyeŋ kaace acaae ni Peniël, kiper ena köö, ni «Aani Jwøk ki dëëre møn ajooda, 'ba jwïëya apiem.»

Wïlöölö 32:30 Iomraidhean Croise

Wïlöölö 16:13

Køøre Eegar nyeŋ Wuuö Jwøk na cäänö ki eni acaae, ni kööe, ni «Ïïna El-Röi,» ni kööe, na «?Aŋø, ki køør mana jooda Jwøk kany en, a poot bëëdö naa kwøw møn?»

Wïlöölö 28:19

Ni ö Jeekapi ni cwøl nyeŋ kaace ni Bëthël; 'ba dïkwøŋ nyeŋ päänya en yi ŋöömmögø cwøl ni Löja.

Wïlöölö 35:9

'Ba kanya duu Jeekapi ki yi Padan-Aram, Jwøk ree acäŋ nyoothø jïgø ni gwïëth gø,

1 Nyeye 12:25

'Ba nyeya ma Jeröbäm, Cekam, na en yïth mïëya en bäät kïte na en kur jø tuuŋ Ipariem, acäŋ geerrø ni teek, ni bëëde kaace. Ni cøøe ni cäŋ Peniël geerrø ni teek.

Bwøth Wøk 33:14

Ni kö Wuuö Jwøki jï Modhe, ni «Aano cäädhi ki ïïni ciel, ni mooa ïïni ki jwömö.»

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Aydheea 9:5

Kiper war bëët mo wø ŋooŋ jø lenynyi ki ge, ka abïïe moge moa näk ogääbö ki remø, di waaŋø ni thööri ya maaci.

Kwään Jiy 12:8

A cäänö ki eni ni løøŋwa dhøkwa ki gøøni, naa caana luubö mo tiere nëënö, ni paa aŋaade; ni ö eni ni raŋ kïta, a na Wuuö Jwøk. ?Aperŋø nø na käru lwäyö ki man waayu nyeŋ dhaanhnha ma Modhe?»

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

1 Körin 13:12

'Ba kawaane jammi poot nëënö ni jïrri yi räŋi, 'ba kanyo tïme na kanyøca, dëëtø oneetø ni ø neeta nyeŋŋø. 'Ba kawaane a ŋäya mo thiinh keere, 'ba kanyøca oŋääa bäre, keda man ŋäc aani døøc en.

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Galeecia 1:6

Aani, yia athäŋŋö kiper na laaru eni wec na cwøl uuni yi mëëc Krictø, ni løøu røgu baŋ teeŋ luubö mør mo nyään.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Tiet Ciik 34:10

'Ba ki mana täge kar kaaca nø, bäŋ nyikuŋ Jwøk mo othïïŋö dï Icriel mo ŋäc Wuuö Jwøki kaamar Modhe;

Tiet Ciik 5:24

Ni caange döötu jïra, ni köge, ni ‹Ennø, Wuuö Jwøk na näk Jwøø ajieme ki dööŋŋe anyoodhe jïwa, ni wïnywa dwøre ki dï maac. Dïcäŋi ajootwa møn ni këël Jwøk doo cäänö ki dhaanhø, poot løny jï dhaanhø ki man bëëde ni kwøw.

Köløcia 1:15

'Ba eni na Krictø röömi ka Jwøk na näk ba neen, ni beeye kaa dï jammi bëët moa cwääc.

2 Timöthi 1:10

na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

Ibaru 11:27

Ni beeye ŋäädhe, na ö eni ni wec Ijep ni kär lwäyö ki wëëc nyeya. 'Ba cwïnye ee maa ni tïme keda neeta Jwøk ni wø ba maar neen.

Jøcua 5:13

'Ba kanya en Jøcua buut Jerikö, wïïe atïŋ maal ni lwïthe; ni joot dhaanhø mør ni cuŋŋö nyïme no opëëllö dagø cere; ni ö Jøcua ni ci baŋe ni kööe jïgø, ni «?Ï ena løøk marwa wala ï ena løø nyïïmän?»

Pïëmme 13:17

Køøre Manöa aköö jï Wuuö Jwøk na nyooth ree kaamar nyïïatwiel maal, ni «?Nyeŋŋï aŋa? Kiper kanyo tïm luupï moa carï ni thura karge niï wøørwa.»

Pïëmme 13:18

'Ba Wuuö Jwøk na nyooth ree kaamar nyïïatwiel maal aköö jïgø, na «?Aŋø ni pëënynyï nyeŋŋa en? Kiper tiere ba maar joot.»

Pïëmme 8:17

Køøre eni pööki mana bäär na näk kar gwøk røk mana en Peniël atoor piny, ni 'näk jøøa en yi päänyögø.

Pïëmme 8:8

'Ba ena cäŋ aay ki kaace ni pïïe Peniël, ni cäŋ teeŋ luumma caane jï jø Cuköt caannø jï jø päänyögø; ni ö jø Peniël ni løkge gø jïgø keda teeŋ mana løgi ya jø Cuköti jïre.