Wïlöölö 32:28 - Wëël Jwøk

²⁸ Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Wïlöölö 32:28 Iomraidhean Croise

Wïlöölö 17:15

Køøre Jwøk aköö jï Eeberam, ni «Caray na näk cïïï, kär cwølï këët ni Caray, 'ba nyeŋŋe ocwøl ni Ceera.

Wïlöölö 17:5

Nyeŋŋï ba cwøl na Abram këët; 'ba nyeŋŋï ocwøl ni Eeberam, kiper ï tïïa tïïö na kwar wïth juurre mo thööth,

Wïlöölö 25:31

'Ba Jeekap aköö, ni «Kwøŋ dööŋö marï ŋeew ki aani dïkwøŋ.»

Wïlöölö 31:24

'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 32:24

Køøre Jeekap adööŋ keere, ni ö dhaanhe mørri baŋe, ni ŋäpge ki gø këël mana ruu øwi.

Wïlöölö 32:27

Ni kö ŋatøgø jï Jeekap, ni «?Nyeŋŋï aŋa?» Ni kö Jeekapi, ni «Nyeŋŋa Jeekap.»

Wïlöölö 33:20

Køøre ena put tïïö ki gïn wø cïp olämme bääte kaace, ni cwøl gø ni El-Elöy-Icriel.

Wïlöölö 33:4

Køøre Icøø areŋ baŋe nee røømge ki gø, ni gääm gø, ni määth gø døc, ni nuum dhi gø, ni putge jwøk.

Wïlöölö 35:10

ni kööe jïgø, ni «Nyeŋŋï beeye Jeekap; 'ba nyeŋŋï ba cwøl ni Jeekap këët, 'ba nyeŋŋï ocwøl ni Icriel.» Køøre nyeŋ gø aput Jwøki cwøl ni Icriel.

2 Camiel 12:25

'Ba kiper mana ö Wuuö Jwøki na mëëre ki nyilaarøgø, dwøre ajääŋŋe ki dhi nyikuŋ Jwøk ma Nathan, ni cak nyeŋ nyilaal ni Jididiya, ni tiere beeye ni ŋata mëër Wuuö Jwøki ki gø.

1 Nyeye 18:31

'Ba Ilaaja alwötö ki kïte apaar kurriiø ki køør kwään wïth tuŋi mo wäät Jeekap, ŋata ö dwør Wuuö Jwøki bääte na kö Wuuö Jwøki, ni «Nyeŋŋï ocwøl ni Icriel.»

2 Nyeye 17:34

'Ba këël dïcäŋi en, jø mo bëëdö Cameria ge poot bëëdö ni ge caatha køør kööŋŋe moa dïkwøŋ, ni Wuuö Jwøk ba wøørge na adïëri, ni ge ba cäädhi køør ciik moe, ki luup ŋøl moe, ki pwöc moe, ki gïïa ceme, eni na Wuuö Jwøk, na kööm nyïïkwaac Jeekap ki ge, ŋata caae ni Icriel,

1 Luup Nyeye 1:34

'Ba Eeberam beeye wää Aydhak; ni wäät Aydhak beege Icøø ki Icriel.

Pwöc Leec Wïc 16:7

Kany wø näk mo jïëth tïïe mo dhaanhø duua met ec jï Wuuö Jwøk, Wuuö Jwøk cïpö ki bëët-mëër, këël yïthakic dhaanhø ki nyïïmän moe.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Kwään Jiy 13:16

Moøgø beege nyeŋ jøøa jääŋ Modhe wøk kuna liewge ŋøøm. 'Ba Modhe nyeŋ Awcë o Nun acwøle ni Jøcua.

Jøøn 1:42

Ni ööe ni käl gø baŋ Jecu. 'Ba na ö Jecu na neen gø, ena köö, ni «Bee ï, Cayman wär Jøøn. Beer, ïïno cwøl ni Ciipa, wala Piter;» na näk tiere beeye Kïdi.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

1 Camiel 26:25

Køøre Cøøl aköö jï Deebit, ni «Nyie Deebit wääda, gwïëth oen bäätï; 'ba ennø møn, gïï wäro tïïyï thura karge.» Kanyøgønø, Deebit aput aay ki wääthe, ni ö Cøølli ni put døø paare.