Wïlöölö 32:22 - Wëël Jwøk

²² 'Ba ki dïwäänögø ena ö maal ni lwør määre karge riet ki nyïga näk jø tïïc moe ko obwöre moe na näk apaar kurciel, ni kath løøga ki caara mar naam Jabök.

Wïlöölö 32:22 Iomraidhean Croise

Wïlöölö 29:21

Køøre Jeekap aköö jï Leeban, ni «Wëëk a cïïa nø, nee ö baŋa, kiper kanya wäŋŋa athum.»

Wïlöölö 32:21

Kanyøgø Jeekap gïïa näk muuce awëëk bwøth maal nyïme, ni ö eni ki dëëre ni dööŋe twïër dïwäänögø.

Wïlöölö 32:23

Ni jwïëk geni ni kaath geni løø naam løøga ki jammi moe bëët.

Wïlöölö 35:18

'Ba kanya tïm jwïëy moe ni manynya aay dëëre kiper nee thøøe, eni nyeŋ wääde acaae ni Benöni, 'ba wänni nyeŋ wääde acaae ni Benjamen.

Tiet Ciik 2:37

'Ba ø kär ci buut ŋööm nyïïkwaac Amön moa en deŋ Naam Jabök, ki päänye moge moa en mïëya en bäät kïte, këël kwöra näk ø kär kööm Wuuö Jwøki na näk Jwøø ki man cøø yïthge.

Tiet Ciik 3:16

Ni cïba thääŋ ŋööm Gelät maya jï jø tuuŋ Ruben ki jø tuuŋ Gaat, ni beeye ki mana täge ki kaagø, këël mana këët Naam Arnön, ni keew ena dï naam. Ni keew maya mana en jï løø kur tuul-cäŋ, ena tier Naam Jabök, ni beeye keew mar nyïïkwaac Amön.

1 Timöthi 5:8

'Ba ni näk da dhaanhø mo tuuŋge ba caame, ni letha per jø paare røk, ŋatøgø nyootha gø ni eno kweer ki lam man, ni kadha rääye døc ki ŋat mo kär jïëy.

Jøcua 12:2

'Ba nyeya mana dïkwøŋ beeye Cëëwön nyeny jø Amör na näk bëëdö pääny Ëcbön. Ŋöömö mar paare beeye thääŋ Gelät bäre, ni nyeŋ keee moe tägi ka Aröör na en deŋ goor Naam Arnön, ki paana en dï gool, këël mana këët Naam Jabök na näk keew mar jø Amön.

Pïëmme 11:13

Ni ö nyeya mar jø Amön ni kööe jï jøøa jääŋ Jeptha, ni «Tiere beeye kiper kanya ö jø Icrielli wøk ki Ijep, ŋöömö mara aputge lwør, ni beeye ki mana täge ki Naam Arnön këël mana këët Naam Jabök ki deŋ Naam Jördan bäre. Kiper manøgønø, duu ŋöömö manøgø ki mëër jaak ennø.»