Wïlöölö 32:2 - Wëël Jwøk

² 'Ba na ö Jeekapi na joot geni, ena köö, ni «Moi beege lwaa Jwøk.» Køøre nyeŋ kaace acaae ni Maanayim.

Wïlöölö 32:2 Iomraidhean Croise

2 Camiel 17:24

'Ba kar kaagø, Deebit onø pïï pääny mana cwøl ni Maanayim. Ni ö Abëcëlömmi ni put Naam Jördan ŋøl, ni beeye eni ki jø leny mo jø Icriel bëët.

2 Camiel 2:12

'Ba Abinër o Nër atïŋŋö ki Maanayim ni ci Gibien ki jø leny mo Icböcëth o Cøøl.

2 Camiel 2:8

'Ba kar kaagø, Abinër o Nër na näk kwääy lwaa leny mar Cøøl, Icböcëth o Cøøl ee nø käl ni kïth gø løø Naam Jördan løøga, yi pääny mana cwøl ni Maanayim.

1 Nyeye 2:8

«'Ba Cimiy o Gëra nyï Benjamen na käl Baurim, ni en buutï enø, beeye eni na jany aani ka ajaany mo leth døc dïcäŋa cøøa Maanayim. 'Ba kanya ööe na jul aani bäät Naam Jördan, aana kööŋ jïre ki nyeŋ Wuuö Jwøk ni kööa, ni ‹Aani, ï ba nääa.›

1 Nyeye 4:14

na Akinadap wär Idö beeye na bëën kanya cwøl ni Maanayim;

2 Nyeye 6:17

Køøre Ilaaca alämö ni kööe, «Wui, Wuuö Jwøk, a kwaya ïïni, jap nyeŋ dhaanhnha nee neene.» Ni ö Wuuö Jwøki ni jap nyeŋ gø; 'ba ka adïëri møn, bäät kïdi aput joot ni päŋ ko okwëënyi ki jïëth leny mo wø tut okwëënyi mo liel ki mäc mo ena deŋ Ilaaca bäre.

1 Luup Nyeye 12:22

'Ba ki yi cäŋ cooth, da jiy mo öö ni dwätge ki jø leny mo Deebit, këël mana tïm jø lenynyi ni thööth døc.

Obeec Dudi 6:13

Wui, nyijø Cunem, duuï, duuï! Duuï, duuï, niï raŋwa! ?Aŋø, aperŋø ni raŋŋu nyijø Cunem en kaamar meeŋ jø Maanayim?

Daniel 10:20

Kanyøgø ena köö, ni «?Gïna ööa baŋï kipere ŋäyï? 'Ba ennø, a døøa kuna këëda ki nyïïatwiel maal man wø koor Parca; 'ba kanyo cøøa, nyïïatwiel maal man wø koor po jø Gïrïïk luunynya öö.

Luk 2:13

Kanyøgø nyïïatwiet maal ma lwaak mo päl aput öö ni dwätge ki maya. Ni ge pwøya Jwøk, ni köge,

Jøcua 21:38

'Ba ki røk päänye mo jø tuuŋ Gaat, beege Ramöth na en Gelät na no ocïbö na pääny gwøk røk nee ŋat mo onägö ki dhaanhø reŋ yie, ki Maanayim,

Jøcua 5:14

Ni kö ŋatøgø, ni «Patha enøgønø. Aani, a ööi ni aana kwääy lwaa leny mar Wuuö Jwøk.» Kanyøgønø, Jøcua cøŋŋe akëël piny ni kuul wïïe piny, ni kööe jïgø, ni «?Kwäärö, agïnaŋø na diï caanø jïra nee tïïa, a na laŋŋø marï?»