Wïlöölö 32:13 - Wëël Jwøk

¹³ Kanyøgø Jeekap abut kaace wäänögø. Ni lwöte røk gïïa en jïre bëët kiper nee cïbe jï coki ma Icøø.

Wïlöölö 32:13 Iomraidhean Croise

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 18:2

'Ba kanya ö Eeberammi na tïŋ wïïe maal ni lwïthe nyïme, jiy adäk ajoode ni cuŋŋö ni dïët ki eni. 'Ba na joot geni, ena pär maal ki dho oduŋkaara na bëëde yie ni reŋ baŋge nee røømme ki geni. Kanyøgø cøŋŋe akëël piny nyïmge,

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

Wïlöölö 32:14

Ni gïïa lwøre beege atëëe ma dïpe ariiø ma mädhi ki nyöök atëëe ma pïërariiø, ki rööm ma dïpe ariiø ma mädhi ki nyöök rööm ma pïërariiø,

Wïlöölö 33:10

Ni kö Jeekapi, ni «Ba løny; ni näk mo yiï met ki aani, a kwaya ïïni ki man lwørï muuy mana cïba jïrï, kiper täärnyïmï ajooda ni waany ni nëëni kaaman wø neen täärnyïm Jwøk; ni pänhnhï aani ki met ec.

Wïlöölö 33:8

Køøre Icøø aköö, na «?Aŋø, pïïth lään päl bäre ice na røømma ki gø, tiere aŋøøni?» Ni kö Jeekapi, ni «Beeye kiper naa jïta ki met ec baŋï, ï na kwääya.»

Wïlöölö 42:6

'Ba Jocep beeye ŋata näk kwäärö Ijep, ni bee eni na en ŋïëwi cere mo beel kiper jø mïëri bëët. Kanyøgø uutwänni aö baŋe ni kuulge wïthge piny nyïme ni määthge gø.

Wïlöölö 43:11

Køøre wääge ma Icriel aköö jïge, «Ni näk ma enøgønø, tïïyu gïn. Lwötu ki gïï mo perge leth dï paac kany, teeŋ ka riie mo ŋwääi ni met, ki nyïïjenni mo beyø mo di camø, ki maar kïc mo thiinh, ni kïthu ge yïth opïri mou, ni kääru ge na muuce jï nyenøce.

Wïlöölö 43:26

Kanya ö Jocepi paayø, geni muuce moa kälge jïre akälge baŋe paac, ni kuulge wïthge piny nyïme ni määthge gø.

Neemiya 4:13

Kanyøgø aani, jiy aputa cïïmmö ki jï løøa en jï piny deŋ kiir kwöra näk ŋammø ki kwöra leer; ni jiy cïïmma ka køør dhøk uudi moge, ni ceŋge do opëëlle, ki tøøŋi, ka athëëre.

Pwöc Leec Wïc 17:8

Jammi mo wø cïp ki piny beege ni wø ŋääth ŋat wø cïp gø, ni ki jïre kany wø ci yie, gïïa manynye di joodø.

Pwöc Leec Wïc 18:16

Gïn wø cïp dhaanhe, jöör dhaanhø wø di jabø, ni dhaanhø wø käle nyïm jiy mo døøŋŋø.

Pwöc Leec Wïc 19:6

Jiy mo thööth ŋat mo kare dwøŋ wø mwøthge mwødhø, ni jiy bëët manynya nyawat ki ŋat mo cere jööt ki cïp jammi.

Pwöc Leec Wïc 21:14

Muuy mo cïp ni kuc, wëër wø di raanynyø, ni jammi mo cïp ka piny wëër mo teek wø di jooø.

1 Camiel 25:27

'Ba ennø, beerra man ö gïïa käla jïrï, ï na kwääya, ni cïba ge jï jiyï moø ni cäädhï ki ge yøø.

1 Camiel 25:8

Løny ki man pëënynyï jiyï; caange caanø jïrï. 'Ba ennø møn, beerra man nyoothï bäth ec marï jï jiya, kiper waana ö baŋï ki dïcäŋ mana näk cäŋ ajwöma. A kwaya ïïni ki man cïpï gïna nut cerï jaak jï wäädï ma Deebit ki jiye.› »