Wïlöölö 31:7 - Wëël Jwøk

⁷ 'Ba wääu bëëdö ni møønna aani, ni wel jammi mo wø maa kwöre apaar; 'ba ena män Jwøki ki man tïïe ki gïn mo raac dëëra.

Wïlöölö 31:7 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 20:6

Kanyøgø Jwøk acäänö ki eni ki yïth lääk ni kööe, ni «Kare møn, gïna tïïyï enøgø, ŋääa ni tïïyï ka cwïny mo leer. 'Ba aani thuwø ïïna mäna ki man ba ciï baŋ nyaanøgø, kiper niï ba bääyï dëëra.

Wïlöölö 29:25

'Ba na tïme na amöölla, ajoot Jeekapi ni beeye Liia. Ni kööe jï Leeban, na «?Agïnaŋø na tïïyï dëëra en? ?Aŋø, paa Reecal na tïnynya ïïni kipere na bëëde? ?Aperŋø nø na nøønï aani en?»

Wïlöölö 30:28

Ni cäŋ Leeban köö, ni «Caan jammi moo magï, kiper nee cïba jïrï.»

Wïlöölö 31:24

'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 31:29

Doo da gïn mo tïïa tïïö dëëtu ennø na bëëde ki køør teek mana en jïra, 'ba Jwø wääu acäänö ki aani ki yïth lääk yawïtïni, ni kööe, ni ‹Gwøk riï ki man ba cäänï ki Jeekap ki gïn mo mäna wääth mare.›

Wïlöölö 31:41

Cwiiyi na pïërariiø bëët ii abeeda paarï; ni beege cwiiri apaar kurŋween na tïnynya ïïni ki ge kiper nyïïï na näk ariiø, ki cwiiri abïciel moa tïnynya ïïni kiper naa jïta ki dïëk baŋï. 'Ba jammi mo wø maa awellï kwöre apaar.

Neemiya 4:12

'Ba jø Juuth moa bëëdö kany mo cään ki geni, gena öö, ni caange gø jïwa kwöre mo jïtö ka apaar ni köge, ni «Nyïïmän, ge öö ni tukge øøni yïth kwöro neetu bëët.»

Jööp 1:10

?Aŋø, paa kiper na bëëde ni eni, ki jø paare, ki jap paare bëët iï koorø jïre? Japa tïïe ki cere bëët iï gwïëdhö jïre, ni put pïïth lääc paaci moe nyaay yi ŋööm paac bäre.

Jööp 19:3

Ennø, kwöre aløny na apaar nou jälla aani, ni wïthu ba laay ki man caru gïï mo reyø dëëra.

Jööp 19:8

Eni jöö mara ee gëëŋö ni bäŋ kany mo pöödha ki yie. Eni nyeŋ jïëthe 'moa ee wïrö ki muudhö.

Aydheea 4:1

'Ba dïcäŋeca, mään abïriiø dïcwøø aciel ogamge ni köge jïgø, ni «Beerra man tïmï ni ïïna cøwa, nee laac wïc marwa nee aae bäätwa; 'ba cam mano camwa ka abïïe moo käärwa ojootwa baŋwa keerwa.»

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Ciik Kiper Dïlämme 26:26

Kanyo ŋøla jöör cam maru, mään apaar otïmö ni cam maru thaalge yi këënnö aciel, ni cïpge cam jïïu mana thaalge ni ege petø, ni cammu gø nou ba jäŋ.

Dhekaraya 8:23

Wuuö Jwøk, eni na wïth jammi bëët, aköö, ni «Yïth nïne moøgø, jiy apaar ki røk wïth juurre ki dhøgi bëët abïïn ŋat Juuth man nø omakge ni köge, ni ‹Beerra man aa ki uuni na aciel, kiper awïnywa ni Jwøk ena buutu.› »

Kwään Jiy 14:22

'Ba jiy moa pääny aani kwöre apaar, ni kärge dwøra wïnynyö, këël na jootge ajiem mara ki ŋïïce 'moa na tïïa Ijep ki dï paap,