Wïlöölö 31:55 - Wëël Jwøk

⁵⁵ 'Ba na tïme na amöölla cøøn Leeban aö maal, ni määth nyïïkwaaye ki nyïïe ni gwïëth geni. Køøre Leeban aay ni døø paare.

Wïlöölö 31:55 Iomraidhean Croise

Wïlöölö 18:33

'Ba kanya løny Wuuö Jwøki ki cäänö ki Eeberam, ena aay; ni ö Eeberammi ni døø kanya bëëde yie.

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 28:1

Køøre Aydhak Jeekap acwøle ni gwïëth gø, ni kööm gø, ni kööe jïgø, ni «Kär niï nyöömmö ki dhaagø røk nyïïakuk Keenan, paan bëëdø yie en.

Wïlöölö 30:25

'Ba kanya nø ö Reecalli na nywøl Jocep, Jeekap aköö jï Leeban, ni «Wëëk a wääth nø, kiper naa døøa powa kanya käla yie;

Wïlöölö 31:28

?Aperŋø na mänï aani ki man määdha nyïïkwaaya ki nyïïa en? Gïna tïïyï enøgø, atïïyï ni wïïï kärï caarø.

Wïlöölö 31:43

Køøre aløk Leeban ni kööe jï Jeekap, ni «Mään moøgø ni jïrï yøø beege nyïïa, no obwöre moøgø poot na 'moa, ni dïëk moøgø beege dïëk 'moa, këël gïïögø ni neetï bëët yøø beege 'moa. ?Aŋø, agïnaŋø na daa tïïö dïcäŋi en dëët nyïïa ko obwöre moge na nywølge?

Wïlöölö 33:4

Køøre Icøø areŋ baŋe nee røømge ki gø, ni gääm gø, ni määth gø døc, ni nuum dhi gø, ni putge jwøk.

2 Camiel 19:39

Kanyøgønø, jiy bëët aput kath løø Naam Jördan løøga, ni ö nyeya ni kadhe thuwø. Køøre nyeya dhi Bardhilay anuume ni gwïëth gø, ni ö Bardhilay ni put døø kanya bëëde yie.

Pwöc Leec Wïc 16:7

Kany wø näk mo jïëth tïïe mo dhaanhø duua met ec jï Wuuö Jwøk, Wuuö Jwøk cïpö ki bëët-mëër, këël yïthakic dhaanhø ki nyïïmän moe.

Kwään Jiy 23:11

Køøre Balak aköö jï Beelam, na «?Agïnaŋø ni tïïyï dëëra en? Ïïna cwøla kiper nee nyïïmänna cienï jïra; 'ba ennø, bäŋ gïn mo iï tïïö; ï gwïëtha geni.»

Kwään Jiy 23:5

Køøre Wuuö Jwøk dwøre acïp dhi Beelam, ni kööe, ni «Døø baŋ Balak, ni caanï dwøra jïre.»

Kwään Jiy 23:8

?Aŋø, ŋat mo kär cien Jwøki ociena gø nidïï? ?Ni ŋat mo kär jääl Wuuö Jwøki omaara gø jääl nidïï?

Kwään Jiy 24:25

Køøre Beelam aö maal ni døø kanya bëëde yie, ni ö Balaki thuwø ni aae ki øtjööre.

Tiet Ciik 23:5

'Ba Wuuö Jwøk na näk Jwøu kär jïëy ki man leŋ gïr Beelam. Wuuö Jwøk na näk Jwøu acïëni mana di u cienø ki gø atïïe na gwïëth kiperu, kiper eni mëër ki uuni.

Tiet Ciik 32:36

«'Ba kanyo ö Wuuö Jwøki noo neen gø ni teek mar jiye bäŋgø këët, ni bäŋ dhaanhø mo odööŋ këët, këël laŋŋø, kar kaaca jiye di ŋunnö, ni päth cwïnye ki gïrge, ge na laaŋe moe.

Ruuth 1:14

Køøre gena cäŋ jwøk døc ni döötge ege tïŋ maal, ni ö Ørpa ni nuum dhi mii cwøre ni määtha gø ni aae. 'Ba Ruuth adööŋ buut nyijøøgø.