Wïlöölö 31:42 - Wëël Jwøk

⁴² A onää Jwø kwara ma Eeberam, na näk Jwø wø lwär wära ma Aydhak ki gø, ba en buuta, caana gø naa diï wëëk wääth ki ceŋŋa jaak møn. 'Ba Jwøk can mara ki öölö mar tïïc mana tïïa ajoode, ni beeye na jook ïïni yawïtïni enø.»

Wïlöölö 31:42 Iomraidhean Croise

Wïlöölö 11:5

'Ba Wuuö Jwøk aö piny kuna neen pääny ki pööki mana geer jiyi.

Wïlöölö 16:11

Ni cäŋ nyïïatwiel Wuuö Jwøki köö jïre, ni «Neenï, yiï oløny ni da dhaanhø; ïïno lwaar ki gø na dïcwøø; ni cagï nyeŋŋe ni Icmiel, kiper Wuuö Jwøk gïïa jwørï bëët awïnynye.

Wïlöölö 16:13

Køøre Eegar nyeŋ Wuuö Jwøk na cäänö ki eni acaae, ni kööe, ni «Ïïna El-Röi,» ni kööe, na «?Aŋø, ki køør mana jooda Jwøk kany en, a poot bëëdö naa kwøw møn?»

Wïlöölö 27:33

Køøre Aydhak dëëre atïmö ni miel døc, ni kööe, na «?Aŋata ŋa na kwøŋ öö ki rïŋö ya adïëti ni käl gø baŋa, ni cama gø bäre kanya poode niï poot kär öö, ni nø gwïëdha gø? Ni ka adïëri møn, bee eni noo gwïëth.»

Wïlöölö 29:32

Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»

Wïlöölö 31:12

Ni kööe, ni ‹Ennø, tïŋ wïïï maal, ni neenï nyööi moø ni käädö bëët yøø. Nyööi moøgø dëëtge da kït, ni møøk apøøli; gïnögø atïïa kiper aani gïïa tïïc Leeban dëërï bëët ajooda.

Wïlöölö 31:24

'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 31:29

Doo da gïn mo tïïa tïïö dëëtu ennø na bëëde ki køør teek mana en jïra, 'ba Jwø wääu acäänö ki aani ki yïth lääk yawïtïni, ni kööe, ni ‹Gwøk riï ki man ba cäänï ki Jeekap ki gïn mo mäna wääth mare.›

Wïlöölö 31:5

ni kööe jïge, ni «Bëëtö mar wääu ajooda no odak, ni nëëni ni ba mëër ki aani ni caala mana dïkwøŋ; 'ba Jwø wära ena buuta.

Wïlöölö 31:53

Jwøa näk Jwø Eeberam ki Neeyör, obëëdö na dïŋut luup yïthakiyø.» Ni ö Jeekapi ni put kööŋ ri nyeŋ Jwø wø lwäär wänni ma Aydhak.

Wïlöölö 32:9

Ni ö Jeekapi ni läme, ni kööe, ni «Wui Awuuö Jwøk, ï na Jwø kwara ma Eeberam ki wära ma Aydhak, ïïna cäänö ki aani ni kööï, ni ‹Ci døø pou baŋ tuuŋu; 'ba bëëtö marï otïïa ni beer.›

Wïlöölö 35:3

Køøre øøno tïŋŋi ni cøø Bëthël; køøre aano tïïö ki gïn wø cïp olämme bääte kaace jï Jwøk, Jwøa wïny kwac mara kanya ena yïth gïï mo leth, ni beeye Jwøa bëëdö ni nutö buuta yïth kwöra caadha bëët.»

Wïlöölö 46:1

Køøre Icriel atïŋŋö ni aae ki gïïa en jïre bëët; ni ö yi Bëërcïïba ni cïpe ko olämme jï Jwø wänni ma Aydhak.

1 Luup Nyeye 12:17

Kanyøgø Deebit aput cøø nee røømme ki geni, ni kööe, «Ni näk mou ö baŋa ka mëër kuna kønynyu aani, cwïnya gääbö ki uuni; 'ba ni näk kiper naa cïbu cer nyïïmän 'moa, keda man bëëde ni bäŋ gïn mo raac mo yaa tïïö en, beerra man ö Jwøki, eni na Jwø kwäyø, ni raŋ luummögø ni ŋøl gø.»

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Aydheea 8:13

'Ba a na Wuuö Jwøk na näk wïth jammi bëët beeye a ŋata dou wøørø ni ena kur keere, ni beeye a ŋata dou lwäärö, ni beeye a ŋata di cwïnynyu böö ki gø.

Daniel 2:23

Wui, ï na Jwø kwäya, a duua met ec jïrï ki pwøc, kiper aana mooyï ki leec wïc ki teek, ni ennø, aana tïïyï ki man ŋääa tier gïna pëënywa ïïni ki gø, kiper waana tïïyï ki man ŋäcwa tier lääk mar nyeya.»

Tiet Ciik 15:13

'Ba kanyo wii nee aae, kär wëëk wääth nee aae ki ceŋŋe jaak.

Juut 1:9

'Ba këël kwääy nyïïatwiet maal na näk Maykal, kanya pïëmge ka anägö ni ge caana gïr dëër Modhe, eni wïïe käre caarø ki man jääl anägö ki dhøk mo raac, 'ba ena köö, ni «Ïïno jook Wuue.»