Wïlöölö 31:30 - Wëël Jwøk

³⁰ Kawaane ennø møn, ïïna aay kiper cwïnyï atïmö ni lääŋŋa man døøï po wäru. ?'Ba aperŋø na kwalï gïï lam moa näk 'moa?»

Wïlöölö 31:30 Iomraidhean Croise

Wïlöölö 31:19

'Ba kar kaaca Leeban oci kuna nyaar jïëc dïëk moe; ni ö Reecalli ni kwal gïï lam moa näk mo wänni.

Wïlöölö 31:31

Køøre aløk Jeekapi ni kööe jï Leeban, ni «Päär wøk mara beeye kiper mana lwäya ni kanymør nyïïï kälï kälö ki teek baŋa.

Wïlöölö 35:2

Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

2 Camiel 5:21

'Ba jø Pilitin juu moge adööŋ piny kaace, ni ö Deebiti ki jø leny moe ni kälge juu moøgø.

Bwøth Wøk 12:12

« ‹Kiper a na Wuuö Jwøk aano cäädhi dï ŋööm Ijep dïwäänögø, ni nääa obwöc cwøw moa näk kaai moa en yi ŋööm Ijep bëët, ni beege kaai mo jiy ki kaai mo lääc paac bëët; ni ŋøla luumma bäät juuk Ijep bëët. Beeye aani na Wuuö Jwøk.

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Jeremaya 10:11

'Ba uuni, u na jø Icriel, caannu jïge na ennø nø, ni «Juu moa näk maal ki piny ba cwääya geni, ge ränynyö bäät piny bäre.»

Jeremaya 43:12

Ni ö eni ni nyep uut juu mo jø Ijep ni waaŋ geni, ni käl juu moge. Eni ŋööm Ijep olwøre ni jööt jaak, kaawat man wø ö dïkwääc dïëki wø rïëba aleeŋŋa dëëre ni jööt jaak, ni ö eni na Nabukedenecör ni døøe ni bäŋ gïn mo tägi dëëre.

Edhikiel 21:21

Kiper nyeny Babiløn kanyo ööe, eno cuŋŋi yïth agääk jïëthe moa na ariiø, ni tïïe ki nyuuthe ka athëëre, ni pëëny kït gïï wø lame, ni tïïe ki jap adïëda mo tïïc ka cwïny lääy.

Kwään Jiy 10:30

Ni løgi ya Obapi jï Modhe, na «A ba ci; a døøa powa baŋ tuuŋwa.»

Kwään Jiy 33:4

ni beeye kanya bëët jø Ijepi ni ge kunyö ki dëët kaai moge moa thøw ka ajäl Wuuö Jwøk. 'Ba kar kaace thuwø Wuuö Jwøk teek mar juu mo Ijep ee nø raanynyø na bäre.

Jøcua 24:2

'Ba Jøcua aköö jï jø Icriel bëët, ni «Gïna caan Wuuö Jwøki, Jwø Icriel, beeye en, ena köö, ni ‹Ki kany mo bäär kwäyu abëëdö løø Naam Upareeti løøga ni ge wøøra juu møøk, ni dhaanhø aciel røk kwäyu moøgø beeye Teera wää Eeberam ki Neeyör.

Pïëmme 18:17

'Ba jøøa na abïïc na kwøŋ ci kuna liew ŋöömmögø, gena døny yi øtø ni kälge gïï wø lam, ni beege gïna no otieŋø na kït gïrpiny, ki ëëput, ki juuga cøøri na terapim, ki gïna no oleenyø na kït gïrpiny. 'Ba kar kanyøgø, dïlämi manøgø cuŋŋö dhi kal buut jø leny moa näk dïpe abïciel na näk ceŋge da jap leny.

Pïëmme 18:24

Ni kö Mikiya, ni «Uuni, juu 'moa na tïïa, këël dïlämi mara, akällu ni aayu ki ge. ?Agïnaŋø nø na dööŋ jïra këët? ?Aŋø, u cäŋu köö jïra këët, ni ‹?Ï manynyï ŋø baŋwa?›?»

Pïëmme 6:31

'Ba Jöac aköö jï jøøa ö baŋe na näk cuŋŋö kaagø bëët, na «?Aŋø, uuni, u ŋäbö kiper Baal? ?U manynya gø nee cwagu? Ennø, ŋato köö ni eni ŋäbö kiper Baal jaak, ka amöölla diøø eni doo nääö. Ni näk mo Baal beeye Jwøk, beerra man ŋäbe kiper dëëre keere, kiper beeye gïn wø cïp olämme bääte mare, eni na Baal enø, na raanynyi.»