Wïlöölö 31:3 - Wëël Jwøk

³ Køøre Wuuö Jwøk aköö jï Jeekap, ni «Døø po wäru baŋ tuuŋu; 'ba aani, aano en buutï.»

Wïlöölö 31:3 Iomraidhean Croise

Wïlöölö 13:15

kiper ŋøøpo nëëni jïrï bëët yøø ocïba jïrï na bäre bäre këël nyïïkwaayï mo ööi køørï.

Wïlöölö 21:22

'Ba kanya tïme na kar kaaca, Abimëlëk aöö ki Piköl ŋata näk kwääy lwaak mare, ni cääne ki Eeberam, ni kööe, ni «Jwøk ena buutï ki ri jammi bëët mo wø tïïyï.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 28:4

Ni ö Jwøki ni cïp gwïëth mana gwïëth Eeberam ki gø jïrï ki nyïïkwaayï bëët, kiper nee ŋöömmo bëëdï yie ni ïïna wëëllö enø nee lwørï na marï, ni beeye ŋöömma cïp Jwøki jï Eeberam.»

Wïlöölö 30:25

'Ba kanya nø ö Reecalli na nywøl Jocep, Jeekap aköö jï Leeban, ni «Wëëk a wääth nø, kiper naa døøa powa kanya käla yie;

Wïlöölö 31:13

Aana Jwøa nyooth dëëre jïrï Bëthël, kanya thiiï maaw bäät kïnna cwödhï piny na nyuudhi, ni beeye kanya kööŋï jïra yie. 'Ba ennø, ö maal ni weyï paani, ni døøï paana nywøl ïïni yie.› »

Wïlöölö 31:18

ni køøl lääc paac moe bëët nyïme, ni aae ki jap paare bëët moa joode Padan-Aram, ni täge ki wääth ki man ci baŋ wänni ma Aydhak yi ŋööm Keenan.

Wïlöölö 31:2

Ni ö Jeekapi ni neen bëëtö mar Leeban no odak, ni nëëni ni ba mëër ki eni ni caala mana dïkwøŋ.

Wïlöölö 31:4

Ni ö Jeekapi ni jääk baŋ Reecal ki Liia nee öge baŋe paap kanya en dïëki moe yie,

Wïlöölö 32:10

'Ba aa na Jeekap, a paa dhaanhø mo orømø ki mëëyï ni wø ba jøøl, ka adïëri marï na nyoothï jïra, aani na näk laŋŋï. Aani dïkwøŋ naam Jördan en aŋøla naa käära athøra keere ki cera. 'Ba ennø, aana tïmö ni jïra da lwaae ariiø.

Wïlöölö 32:5

ni jïta ki dhäk ka arëëni ki dïëk ki jø tïïc ma mään ki cwøw. 'Ba ennø, aana jääŋ baŋï nee gïïögø caan jïrï, ï na kwääya, kiper naa jïta ki met ec nyïmï.› »

Wïlöölö 32:9

Ni ö Jeekapi ni läme, ni kööe, ni «Wui Awuuö Jwøk, ï na Jwø kwara ma Eeberam ki wära ma Aydhak, ïïna cäänö ki aani ni kööï, ni ‹Ci døø pou baŋ tuuŋu; 'ba bëëtö marï otïïa ni beer.›

Wïlöölö 35:1

Køøre Jwøk aköö jï Jeekap, ni «Ö maal ni ci Bëthël, ni bëëdï yie kaace, ni tïïï ki gïn wø cïp olämme bääte kaace jïra, a na Jwøk na nyooth dëëre jïrï kanya reŋï niï ŋwieya coku ma Icøø.»

Wïlöölö 35:3

Køøre øøno tïŋŋi ni cøø Bëthël; køøre aano tïïö ki gïn wø cïp olämme bääte kaace jï Jwøk, Jwøa wïny kwac mara kanya ena yïth gïï mo leth, ni beeye Jwøa bëëdö ni nutö buuta yïth kwöra caadha bëët.»

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

Dut Pwøc 46:1

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»