Wïlöölö 31:24 - Wëël Jwøk

²⁴ 'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 31:24 Iomraidhean Croise

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

Wïlöölö 20:6

Kanyøgø Jwøk acäänö ki eni ki yïth lääk ni kööe, ni «Kare møn, gïna tïïyï enøgø, ŋääa ni tïïyï ka cwïny mo leer. 'Ba aani thuwø ïïna mäna ki man ba ciï baŋ nyaanøgø, kiper niï ba bääyï dëëra.

Wïlöölö 24:50

Køøre Leeban ki Batuël marge acaange, ni köge, ni «Gïnögø käla baŋ Wuuö Jwøk; 'ba ennø, bäŋ gïn mør mo caanwa jïrï këët.

Wïlöölö 28:5

Køøre Aydhak Jeekap awëëk wääth, ni ci Padan-Aram baŋ Leeban o Batuël nyï Aram, na näk cok Rebëëka mii Jeekap ki Icøø.

Wïlöölö 31:10

«'Ba kanya tïme na kar käädö mar dïëk, aana lägö ni jooda nyööi ni käädö, ni nyööi moa käädö dëëtge da kït, ni møøk apøøli.

Wïlöölö 31:11

Køøre nyïïatwiel Jwøk aköö jïra ki yïth lääk, ni ‹Jeekap,› ni kööa, ni ‹Aani en.›

Wïlöölö 31:23

Ni ö Leeban ni lwør tuuŋge, ni läpge køør Jeekap ki wääth mo caath ka nïne abïriiø; ni ö Leeban ni maa Jeekap Gelät, paana näk po kïte.

Wïlöölö 31:25

'Ba Leeban Jeekap amaae ni Jeekap oduŋkaare moe ee nø gur piny paana näk po kïte, ni ö Leeban ki tuuŋge ni gurge oduŋkaare moge piny Gelät na näk po kïte thuwø.

Wïlöölö 31:29

Doo da gïn mo tïïa tïïö dëëtu ennø na bëëde ki køør teek mana en jïra, 'ba Jwø wääu acäänö ki aani ki yïth lääk yawïtïni, ni kööe, ni ‹Gwøk riï ki man ba cäänï ki Jeekap ki gïn mo mäna wääth mare.›

Wïlöölö 31:42

A onää Jwø kwara ma Eeberam, na näk Jwø wø lwär wära ma Aydhak ki gø, ba en buuta, caana gø naa diï wëëk wääth ki ceŋŋa jaak møn. 'Ba Jwøk can mara ki öölö mar tïïc mana tïïa ajoode, ni beeye na jook ïïni yawïtïni enø.»

Wïlöölö 31:7

'Ba wääu bëëdö ni møønna aani, ni wel jammi mo wø maa kwöre apaar; 'ba ena män Jwøki ki man tïïe ki gïn mo raac dëëra.

Wïlöölö 40:5

'Ba dï wäär aciel ŋata bëëdö na nyikeenø ki ŋata en tïï dääpe cere, jøøa leeŋ øt twöc, gena lägö bëët karge riet, ni ŋati man nø lääge ena kur keere, ni tier lääk man nø ena kur keere.

Wïlöölö 41:1

'Ba na tïme na køør cwiiri ariiø, Peerø alägö kede eni cuŋŋö bäät naam.

2 Camiel 13:22

'Ba Abëcëlöm aput bëëtö ni bäŋ gïn mo ee caanø ka Amnön; kiper Abëcëlöm amännö døc ka Amnön kiper mana ö Amnönni na mak coki ma Tamar ki teek ni bute ki gø na dhaagø.

1 Nyeye 3:5

'Ba kanya en Cølömanni Gibien, Wuuö Jwøk ree anyoodhe jïre ki yïth lääk ki wäär; ni kööe jïre, ni «Pëëny gïna manynyï nee cïba jïrï.»

Jööp 33:25

kanyøgønø, rïŋ dëëre doo cäŋa tïmö kaamar rïŋ dëër nyilaal mo poot thiinh, ni dee døø kare ni teek ni caala yïth nïr wøp moe.

Aydheea 37:29

'Ba kiper wëër mana wëërï ki aani, ka atöör marï mana jooda, aani umï gäna gänö ko obïth mara, ni kïtha dhiï ki nywïëny dho okweeny, ni wiira wïïï ki gø, ni dwøga ïïni ki jöö mana ööï ki yie.›

Odheea 12:12

Kwarø ma Jeekap apäär wøk ni ci yi ŋööm jø Aram. 'Ba eni na Icriel nee nyöömme ki dhaagø, ena tïïc ni kwaaya dïëk na kar gwel moa dee køølø.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Kwään Jiy 22:20

'Ba Jwøk aö bäät Beelam ki wäär, ni kööe, «Ni näk jøøgø ööa kuna cwølge ïïni, ö maal ni aayï ki geni. 'Ba wär näk miï tïïya dwøro caana jïrï keere.»

Kwään Jiy 22:26

Køøre nyïïatwiel maal mar Wuuö Jwøk anyiik nyïme, ni cuŋŋe kanya näk diiny døc, mo røk ba løny ki løø bäät cwïïc wala bäät caam.

Kwään Jiy 24:13

ni ‹Këël Balak doo cïpa øde bäre mo päŋ ki warkey ki gwel-bïrö jïra cøøn, bäŋ gïn mo raac wala mo beer mo daa tïïö ki wïïa keera ni kaala ciik Wuuö Jwøk; ni gïno caan Wuuö Jwøki beeye gïno caana.›

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 2:12

'Ba kiper mana tïme ni geno kööm Jwøki ki yïth lääk, ni kärge døø baŋ Eerat, gena aay ki jöö mør ni døøge poge.

Mathiew 27:19

'Ba kanya bëët Paylati no opï piny bäät køøm løøk, cïïe aöön baŋe ki dwøl ni kööe, ni «Kär dee gïn tïïyï ki ŋatøgø ni mare beer enø. Kiper gïï mo leth døc ajwøra yawïtïni ki yïth lääk kipere.»

Tiet Ciik 26:5

Ni caan mare nyïm Wuuö Jwøk na näk Jwøu, ni kööe, ni ‹Kwara beeye ŋat Aram mo oööl mo manynya thøø, ni aa Ijep ni bëëde yie na jur ma wëëllö, ni ge nøk. 'Ba gena tïmö na wï jur mo dwøŋ, ni tïmge ni teek kaace, ni kwäänge thööth.