Wïlöölö 30:15 - Wëël Jwøk

¹⁵ 'Ba Liia aköö jïgø, «?Aŋø, ki mana mayï cwøra ki jïrï beeye gïn mo jööt jaak? ?A ennø, ï manynya man cäŋï nyïïjer wääda källö thuwø?» Køøre Reecal aköö, ni «Beerra man but Jeekapi buutï dïwääni na kar nyïïjenni moa käl wäädï noo cïpï jïra.»

Wïlöölö 30:15 Iomraidhean Croise

Wïlöölö 30:14

'Ba kanya tïme na kar kac ki beel, Ruben aci yi pwödhö ni jïte ki nyïïjenni mo ociek, mo caala nyïï ocøøk, ni käl geni jï menni ma Liia. Ni kö Reecalli jï Liia, na «A kwaya ïïni ki man mooyï aani røk nyïïjenni moa käl wäädï jïrï.»

Wïlöölö 30:16

'Ba kanya duu Jeekapi ka abøøya ki yi pwödhö, Liia aci kuna røømge ki gø, ni kööe jïgø, ni «Wärï ö baŋa dïwääni, kiper ïïna ŋeea ki nyïïjenni mo wääda.» Køøre Jeekap aci baŋ Liia dïwäänögø.

Aydheea 7:13

Køøre Aydheea aköö, «Wui, u na dhi Øt Deebit, cegu ïthu ennø. ?Aŋø, ki man cwaatu yïth jiy atïmö ni thiinh kiperu, ni tïmu nou daa baŋ Jwøk mara nou cwaata yie en?

Edhikiel 16:47

'Ba ï kär bëëdö keere niï caatha køør tïïe moge niï temma tïïe moge na näk yia raac ki ge. 'Ba ki yïth tïïe moï bëët ïïna köö ni moøgø nøk, ni cäŋï tïïö ki mo kaala moa tïïcge bëët.

Kwään Jiy 16:13

?Aŋø, ki jïrï ni beeye gïn mo thiinh ki mana kälï wa wøk ki yi ŋöömma näk caak ki maar kïc päl yie nee wa nää dï paap kany? ?Ï poot manynya man tïïyï dëërï na kwäärö bäätwa thuwø?

1 Körin 4:3

'Ba ki jïra nëëni keda gïn mo thiinh døc ni näk beeye uuni noo ŋøl mara piny wala jø møøk noo ŋøl mara piny. 'Ba këël aani ki dëëra, mara ba daa ŋøla piny.