Wïlöölö 3:24 - Wëël Jwøk

²⁴ 'Ba kar kanya ö Wuuö Jwøki na riem dhaanhø wøk, eni nyïïatwiet maal mo cwøl ni kirubël, ko opëëllö mo leebe liel ki maac, mo løøŋŋa ree ki kwöre bëët, acïp jï løø kur tuul-cäŋ ya ajïniinna en Ëden, kiper nee jöör jaath kwøw nee koorge.

Wïlöölö 3:24 Iomraidhean Croise

Wïlöölö 3:23

Kiper manøgø nø, Wuuö Jwøk dhaanhø ariem wøk ya ajïniinna en Ëden, kiper nee tïme ni puura ŋøøm moa käl yïthge.

Wïlöölö 4:1

Køøre Adam aci baŋ cïïe ma Iip, ni jït yie ki dhaanhø ni nywøl Keen, ni kö Iipi, ni «Aana jïtö ki nyilaal ma dïcwøø ki baŋ Wuuö Jwøk.»

Wïlöölö 4:14

Neenï, ennø dïcäŋi en aana riemï wøk yïth ŋøøm; ni bëëda naa ba en buutï këët. Ni tïma ni aana dhaanhø maa thääyö jaak mo wïïrö bäät piny; ni kanymør ŋato wäro joot aani jaak a di nääö.»

Dut Pwøc 80:1

Bwøth Wøk 25:2

ni «Caanï jï jø Icriel nee cïpge ki muuce jïra. Ŋato yie met ki man cïp muuy mare jïra ki cwïnye bäre, wär lwørï baŋe.

Edhikiel 10:1

Køøre aana lwïthö ni jooda gïna dwøŋ na näk ree ee peerø bäät nyïïatwiet maal mo wø cwøl ni kirubëlli, ki gïn mo kede kïdi mo kïte caala caaro mo nëëni kaamar wälu mo ena wïth kirubëlli moøgø.

Edhikiel 31:11

aani, ena cïba cer nyenynya teek na en bäät wïth juurre, ni jääl gø ki køør japa reyø na tïïe. 'Ba ena puta kwier,

Kwään Jiy 22:23

'Ba kanya ö arëënni na joot nyïïatwiel maal mar Wuuö Jwøk ni cuŋŋa dï øtjöö no opëëlle ena cere, arëën aput gaa wøk ki øtjöö ni ci yi pwödhö; 'ba Beelam arëën agøøe kiper nee dwøk øtjöö.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Ibaru 1:7

'Ba mar nyïïatwiet maal, ee caanø, ni «Beeye wø tïïc nyïïatwiete na jamø, ni tïïc laage na lëëp mäc.»

Jøcua 5:13

'Ba kanya en Jøcua buut Jerikö, wïïe atïŋ maal ni lwïthe; ni joot dhaanhø mør ni cuŋŋö nyïme no opëëllö dagø cere; ni ö Jøcua ni ci baŋe ni kööe jïgø, ni «?Ï ena løøk marwa wala ï ena løø nyïïmän?»

1 Camiel 4:4

Køøre jø leny ajääk Cëëlö ki jiy, ni ö jøøa jääŋŋi ni kälge acanduk man wø nyooth luumma tuut Wuuö Jwøki ki jiy, ni beeye Wuuö Jwøk, eni na wïth jammi bëët, ni wø nyooth ajiem nyec mare ki yïthakic gïïa no otïïö ni caala nyïïatwiet maal ni wø cwøl ni kirubëlli na en bäät acanduk; 'ba wäät Ëli karge riet, ni beege Apni ki Piniac, ge bëëdö buut acanduk man wø nyooth luumma tuut Wuuö Jwøki ki jiy.