Wïlöölö 3:16 - Wëël Jwøk

¹⁶ Ni kö Wuuö Jwøki jï dhaagø, ni «Rääm marï omeeda døc ri nyöödö marï; ï jïtö ki rääm ri lwaar marï ko obwöre. Cwïnyï otïmö ni ena køør cwørï, ni tïmï niï bëënna gø.»

Wïlöölö 3:16 Iomraidhean Croise

Wïlöölö 4:7

?Aŋø, ni näk mo marï beer, täärnyïmï ba doo bëëdö ni leer? 'Ba ni näk mo marï ba beer, raay bëëdö no omøør piny dhi øtø marï; ni manynya ïïni. 'Ba gïna diï tïïö beeye ki man böötï gø.»

1 Luup Nyeye 4:9

'Ba da dhaanhø mo nyeŋŋe cwøl ni Jabec, mo owøørø døc no opöödhö ki yïthakic nyïïmenni. Nyeŋŋe acak menni ni Jabec, kiper ena köö, ni «Eni nywøla yi rääm mo leth døc.»

Acther 1:20

'Ba kanyo wïny awaaci mar nyeya tiet mïëri moa thööth bëët moa näk moe, mään bëët ge gööga dëët cwøwge ni wøørge ge ki wödö ma kare, këël cwøre kare thiinh wala kare dwøŋ.»

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 21:3

Kanya jooda gïnögø, rääm mo leth aput tägö dëëra, kaamar dhaagø mo ogøøc mäc lwaarri; Aani wïïa ree akiere døc, ni tïme ni tiet luup ba kwanya, ni lwäya døc, ni tiet luup ba jooda.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 49:24

Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Jeremaya 6:24

Waani gïna caan kiper jø leny moøgø awïnywa, ni ö bäätwa ni päthge, ni ö lwärri mo dwøŋ ni mak waani, ki rääm mo caala rääm dhaagø mo ree da mäc lwaar.

Kwään Jiy 30:13

Cø dhaagø jïre da teek ki man jïëc kööŋ wala lam røk, wala ki man kwier kööŋ wala lam røk mana tïïc cïïe.

Jøøn 16:21

Dhaagø kany wø täk mäc lwaarri dëëre, cwïnye wø pädhö, kiper na ö kare. 'Ba kany wø ö nyilaalli wøk, eni wïïe ba caare ki rääm këët, kiper na tïm yie ni met ki nyilaal mana nywøle.

1 Körin 11:3

'Ba a manynya man ŋäyu gø, ni dïcwøø man nø bëënna Krictø, ni dhaagø bëënna cwøre, ni ö Krictø ni bëën Jwøk.

1 Körin 14:34

'Ba mään doo bëëdö ni ge lïŋö yïth acook Jwøk bëët keda man wø tïïc yïth acooŋe bëët mo jø Jwøk. Kiper ge paa owëëk cäänö, 'ba ge doo bëëdö ni bäŋ dööti jïge, kaawat mana caani ya ciik Jwøki thuwø.

1 Körin 7:4

Kiper dhaagø bäŋ wø bëën dëëre keere, 'ba bëënna cwøre. Ni dïcwøø thuwø bäŋ wø bëën dëëre keere, 'ba bëënna cïïe.

Köløcia 3:18

U na mään, bëënnu cwøwu, ni beeye mana mïërö jï Wuuö.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

1 Timöthi 2:13

Kiper Adam beeye na kwøŋ cwääc, ni cwääc Iip køøre.

1 Timöthi 2:15

'Ba dhaagø okøny thuwø kiper mana nywøl jiy, ni näk eni puta bëëtö ri ŋäädhe ki mëër, ni ena kur keere, ni mwöl.

Tayta 2:5

ni bëëtge ni wïthge leer, ni ge ciil ki raay bëët, ni mïëcge ege jiiŋŋø, ni ge mwöl, ni ge wø leŋa luup cwøwge, kiper nee bäŋe gïn mo jøøŋŋi ri luum Jwøk.