Wïlöölö 3:15 - Wëël Jwøk

¹⁵ Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Wïlöölö 3:15 Iomraidhean Croise

Wïlöölö 49:17

Daan otïmö kaamar thwöl mo ena øtjöö, na thwöl mo dhee da cïm mo bëëdö thääŋ jöö, ni kac tier okweeny; ni ö ŋata en bäät okweenynyi ni päth piny ŋää okweeny.

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 31:22

?Wui, nyaara ma Icriel, ï ni cwïnyï ogaa wøk en, a këël kany mo nyïëdi nø noo bëëdï niï wïdö jaak? Kiper Wuuö Jwøk tïïö ki gïn mo nyään bäät piny, ni beeye ni dhaagø dïcwøø gwøe gwøø.»

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Amøc 9:3

Këël røkge dige kana wï Kïn Karmël, ge manynya manynyø ni käla ge wøk ki kaace; këël røkge dige kanø ki aani yi naama dwøŋ kany mo päŋ døc, thwöl mana en tiet pïï köömma köömmö ni kaac geni kaace.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 1:25

'Ba dëër gø kuue, këël mana lwaare ki dhaanhø ma cïïŋŋö; ni ö Jocepi ni cak nyeŋ gø ni Jecu.

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Maak 16:18

ni kwaanyge thwöre. 'Ba ni näk da gïr thøø mo maathge, bäŋ gïn mo tïïe dëëtge. Ni kïthge ceŋge bäät jø täwe, ni jöön dëëtge.»

Luk 1:76

'Ba ï na nyilaal, ïïno cwøl ni ïïna nyikuŋ Jwøa Dwøŋ ni en Maal, kiper ïïno cäädhi nyïm Wuuö niï jiiŋŋa uutjïëthe moe,

Luk 10:19

Neennu, uuna wëëga teek ki man nyøru thwöre ka agarapi, ki teek ki man böötu teek mar nyimän bäre na näk anägö, ni bäŋ gïn mo gwaar uuni.

Luk 22:53

Kany wø bëëda ki uuni cooth yi kal mar Øt Jwøk Mana Dwøŋ, ceŋŋu käru kïth dëëra. 'Ba beeye karu ennø, ni beeye kar teek muudhö.»

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Wëëlö Mana Göör Pøølli Baŋ Jø Röm 16:20

'Ba Jwøk ni wø cïp bëët-mëër, Ceethan olaar ŋiith tietu. Met ec mar Kwääyø ma Jecu Krictø bëëde bäätu.

Wëëlö Mana Göör Pøølli Baŋ Jø Röm 3:13

«Lwör moge atïmö keda bwörö mo ojabø, ni ge cara cwøk ki lëëpge.» «Ni cïmmi mo thwöre ena dhøkge.»

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

Epeca 4:8

Ni beeye na caani, «Ni kanya ci maal akädö ki jiy mo thööth mo ee maaø ki tøŋ, ni cïpe ki muuce jï jiy.»

Köløcia 2:15

Ni ö eni ni dwøc tøøk gïïa jïge da teek maal ki moa näk ocuumö, ni tïïe ni ee nyoodhø jï jiy bëët, ni dïïm geni ki køøre.

Ibaru 2:18

Ni løny jïre ki man køny jø wø päänynyi, kiper eni ki dëëre gïï mo leth akwøŋ jwør, ni päänynyi.

Ibaru 5:7

'Ba yïth nïne moa bëët Jecu bäät piny, Jecu alämö ni kwac Jwøk, ni jwöŋe ki pï nyeŋ ki dwøl mo päl, ni jwönna ŋata näk løny jïre ki man piem gø nee ba thøøe, ni wïny mare kiper mana leŋ luup mo Jwøk.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.

1 Jøøn 5:5

?Aŋa ni wø bööt piny? Beeye ŋat wø jïëy ni Jecu beeye O Jwøk.

Mana Nyooth 12:17

Kanyøgø thwörögø awëër ki dhaagø, ni ci kuna këëde ki nyïïkwaac dhaaŋŋøgø møga, jø wø gwøk gïïa cem Jwøki, ni wø køp gïr Jecu.

Mana Nyooth 13:7

Ni eno wiiø ki man këëde ki jø Jwøk thuwø nee jø Jwøk bööte. Ni eno mooø ki teek bäät wïth tuŋi bëët, ki wïth juurre bëët, ki bäät teeŋ dhøgi bëët, ki tiet mïëri bëët.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.