Wïlöölö 3:13 - Wëël Jwøk

¹³ Kanyøgø Wuuö Jwøk aköö jï dhaagø, na «?Agïnaŋø ni iï tïïö en?» Ni kö dhaage, ni «Aana cøøk thwölli ni cäma.»

Wïlöölö 3:13 Iomraidhean Croise

Wïlöölö 12:18

Køøre Peerø Abram acwøle, ni kööe, na «?Agïnaŋø na tïïyï dëëra en? ?Aperŋø na ba caanï gø jïra en ni nyijøøgø cïïï?

Wïlöölö 44:15

Ni kö Jocepi jïge, na «?Agïnaŋø na tïïyu en? ?Aŋø, kuyu ni aana dhaanhø mo løny jïre ki man ŋäc gïrpiny mo tïïc no okanø?»

2 Camiel 3:24

Køøre Jöap aci baŋ nyeya ni kööe, «?Wui nyeya, agïne ni iï tïïö en? Ka adïëri møn, Abinër anø ö baŋï. ?'Ba aperŋø na wëëgï eni wääth ni put aay?

1 Nyeye 13:18

Køøre nyikuŋ Jwøk mana näk jaal acäänö ki wïïe keere ni kööe jïgø, ni «Aani, aana nyikuŋ Jwøk mo caala ïïni thuwø, ni da luum Wuuö Jwøk mo ocaan nyïïatwiel maalli jïra, ni kööe, ni ‹Ciï ni duuï eni paarï, nee cäme nee mäthe ki pïï.› » 'Ba nyikuŋ Jwøk manøgø, mare cwøk.

Ciik Kiper Dïlämme 12:5

'Ba ni näk mo dhaaŋŋøgø lwaar ka nyilaal ma nyakøø, eni bëëdö ki juu ariiø ni ba waany, kaawat man wø bëëde ni dëëre da gïr mään; eni wär poode ni bëëdö ki nïne ma pïërabïciel ka abïciel këël kanyo dööŋe ni waany ki remø mana en dëëre.

Joona 1:10

'Ba jøøgø aput lwäyö døc, ni köge jïre, «?Aŋø, a teeŋ gïnaŋø na tïïyï en?» Kiper ŋäc jiyi ni eni reŋi ni kana ree ki Wuuö Jwøk, kiper ee nø caan jïge.

Jøøn 18:35

Ni løgi ya Paylati, «?Aŋø, aana nyï Juuth? Bee jø pou ki dëëtge, ki kwääc laam na käl ïïni baŋa. ?Agïnaŋø na tïïyï?»

Wëëlö Mana Göör Pøølli Baŋ Jø Röm 7:11

Kiper raay ajïtö ki jöö ri mana cem Jwøki ni cøøkge aani ni 'näkge aani ki gø.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

1 Timöthi 2:14

'Ba paa Adam na cøøgi, 'ba beeye dhaagø na cøøgi ni tïme na ŋata dhal luum Jwøk.

1 Camiel 13:11

'Ba Camiel aköö jï Cøøl, «?Aŋø, ï tïnynyï ŋø ki gïn?» Ni kö Cøølli, ni «Beeye kiper mana jooda jiy ni ge keethø buuta, ni ïïni thuwø, ï poot kär pïï ki yïth nïra caanï jïra, ni jø Pilitin thuwø rege ege nø cooŋ Mikmac.

1 Camiel 15:15

Ni kö Cøølli, ni «Beege moa käl jø lenynyi ki baŋ jø Amalëk, kiper geni dïëk moa beyø ki dhäk moa beyø awecge ni kwøw, kiper nee cïpge no olämme jï Wuuö Jwøk, Jwøk marï; 'ba moa dööŋ anäkwa na bäre bäre.»