Wïlöölö 3:1 - Wëël Jwøk

¹ 'Ba ki dëët lääy bëët moa cwääc Wuuö Jwøki bäät piny, thwöl atïmö ni rieka waŋe. Køøre dhaagø apëënynye ni kööe, «?Aŋø, ka adïëri møn, Jwøk aköö ki uuni ni käru cämö ri nyïïjenni moa en ya ajïniina bëët?»

Wïlöölö 3:1 Iomraidhean Croise

Luup Dïpööy 4:10

Kiper ni näk mo dhaanhø aciel pädhö, dhaanhø maya wati tïŋe maal. 'Ba otïmö ni leth jï ŋat opädhi na eni keere ni bäŋ ŋat mo tïŋ gø maal!

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Mathiew 4:6

ni kööe jïgø, ni «Nee ïïna O Jwøk, leeŋ riï piny, kiper ogöörö, «ni ‹Eni nyïïatwiet maal moe oköömme kiperï niï koorge. Ïïno jølge maal ki ceŋge, kiper nee tierï ba cwaanyï ri kïdi.› »

Mathiew 4:9

Ni kö anägö jï Jecu, ni «Gïï bëët owëëga ïïni ni näk mo cøŋŋï këëllï piny ni wøørï aani.»

2 Körin 11:14

'Ba paa gïn mo ec thäŋŋö ki gø, kiper këëlla Ceethan dëëre wø døøye nyïïatwiel maal mar tar.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

1 Piter 3:7

Kaawat manøgøøni, u na cwøw, bëëdu ki määru nou cädu kiperge, ni wøørru geni kiper geno cwääö ni jääk, kiper mana tïme ni kwøw mana cïp Jwøki ki met ec omëëk u riet, nee bäŋe gïn gëëŋ lam maru.

Mana Nyooth 12:15

Ni ö thwölli ni ŋöö pïï wøk ki dhee mo keda naam køør dhaaŋŋøgø, kiper nee dhaaŋŋøgø käl jwïïe.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 20:2

Ni mak thwörögø, thwöra nut ya acääŋŋe cøøn na näk anägö, ni näk Ceethan, ni twöc gø ki cwiiri ma kuma aciel,