Wïlöölö 29:32 - Wëël Jwøk

³² Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»

Wïlöölö 29:32 Iomraidhean Croise

Wïlöölö 16:11

Ni cäŋ nyïïatwiel Wuuö Jwøki köö jïre, ni «Neenï, yiï oløny ni da dhaanhø; ïïno lwaar ki gø na dïcwøø; ni cagï nyeŋŋe ni Icmiel, kiper Wuuö Jwøk gïïa jwørï bëët awïnynye.

Wïlöölö 29:31

'Ba kanya jooti ya Wuuö Jwøki ni Liia ba mëërö ki gø døøc, Liia akønye ki man jïte ko obwöre, ni dööŋ Reecalli ni bäŋ obwöre jïre.

Wïlöölö 31:42

A onää Jwø kwara ma Eeberam, na näk Jwø wø lwär wära ma Aydhak ki gø, ba en buuta, caana gø naa diï wëëk wääth ki ceŋŋa jaak møn. 'Ba Jwøk can mara ki öölö mar tïïc mana tïïa ajoode, ni beeye na jook ïïni yawïtïni enø.»

Wïlöölö 35:22

'Ba kanya bëët Icrielli ni bëëdö yi ŋöömmögø, wääde ma Ruben aci baŋ Bila, dhaaŋŋa näk kwanynyø mar wänni, ni butge ki gøøni; ni ö wänni ma Icriel ni wïny gïnögø. 'Ba wäät Jeekap beege apaar kurriiø.

Wïlöölö 35:23

Wääte moa nywøle ki Liia beege Ruben na näk kany Jeekap, køøre ki Cimien ki Libay ki Juuda ki Icakar ki Dhebulan;

Wïlöölö 37:29

Kanyøgøøni na duu Rubenni na neen Jocep ni tøør yi buur, abïïge ajeeye.

Wïlöölö 42:22

Ni kö Rubenni jïge, «?Aŋø, kära caanø jïïu ni käru bääyö dëër nyilaal? 'Ba mara käru wïnynyö. Neennu, kawaane ennø, ajäl remme aö bäätø.»

Wïlöölö 42:27

Ba na ö dhaanhø acielli dïge na jap opïr mare kanya butge yie, ni mooya arëën mare ki cam, eni gwel moe ajoode dho opïr mare.

2 Camiel 16:12

Kanymør thuwø Wuuö Jwøk caannø man caan a ki gø en di neenø ni tïïe ki gïn mo beer jïra na kar ajaany man jany aani ki gø dïcäŋi en.»

1 Luup Nyeye 5:1

Man beeye luum wäät Ruben na näk kany Icriel, ni beeye eni ŋata kwøŋ nywøl; 'ba kiper mana ci baŋ cï wänni ni bute ki gø, dööŋö mare aput wëëk wäät Jocep, ni ö beenhnhe moe ni käri göörö yi wëël nyeŋ ki køør dööŋö mare.

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Bwøth Wøk 4:31

Ni ö jø Icrielli ni ŋääthge; 'ba kanya wïnyge gø ni Wuuö Jwøk alïïmmö baŋge ni joot caannø marge, wïthge akuulge piny ni wøørge gø.

Edhikiel 48:6

«'Ba jø tuuŋ Ruben, løøk aciel mana kïïö ki ŋööm jø tuuŋ Ipariem wär cïp jïge na kurge, ni beeye ki mano täge ki jï løø kur tuul-cäŋ këël mano këët jï løø kur pänh-cäŋ.

Kwään Jiy 1:5

'Ba nyeŋ jøøgøøni beege ii: «Ki røk jø tuuŋ Ruben beeye Elicuur o Cediyör;

Luk 1:25

ni «Wuuö Jwøk gïn atïïe dëëra na enønø, kanya nyooth met ec mare jïra, ni wëënna laac wïc mara dï jiy.»

Tiet Ciik 26:7

Køøre waana jwöŋö dëër Wuuö Jwøk na näk Jwø kwäcwa, ni ö Wuuö Jwøki ni wïny döötwa, ni joot caannø marwa ki öölö marwa ki nyøøn mana nyøøn wa piny ki gø.

Tiet Ciik 27:13

'Ba jøw ocuŋŋi bäät Kïn Gëëbal kiper nee luum acïëni jïëcge na kar jiy beege jø tuuŋ Ruben, ki jø tuuŋ Gaat, ki jø tuuŋ Acer, ki jø tuuŋ Dhebulan, ki jø tuuŋ Daan, ki jø tuuŋ Naptali.

1 Camiel 1:11

Kanyøgønø, ena kööŋ jï Wuuö Jwøk ni kööe, «Wui Wuuö Jwøk, ï na wïth jammi bëët, ni näk mo caannø mara raŋï raŋø møn, a na laŋŋø marï, ni lääŋŋï aani, ni ba wïl wïïï ki aani, a na laŋŋø marï, ni cïpï jïra ki nyilaal ma dïcwøø, aani nyilaal maneca puta ka cïp jïrï, ï na Wuuö Jwøk, këël yïth nïr kwøw moe bëët moo beede; 'ba wïïe bäŋ doo lielø na bäre.»

1 Camiel 1:20

'Ba na päŋ nïr lwaarri, ena lwaar ki dhaanhø ma dïcwøø; ni cak nyeŋ gø ni Camiel, ni kööe, ni «Kiper eni kwaa baŋ Wuuö Jwøk.»