Wïlöölö 29:31 - Wëël Jwøk

³¹ 'Ba kanya jooti ya Wuuö Jwøki ni Liia ba mëërö ki gø døøc, Liia akønye ki man jïte ko obwöre, ni dööŋ Reecalli ni bäŋ obwöre jïre.

Wïlöölö 29:31 Iomraidhean Croise

Wïlöölö 11:30

'Ba Caray atïmö na bwøc, ni jïre bäŋ nyilaal.

Wïlöölö 16:1

'Ba Caray na näk cï Abram bäŋ obwöre mo ege nywølø ka Abram. 'Ba jïre da laŋŋø ma nyi jø Ijep mo nyeŋŋe cwøl ni Eegar.

Wïlöölö 20:18

Kiper Wuuö Jwøk mään moa en po Abimëlëk bëët ee mänö ki man jïtge ko obwöre kiper mana ö Abimëlëki na lwør Ceera cï Eeberam.

Wïlöölö 25:21

Køøre Aydhak alämö jï Wuuö Jwøk kiper cïïe, kiper cïïe jïre bäŋ obwöre mo ee nywølø; ni ö Wuuö Jwøki ni wïny lam mare, ni jït yi cïïe ma Rebëëka ki dhaanhø.

Wïlöölö 27:41

Køøre Icøø cwïnye ajïtö ki gïn mo raac ki Jeekap kiper gwïëth mana joode baŋ wänni; ni ö Icøø ni cääne ki cwïnye keere, ni kööe, ni «Nïr kïmmö kiper thøw wära kare aløny ni cään; kar kaaca nø, coka ma Jeekap onääa.»

Wïlöölö 29:30

Ni ö Jeekapi ni ci baŋ Reecal na dhaagø thuwø. 'Ba Jeekap mëër ka Reecal døc ni kaala Liia, ni ö Jeekapi ni cäŋ tïïö ki cwiiri abïriiø møøk jï Leeban.

Wïlöölö 29:32

Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»

Wïlöölö 30:22

'Ba Jwøk wïïe acaare kiper Reecal, ni wïny mar gø, ni wëëk gø nyöödö.

Wïlöölö 35:23

Wääte moa nywøle ki Liia beege Ruben na näk kany Jeekap, køøre ki Cimien ki Libay ki Juuda ki Icakar ki Dhebulan;

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Milkiya 1:3

ni männa ki Icøø, ni raanynya poge na en bäät kïte, ni wëëga wï poge dööŋŋö jï othööe na näk lääc paap.»

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Luk 1:7

'Ba jïge bäŋ nyilaal, kiper Ilidhabeth bwøc, ni geno nø jalø karge riet.

Luk 14:26

ni «Ni näk da ŋat mo ööa baŋa ni ba män ki wänni, ki menni, ki cïïe, ki nyïïe, ki nyïïmenni, këël jwïëye kiree, ŋatøgø ba maar tïmö na bääŋa.

Jøøn 12:25

Ŋat wø mëër ki jwïëye, wø nyääga gø. 'Ba ŋat wø män ki jwïëye yi pinyi en, gwøga gø kiper kwøw mana näk adïëri mo bäŋ cuŋŋe.

Moa Tïïc Nyïïatwieli 7:8

Ni wëëk Eeberam daŋ na ŋïï mar luubö mana tuut. 'Ba Eeberam wääde ma Aydhak anywøle, ni daŋ gø kanya tïm nïre na abära wøk. Ni ö Aydhaki ni nywøl wääde ma Jeekap. Ni ö Jeekapi ni nywøl kwäre na näk apaar kurriiø.

Tiet Ciik 21:15

«'Ba ni näk dïcwøø jïre da mään ariiø, ni mëëre ka aciel røkge, ni ba mëëre ki maya, ni mana mëërö ki gø ki mana ba mëërö ki gø ojïtö ko obwöre ma cwøw karge riet, ni näk nyilaal mana näk kaa dïkwøŋ nywøla dhaagø mana ba mëëre ki gø,

Ruuth 4:13

Køøre Böeeth Ruuth alwøre ni tïme na cïïe, ni ci baŋ gø na dhaagø; ni wëëgi ya Wuuö Jwøki jïtö ki dhaanhø, ni lwaare ki gø na dïcwøø.

1 Camiel 1:20

'Ba na päŋ nïr lwaarri, ena lwaar ki dhaanhø ma dïcwøø; ni cak nyeŋ gø ni Camiel, ni kööe, ni «Kiper eni kwaa baŋ Wuuö Jwøk.»

1 Camiel 1:27

Aana lämö naa jïta ki nyilaal, ni ö Wuuö Jwøki ni cïp nyilaari en jïra.

1 Camiel 1:5

'Ba kur Anna wø di cïbö ni ee meedø, kiper eni mëër ki Anna døc; 'ba Wuuö Jwøk Anna ee mänö ki nyöödö.

1 Camiel 2:21

'Ba Wuuö Jwøk Anna akønye; ni ö Anna ni nyööde ko obwöre adäk ma cwøw ko obwöre ariiø ma mään. 'Ba nyilaarø na Camiel enø abëëdö ni døøŋŋø nyïm Wuuö Jwøk.