Wïlöölö 29:30 - Wëël Jwøk

³⁰ Ni ö Jeekapi ni ci baŋ Reecal na dhaagø thuwø. 'Ba Jeekap mëër ka Reecal døc ni kaala Liia, ni ö Jeekapi ni cäŋ tïïö ki cwiiri abïriiø møøk jï Leeban.

Wïlöölö 29:30 Iomraidhean Croise

Wïlöölö 29:17

Ni Liia beeye nyakøø mo nyeŋŋe therø, 'ba Reecal kïte mïërö ki dëëre bäre, këël täärnyïme.

Wïlöölö 29:18

'Ba Jeekap mëër ka Reecal døc, ni kööe jï Leeban, ni «Aani ïïno tïnynya ki cwiiri abïriiø kiper nyaarï ma Reecal na thiinh.»

Wïlöölö 29:20

Køøre Jeekap atïïö ki cwiiri abïriiø kiper Reecal, ni cwiiyøgø nëëni keda nïne mo nøk jaak, kiper mana bëëde ni mëër ki Reecal døc.

Wïlöölö 29:29

'Ba Leeban nyaan ma ŋat tïïc mare mo nyeŋŋe Bila, acïbe jï nyaare ma Reecal nee tïme na ŋat tïïc mare.

Wïlöölö 29:31

'Ba kanya jooti ya Wuuö Jwøki ni Liia ba mëërö ki gø døøc, Liia akønye ki man jïte ko obwöre, ni dööŋ Reecalli ni bäŋ obwöre jïre.

Wïlöölö 31:15

?Aŋø, wa ba nëëni kaamar jiy mo path jaak ki baŋe? Kiper eni waana ŋeee, ni cam jammi yie jaak moa køøl køørwa.

Wïlöölö 31:41

Cwiiyi na pïërariiø bëët ii abeeda paarï; ni beege cwiiri apaar kurŋween na tïnynya ïïni ki ge kiper nyïïï na näk ariiø, ki cwiiri abïciel moa tïnynya ïïni kiper naa jïta ki dïëk baŋï. 'Ba jammi mo wø maa awellï kwöre apaar.

Wïlöölö 44:20

Ni caanwa gø jïrï, ni ‹Wääwa dagø ma jaal, ko owääwa mo thiinh ma aŋuudö; 'ba coki athøw, ni bee eni keere na dööŋ jï menni; ni wänni mëër ki gø døc.›

Wïlöölö 44:27

«Køøre laŋŋï ma wääwa aköö jïwa, ni ‹Ŋäyu no obwöre ariiø keerge na nywølwa ki cïïa;

Odheea 12:12

Kwarø ma Jeekap apäär wøk ni ci yi ŋööm jø Aram. 'Ba eni na Icriel nee nyöömme ki dhaagø, ena tïïc ni kwaaya dïëk na kar gwel moa dee køølø.

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Luk 14:26

ni «Ni näk da ŋat mo ööa baŋa ni ba män ki wänni, ki menni, ki cïïe, ki nyïïe, ki nyïïmenni, këël jwïëye kiree, ŋatøgø ba maar tïmö na bääŋa.

Jøøn 12:25

Ŋat wø mëër ki jwïëye, wø nyääga gø. 'Ba ŋat wø män ki jwïëye yi pinyi en, gwøga gø kiper kwøw mana näk adïëri mo bäŋ cuŋŋe.

Tiet Ciik 21:15

«'Ba ni näk dïcwøø jïre da mään ariiø, ni mëëre ka aciel røkge, ni ba mëëre ki maya, ni mana mëërö ki gø ki mana ba mëërö ki gø ojïtö ko obwöre ma cwøw karge riet, ni näk nyilaal mana näk kaa dïkwøŋ nywøla dhaagø mana ba mëëre ki gø,