Wïlöölö 29:25 - Wëël Jwøk

²⁵ 'Ba na tïme na amöölla, ajoot Jeekapi ni beeye Liia. Ni kööe jï Leeban, na «?Agïnaŋø na tïïyï dëëra en? ?Aŋø, paa Reecal na tïnynya ïïni kipere na bëëde? ?Aperŋø nø na nøønï aani en?»

Wïlöölö 29:25 Iomraidhean Croise

Wïlöölö 12:18

Køøre Peerø Abram acwøle, ni kööe, na «?Agïnaŋø na tïïyï dëëra en? ?Aperŋø na ba caanï gø jïra en ni nyijøøgø cïïï?

Wïlöölö 20:9

Køøre Abimëlëk Eeberam acwøle, ni kööe jïgø, «?Aŋø, a teeŋ gïnaŋø na tïïyï dëëtwa en? ?A teeŋ bääyö mo nyïëdi na baaa dëërï en, ni putï kän bääta ki jø paara ki bääyö mo dwøŋ en? Ïïna tïïö dëëra ki gïn mo ba doo maar tïïc cøøn.»

Wïlöölö 26:10

Ni kö Abimëlëki, na «?Agïnaŋø na tïïyï dëëtwa en? A kanymør nø, doo da dhaanhø aciel røk jøøi mo ci baŋ cïïï na dhaagø; ni tïme ni beeye ïïni na doo käl ajäla manøgøøni kiree bäätwa.»

Wïlöölö 29:16

'Ba Leeban da nyïïe ariiø; ni nyeŋ mana dwøŋ beeye Liia, ni ö nyeŋ mana thiinhnhi ni näk Reecal.

Wïlöölö 29:24

'Ba Leeban nyaan ma ŋat tïïc mare mo nyeŋŋe Dhelpa, acïbe jï nyaare ma Liia nee tïme na ŋat tïïc mare.

Wïlöölö 29:26

'Ba Leeban aköö, ni «Manøgø paa kööŋŋö mar powa, ki man nywøm ŋata thiinh ni ŋata dwøŋ poodi.

Wïlöölö 31:26

Køøre Leeban aköö jï Jeekap, na «?Aŋø na nøønï aani en, ni päärï wøk ki nyïïa ni käärï geni kaamar jiy mo omaaø ki tøŋ?

Wïlöölö 31:7

'Ba wääu bëëdö ni møønna aani, ni wel jammi mo wø maa kwöre apaar; 'ba ena män Jwøki ki man tïïe ki gïn mo raac dëëra.

Pwöc Leec Wïc 11:31

?Ni näk mo ŋata mare beer di cunnö bäät piny kany, a ŋat raay ki ŋat wø tïïc gïï mo reyø okääŋge nidïï?

Mathiew 7:12

Kiper manøgønø, gïn wäro manynyu nee tïïc jiyi jïïu, wär wø tïïyu jïge thuwø. Kiper manøgø beeye tier pwöc mana en yïth ciik Jwøk ki luup moa køp nyïïkuk Jwøki.

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

1 Körin 3:13

ŋati man nø tïïe onyooth. Kiper onyooth dïcäŋöca, kiper geno jier ki maac, ni ö maaci ni pääny ge ki man näk teeŋ tïïe mo nyïëdi na tïïc ŋati man nø.

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.

Pïëmme 1:7

Ni ö Adöni-Bëdhëk ni kööe, ni «Nyeye ma pïërabïriiø mo lweet ceŋge moa døøŋŋø ki lweet tietge moa døøŋŋø oŋøørø, ge wø kwänyö ki caammi moa no odhäthö tier tharabëëta mara; 'ba ki køør gïna tïïa dëëtge, Jwøk teeŋ gïnögø acoole dëëra thuwø ennø.» 'Ba Adöni-Bëdhëk aputge käl Jerucalem ni thøø kaace.

Ruuth 4:11

Køøre jøøa en dhi kiir kar acooŋa bëët ki jø døøŋŋø aköö, ni «Wa tïmö ni waana jiy mo ŋäc luummögø møn. Beerra man ö Wuuö Jwøki ni tïïc dhaagø mano ö paarï enø ni caala Reecal ki Liia, mään moa na ariiø na nyaac dhi øt Icrielli ki rege. Ïïno tïmö na dhaanhø mo okwär, ni wïny nyeŋŋï yi Eeparata na näk Bethelem.

1 Camiel 28:12

'Ba kanya ö dhaagø manøgø na joot Camiel, ena put köö døc ni dwøre ee tïŋ maal; ni cääne ki Cøøl, ni kööe, na «?Aŋø, a cøøgï gø aperŋø? Kee ïïna nyeya ma Cøøl ki dëërï kiree.»