Wïlöölö 29:20 - Wëël Jwøk

²⁰ Køøre Jeekap atïïö ki cwiiri abïriiø kiper Reecal, ni cwiiyøgø nëëni keda nïne mo nøk jaak, kiper mana bëëde ni mëër ki Reecal døc.

Wïlöölö 29:20 Iomraidhean Croise

Wïlöölö 24:67

Køøre Aydhak Rebëëka alwøre ni kïth gø yo oduŋkaany menni ma Ceera, ni put tïmö na dhaagø mare ni mëër ki gø. Køøre Aydhak ajïtö ki cøm cwïny køør thøw menni ma Ceera.

Wïlöölö 29:19

Ni kö Leeban, ni «Theemma eni ki man cïba gø jïrï ki mana daa gø cïbö jï dhaanhø mør; bëëdï buuta.»

Wïlöölö 29:27

Thöör jwøk mar nywöm man turu nø, køøre nyiwa maya ocïpwa jïrï thuwø, køøre nø ï cäŋa tïïö jïra ki cwiiri abïriiø møøk.»

Wïlöölö 29:30

Ni ö Jeekapi ni ci baŋ Reecal na dhaagø thuwø. 'Ba Jeekap mëër ka Reecal døc ni kaala Liia, ni ö Jeekapi ni cäŋ tïïö ki cwiiri abïriiø møøk jï Leeban.

Wïlöölö 30:26

ni cïpï mään ko obwöre 'moa jïra moa tïnynya ïïni kiperge, naa aa nø, kiper tïïc mana tïïa jïrï bäre ŋäyï.»

Wïlöölö 31:15

?Aŋø, wa ba nëëni kaamar jiy mo path jaak ki baŋe? Kiper eni waana ŋeee, ni cam jammi yie jaak moa køøl køørwa.

Wïlöölö 34:19

Ni ö Cekammi ni put tägö ki man tïïc gïnögø, kiper eni cwïnye okäl nyi Jeekap døc. 'Ba Cekam beeye dhaanhø mo pere leth døc dï jiy moa en po wänni bëët.

Odheea 12:12

Kwarø ma Jeekap apäär wøk ni ci yi ŋööm jø Aram. 'Ba eni na Icriel nee nyöömme ki dhaagø, ena tïïc ni kwaaya dïëk na kar gwel moa dee køølø.

Odheea 12:13

'Ba jiy moa öö ki ree, ni beege jø Icriel, gena käl Wuuö Jwøki wøk ki Ijep ki ri nyikuŋ Jwøk. Gena gwøk Wuuö Jwøki ki ri nyikuŋ Jwøk.

1 Körin 13:7

Mëër rïëpa jammi bëët, ni jïëc jammi bëët, ni ŋääth jammi bëët mo poot ena nyïm, ni jïëny jammi bëët.

2 Körin 5:14

Kiper mëëc Krictø wa ee maa, kiper ewa jïëö ni da dhaanhø aciel mo othøw kiper jiy bëët. Kiper manøgønø, jiy bëët athøw.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

1 Camiel 18:23

Ni ö jø kööre mo nyeya ni putge cøø ni caange luubö manøgø jï Deebit. 'Ba Deebit aköö, «?Aŋø, beeye gïn mo jööt jaak ki baŋu ki man tïma ni aana cø nyi nyeya, a ni can ni bäŋ kara en?»