Wïlöölö 29:16 - Wëël Jwøk

¹⁶ 'Ba Leeban da nyïïe ariiø; ni nyeŋ mana dwøŋ beeye Liia, ni ö nyeŋ mana thiinhnhi ni näk Reecal.

Wïlöölö 29:16 Iomraidhean Croise

Wïlöölö 29:15

Køøre Leeban aköö jï Jeekap, na «?Aŋø, a diï puta tïnynyö jaak nø ni bäŋ gïrpiny kiper mana näk øøna tuuŋ? Caan jammi moo magï baŋa.»

Wïlöölö 29:17

Ni Liia beeye nyakøø mo nyeŋŋe therø, 'ba Reecal kïte mïërö ki dëëre bäre, këël täärnyïme.

Wïlöölö 30:19

Ni ö Liia ni cäŋ yie jïtö ki dhaanhø ni lwaare ki gø, ni jïtge ki bïcier obwöre ma dïcwøø ki cwøre ma Jeekap.

Wïlöölö 31:4

Ni ö Jeekapi ni jääk baŋ Reecal ki Liia nee öge baŋe paap kanya en dïëki moe yie,

Wïlöölö 33:2

Ni kïth määra näk ariiø nyïm ko obwöre moge, ni kïth Liia ko obwöre moe køørge, ni kïth Reecal ki Jocep ya aŋuudi.

Wïlöölö 35:23

Wääte moa nywøle ki Liia beege Ruben na näk kany Jeekap, køøre ki Cimien ki Libay ki Juuda ki Icakar ki Dhebulan;

Wïlöölö 46:15

Ruben, ki Cimien, ki Libay, ki Juuda, ki Icakar, ki Dhebulan beege wäät Liia, na nywøle ki Jeekap yi Padan-Aram, ni nyaare ma Dina nywøle ka gø thuwø. Ni kwään jagøgø bëët ki wäätge beege pïëradäk kurdäk.

Wïlöölö 49:31

Køøre Eeberam akoonyge kaace ki cïïe ma Ceera. Ni kaace beeye kanya koony Aydhak yie ki cïïe ma Rebëëka. Køøre Liia akoonya kaace thuwø.

Ruuth 4:11

Køøre jøøa en dhi kiir kar acooŋa bëët ki jø døøŋŋø aköö, ni «Wa tïmö ni waana jiy mo ŋäc luummögø møn. Beerra man ö Wuuö Jwøki ni tïïc dhaagø mano ö paarï enø ni caala Reecal ki Liia, mään moa na ariiø na nyaac dhi øt Icrielli ki rege. Ïïno tïmö na dhaanhø mo okwär, ni wïny nyeŋŋï yi Eeparata na näk Bethelem.