Wïlöölö 28:18 - Wëël Jwøk

¹⁸ 'Ba na tïme na amöölla cøøn Jeekap aö maal, ni lwør kïdi mana thäänhe ki gø, ni cwöth gø piny kaace na nyuudhi, ni thii maaw wï gø.

Wïlöölö 28:18 Iomraidhean Croise

Wïlöölö 21:14

Køøre kanya tïme na amöölla cøøn, Eeberam amøøl wøk, ni lwöte ki cam ka agwäy mar pïï ni wëëk geni Eegar, ni jiee gø göön gø, ni cïp nyilaal jïgø, ni wëëk gø wääth. Ni ö Eegarri ni aae, ni wïïre dï paap Bëërcïïba.

Wïlöölö 22:3

'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

Wïlöölö 28:11

Ni pïïe kany mør dï paap ni but kaace, kiper mana päth cäŋŋi. Ni lwør kïdi aciel røk kïte moa en kaace, ni but piny ni thäänhe ki gø.

Wïlöölö 31:13

Aana Jwøa nyooth dëëre jïrï Bëthël, kanya thiiï maaw bäät kïnna cwödhï piny na nyuudhi, ni beeye kanya kööŋï jïra yie. 'Ba ennø, ö maal ni weyï paani, ni døøï paana nywøl ïïni yie.› »

Wïlöölö 31:45

Køøre Jeekap alwötö ki kïdi ni cwöth gø piny na nyuudhi.

Wïlöölö 35:14

Ni ö Jeekapi ni cööth piny ki nyuudhi ma kïdi kanya cään Jwøki ki gøøni yie, ni thïïm bäät gø ki køøŋø na jëëdhi, ni thii maaw bäät gø.

Wïlöölö 35:20

Ni ö Jeekapi ni cööth piny ki kïdi na nyuudhi bäät bwöye, ni beeye nyuudhi mar bwöc Reecal këël dïcäŋi en.

2 Camiel 18:18

'Ba Abëcëlöm, kanya poode ni kwøw, okwøŋ cööth piny ki kïdi na nyuudhi kiper dëëre yi gool mar nyeya, kiper ena köö, ni «Aani, bäŋ wääda mo cwøl nyeŋŋa ree.» Kanyøgønø, eni kïdi manøgø na nyuudhi enø aput caa ri nyeŋŋe, ni puti cwøl ni Kïn Abëcëlöm këël dïcäŋi en.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Aydheea 19:19

'Ba dïcäŋeca, otïmö ni da gïn wø cïp olämme bääte jï Wuuö Jwøk dï ŋööm Ijep, ni ö waŋ keew mare ni cöönhnhi ki kïdi na nyuudhi jï Wuuö Jwøk.

Kwään Jiy 7:1

'Ba dïcäŋa løny Modhe ki gur oduŋkaany Wuuö Jwøk piny, eni oduŋkaara ki japa en yie bëët agweele ki maaw ni cïp ge kur keerge na mo Jwøk. Ni gweel gïn wø cïp olämme bääte ki jap wø tïïö ki ge bëët thuwø, ni cïp ge kur keerge.

Jøcua 4:9

Køøre Jøcua alwötö ki kïte apaar kurriiø møøk ni löör ge piny kanya ciel dï Naam Jördan, kanya cuŋ dïlämme moa biel acanduk man wø nyooth luumma tuut Jwøki ki jiy yie; 'ba kïte moøgø poot nut kaace këël dïcäŋi en.

1 Camiel 7:12

Køøre Camiel alwötö ki kïdi ni cwöth gø piny yïthakic Micpa ki kanya cwøl ni Cën; ni cak nyeŋ gø ni Ëbënëdhër, ni tiere beeye kïn køny, ni kööe, ni «Wuuö Jwøk øøna kønye këël mana pïïø kany en.»