Wïlöölö 28:15 - Wëël Jwøk

¹⁵ Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 28:15 Iomraidhean Croise

Wïlöölö 21:20

'Ba Jwøk abëëdö ki nyilaal, ni døøŋŋe; ni bëëde dï paap, ni tïme na ŋat mo dwaar ŋääe ka atheerø.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Wïlöölö 30:25

'Ba kanya nø ö Reecalli na nywøl Jocep, Jeekap aköö jï Leeban, ni «Wëëk a wääth nø, kiper naa døøa powa kanya käla yie;

Wïlöölö 31:13

Aana Jwøa nyooth dëëre jïrï Bëthël, kanya thiiï maaw bäät kïnna cwödhï piny na nyuudhi, ni beeye kanya kööŋï jïra yie. 'Ba ennø, ö maal ni weyï paani, ni døøï paana nywøl ïïni yie.› »

Wïlöölö 31:3

Køøre Wuuö Jwøk aköö jï Jeekap, ni «Døø po wäru baŋ tuuŋu; 'ba aani, aano en buutï.»

Wïlöölö 31:5

ni kööe jïge, ni «Bëëtö mar wääu ajooda no odak, ni nëëni ni ba mëër ki aani ni caala mana dïkwøŋ; 'ba Jwø wära ena buuta.

Wïlöölö 32:9

Ni ö Jeekapi ni läme, ni kööe, ni «Wui Awuuö Jwøk, ï na Jwø kwara ma Eeberam ki wära ma Aydhak, ïïna cäänö ki aani ni kööï, ni ‹Ci døø pou baŋ tuuŋu; 'ba bëëtö marï otïïa ni beer.›

Wïlöölö 35:3

Køøre øøno tïŋŋi ni cøø Bëthël; køøre aano tïïö ki gïn wø cïp olämme bääte kaace jï Jwøk, Jwøa wïny kwac mara kanya ena yïth gïï mo leth, ni beeye Jwøa bëëdö ni nutö buuta yïth kwöra caadha bëët.»

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:21

'Ba Wuuö Jwøk nutö buut Jocep ni nyooth mëëye mo ba jøøl jïgø, ni tïïc gø na nyïïawäädi ki ŋata en øt twöci cere.

Wïlöölö 46:4

Aani aano cäädhi ki ïïni kanyo ciï Ijep, ni cäŋa ïïni duuö ki kunöce thuwø, ni ö Jocepi ni ŋen nyeŋŋï ki ceŋŋe kiree.»

Wïlöölö 48:16

na näk nyïïatwiella køny aani yïth gïïa reyø bëët, beerra man gwïëth obwöre moi, ni bëët nyeŋŋa ki nyeŋ kwara ma Eeberam ki nyeŋ wära ma Aydhak ni di cwølø ki køørge, ni tïmge ni thööth na lwaak mo päl dï piny bäre.»

Wïlöölö 48:21

Køøre Icriel aköö jï Jocep, «Ennø, kara aløny ni cään ki man thøøa, 'ba Jwøk obëëdö buutï, ni cäŋ ïïni dwøk yi ŋööm kwäyu.

1 Nyeye 8:57

'Ba ennø, beerra man ö Wuuö Jwøki, Jwøk marø, ni bëëde ki øøni, kaawat mana bëëde ki kwäyø; ni ba wec øøni ni ba kwier øøni.

Bwøth Wøk 13:11

«'Ba kanyo ö Wuuö Jwøki noo kïth uuni yi ŋööm jø Keenan, kaawat mana kööŋe jïïu ki kwäyu, kanyo cïp gø jïïu,

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Jeremaya 1:19

Geni, ge këëdö ki ïïni, 'ba ï ba böötge, kiper a ena buutï, naa peemma ïïni.» Luummögø caana Wuuö Jwøki.

Jeremaya 16:15

'Ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ki yïth mïëri bëët moa riem geni yïthge,› kiper ge duua yi ŋöömö marge na cïba jï kwäcge.

Ciik Kiper Dïlämme 26:42

aani wïïa caara caarø ki luumma na tuuda ki Jeekap, ki Aydhak, ki Eeberam, ni caara wïïa ki ŋöömö marge.

Ciik Kiper Dïlämme 26:45

'Ba kiperge, wïïa caara caarø ki luumma na tuuda ki kwäcge na käla wøk ki yi ŋööm Ijep ni nëënö jï wïth juurre, kiper naa bëëda ni aana Jwøk marge. Beeye aani na Wuuö Jwøk.› »

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Kwään Jiy 6:24

« ‹Wuuö Jwøk uuno gwïëdhe ni gwøk uuni;

Mathiew 18:20

Kiper kany wø näk da jiy ariiø wala jiy adäk mo dëëtge ege cooŋø ki nyeŋŋa, a ena dïge kaace.»

Mathiew 24:35

Maal ki piny opöödhi, 'ba luupa ba dak.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.

Tiet Ciik 31:6

Magu rou ni bëëdu nou teek, ni ba lwäyu, ni ba bwøk cwïnynyu ki geni, kiper Wuuö Jwøk beeye noo cäädhi nyïmmu. U ba leeŋ piny, ni ba wec uuni.»

Tiet Ciik 31:8

'Ba Wuuö Jwøk beeye noo bwøth maal nyïmï, ni eni bëëdö buutï. Ï ba leeŋ piny, ni ba wec ïïni. Kärï lwäyö, ni ba bwøk cwïnyï.»

Tiet Ciik 7:9

Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Pïëmme 6:16

'Ba Wuuö Jwøk aköö jïgø, ni «Ka adïëri møn, aano en buutï; ni putï jø Midien näk ni caala dhaanhø aciel jaak.»