Køøre Teera wääde ma Abram ki nyïïkwaare ma Løøt wär Aaren ki cï nyaare ma Caray na näk cï wääde ma Abram alwøre, ni tïŋge na aciel bëët ki yi Ur po jø Kaldia, ni ge cøøa ŋööm Keenan. 'Ba na pïïcge paana cwøl na Aaren, gena put bëëte kaace.
Køøre Abram atïŋŋö kaawat mana caani ya Wuuö Jwøki jïre. Ni ö Løøti thuwø ni aae ki eni. 'Ba kanya tïŋ Abrammi ki yi Aaren, cwiiri moe kar kaaca beege cwiiri ma pïërabïriiø kurbïïc.
Ni ö Abrammi ni lwør cïïe ma Caray, ki ö coki ma Løøt, ki jammi moge bëët moa jootge, ki jiy bëët moa jootge Aaren; ni aacge ni ge cøøa ŋööm Keenan. Køøre gena pïï yi ŋööm Keenan.
'Ba aa na Jeekap, a paa dhaanhø mo orømø ki mëëyï ni wø ba jøøl, ka adïëri marï na nyoothï jïra, aani na näk laŋŋï. Aani dïkwøŋ naam Jördan en aŋøla naa käära athøra keere ki cera. 'Ba ennø, aana tïmö ni jïra da lwaae ariiø.
Køøre Jwøk aköö jï Jeekap, ni «Ö maal ni ci Bëthël, ni bëëdï yie kaace, ni tïïï ki gïn wø cïp olämme bääte kaace jïra, a na Jwøk na nyooth dëëre jïrï kanya reŋï niï ŋwieya coku ma Icøø.»
Ni ö Jeekapi ni tïïe ki gïn wø cïp olämme bääte kaace, ni cwøl nyeŋ kaace ni El-Bëthël, kiper kaace beeye kanya ö Jwøki na nyooth ree jïgø kanya reeŋe ni ŋwieya coki.
Køøre Wuuö Jwøk acäänö ki Modhe, ni kööe, ni «Aayu kany, ni beeye ïïni ki jøøgø na kälï wøk ki yi ŋööm Ijep yøø; ni cou yi ŋöömma kööŋa kipere jï Eeberam, ki Aydhak, ki Jeekap, na kööa, ni ‹Ŋöömö manøgø cïba cïbö jï nyïïkwaayu.›
'Ba Ectipen aköö, «Nyie, nyïïmera ki wëëga, cegu ïthu ki luumma. Jwø ajiem ree anyoodhe jï kwarø ma Eeberam, kanya bëëde yi Mecöpatemia, ni eni poot kär ci yi Aaren.
