Wïlöölö 27:41 - Wëël Jwøk

⁴¹ Køøre Icøø cwïnye ajïtö ki gïn mo raac ki Jeekap kiper gwïëth mana joode baŋ wänni; ni ö Icøø ni cääne ki cwïnye keere, ni kööe, ni «Nïr kïmmö kiper thøw wära kare aløny ni cään; kar kaaca nø, coka ma Jeekap onääa.»

Wïlöölö 27:41 Iomraidhean Croise

Wïlöölö 27:42

'Ba Rebëëka luup moa car kanynye ma Icøø, kanya caani jïre, ena jääk baŋ wääde ma Jeekap na thiinh nee ööe, ni kööe jïgø, ni «Ennø, coku ma Icøø cwïnye ee cïp piny, ni cädö niï nääe nääö.

Wïlöölö 32:11

Ennø, a kwaya ïïni, Awuuö Jwøk, naa kønyï ki man wëëgï aani bødhø cer coka ma Icøø, kiper aana lwäyö ki gøøni, kiper kanymør eni öö jaak ni tuk aani ki mään ko obwöre.

Wïlöölö 32:3

Køøre Jeekap ajääk nyïme ki jiy baŋ coki ma Icøø na en yi ŋööm Cëër po jø Ëdöm.

Wïlöölö 32:6

Køøre jøøa jääŋŋi aduu baŋ Jeekap, ni köge, ni «Waana pïï buut coku ma Icøø. 'Ba ennø, eno løny ni ena øtjöö, ni ööa baŋï kiper nou røømmu ki gø, ni eni cäädhi ka jiy ma dïpe aŋween.»

Wïlöölö 35:29

Ni ö Aydhaki ni jwïëe ka aŋuudi ni put thøø, ni läp køør tuuŋge, ni ena jaal mo ojal ki jalø ma wøp. Ni ö wääte na näk Icøø ki Jeekap ni koonyge eni.

Wïlöölö 37:18

'Ba kanya jootge Jocep ni kare poot bäär mëëth ki geni, ni eni poot kär pïï buutge, gena cuuŋö yïthakicge keerge ki man 'näkge gø.

Wïlöölö 37:4

'Ba na jooti ya uutwänni ni wääge mëër ki eni ni kaala geni, gena männö ki gø døc, ni bëëtge ni ge ba cäänö ki gø ki met ec.

Wïlöölö 37:8

Køøre uutwänni aköö jïre, «?Aŋø, riï cuumï cuumö bäätwa? ?Aŋø, ï tïmö møn ni ïïna kwäärö bäätwa?» Køøre män marge ki eni akadhø døc kiper luup moa caane kiper lääk moe.

Wïlöölö 50:15

'Ba kanya neeni ya uutwää Jocepi ni wääge othøw, gena cäänö yïthakicge keerge ni köge, ni «Kanymør Jocep gïïa reyø bëët na tïïø dëëre coole coolø dëëtø ni männe ki øøni.»

Wïlöölö 50:2

Ni ö Jocepi ni kööm jø tïïc moe mo wø ŋäc tïï akïïm ki man jiiŋge dëër wänni kiper nee ba kwääe; køøre jøøgø dëër Icriel ajiiŋge.

2 Luup Nyeye 35:24

Ni ö jø kööre moe ni kälge eni wøk ki yi jää leny man wø tuut okweenynyi mana këëli yie, ni kïthge gø yi jääy mare maya, ni kïthge gø Jerucalem; ni put thøø. 'Ba akoonyge buut bwör mo kwäye. Ni ö jø Juuda bëët ki jø Jerucalem ni kïïnge gïr gø.

Pwöc Leec Wïc 1:16

Kiper tietge wø ŋwieya køør gïïa reyø, ni ge wø lääta baŋ køny rem jiy piny.

Pwöc Leec Wïc 18:19

Døøn kanya ciel ki cöögö mo da gïn mo obaa dëëre teek døc ni kaala mac kiir mo teek, ni män mo tägö yïthakic jiy teek døc kaamar nywïëny wø dëët dhi kiir ki gø.

Pwöc Leec Wïc 6:14

eni wø cädö ki gïï mo reyø ni cwïnye da cwøk, ni ŋeela män cooth.

Luup Dïpööy 7:9

Kär cwïnyï läädö ki man laarï wëër, kiper wëër bëëdö tier jwöth ŋat mo wïïe bäŋ acaara.

Edhikiel 35:5

« ‹Kiper ïïna bëëdö niï män ki jø Icriel ki kany mo yie bäär, ni wëëgï ge 'näk dïcäŋa enge yïth gïïa leth, ni beeye dïcäŋa jääl geni na aŋuudi.

Tiet Ciik 34:8

Ni ö jø Icrielli ni jwøkge Modhe ki nïne mo pïëradäk yi pwöl Möap. Køøre nïr kïmmö ki nïr jwøk moa jwøk Modhe ki gø athum.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.