Wïlöölö 27:40 - Wëël Jwøk

⁴⁰ Ïïno bëëdö na ŋat tøŋ, ni tïnynyï coku; 'ba kanyo cwat yiï ki bëëtö manøgø, teek mare ojarï wøk bäätï.»

Wïlöölö 27:40 Iomraidhean Croise

Wïlöölö 25:23

Ni kö Wuuö Jwøki jïre, ni «Jiy ma wïth juurre ariiø beege ni en yiï yøø; ni jiy ariiø moøge onywølï, ni bëëtge ni dëëtge ege pääŋŋö; ni ö acielli dëëtge ni tïme ni teeka eni døc ki maya; ni ö mana dwøŋŋi ni tïny mana thiinh.»

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Wïlöölö 32:6

Køøre jøøa jääŋŋi aduu baŋ Jeekap, ni köge, ni «Waana pïï buut coku ma Icøø. 'Ba ennø, eno løny ni ena øtjöö, ni ööa baŋï kiper nou røømmu ki gø, ni eni cäädhi ka jiy ma dïpe aŋween.»

Wïlöölö 33:9

'Ba Icøø aköö, ni «Nyie coka, aani jïra dagø mo thööth; beerra man ö moa näk moï ni putge bëëtö jïrï.»

2 Camiel 8:14

Køøre Deebit dï Ëdöm bäre aput kïthö ki kwör koor, ni ö jø Ëdömmi bëët ni putge tïmö ni ge bëënna Deebit. 'Ba Wuuö Jwøk aput bëëte ni køønynya Deebit kany wø tuge yie jaak.

2 Nyeye 14:10

'Ba ennø møn, jø Ëdöm anø böötï ni jït cwïnyï ka atöör. Beerra man mïn yiï ka ajiem mana jootï ni bëëdï paarï. ?Aŋø ni manynyï gïn mo raac en, mo ïïni ki jiyï ma jø Juuda u thum ki gø?»

2 Nyeye 14:7

'Ba Amaciya jø leny mo jø Ëdöm mo jïtö ki kume apaar anääe yi goor Acäbö, ni mak Cela ki leny, ni put nyeŋ gø cak ni Jökthiël, këël man bëëde dïcäŋi en.

2 Luup Nyeye 21:10

'Ba jø Ëdöm gena put bëëtö ni ge gëëmö ki jø Juuda këël dïcäŋi en. 'Ba kar kaagø thuwø beeye kanya ö jø Libana na gëëmge ki Jöram, kiper na ö Jörammi na wec Wuuö Jwøk, Jwø kwäye.

2 Luup Nyeye 21:8

'Ba ki yïth nïne moa beet Jörammi ni ena nyeya, jø Ëdöm gena gëëmö ki jø Juuda ni öge wøk tietge, ni röönyge ki nyeya kiper dëëtge keerge.

2 Luup Nyeye 28:17

Kiper jø Ëdöm geno cäŋ öö ni tukge Juuda, ni makge jiy ki tøŋ.

Mathiew 10:34

«Kär caarru naa ööi naa käla bëët-mëër bäät piny. A kär öö naa käla bëët-mëër, 'ba a ööi naa käla opëëllö.