Wïlöölö 27:4 - Wëël Jwøk

⁴ ni tëënnï aani ki cam mo met døc mo yia met ki gø, ni kälï gø baŋa nee cama, kiper niï gwïëdha kany pooda naa poot kär thøw en.»

Wïlöölö 27:4 Iomraidhean Croise

Wïlöölö 14:19

Eni Abram agwïëdhe, ni kööe, ni «Gwïëth oen bäät Abram na näk dhaanh Jwøa Dwøŋ ni en Maal, Jwøa en maalli cere ki piny;

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 27:14

Køøre ena aay ni lwør nyïïdïëk, ni put ge kälö jï menni; ni ö menni ni tïïe ki cam mo met døc ni caala man wø met yi Aydhaki ki gø wø bëëde.

Wïlöölö 27:17

Ni cïp cama met døc na tïïe cer wääde ma Jeekap.

Wïlöölö 27:19

Ni kö Jeekapi jï wänni, ni «Aana Icøø na näk kanynyï; gïna caanï jïra atïïa. Ö maal nø, ni camï rïŋö mana käla, naa gwïëthï.»

Wïlöölö 27:23

'Ba Aydhak wääde käre ŋiiø, kiper mana tïme ni ceŋŋe da jïër ni caala ceŋ coki ma Icøø. 'Ba kanya tïme ni manynya man gwïëth gø,

Wïlöölö 27:25

Ni kö Aydhaki, ni «Käl gïna kälï ki paap baŋa nø, nee rïŋ wääda cama, kiper niï gwïëdha.» Ni put cam kälö jï wänni, ni cäme; ni ö Jeekapi ni känne jï wänni ki køøŋ nyïïomøki thuwø, ni mädhe.

Wïlöölö 27:27

Ni ö Jeekapi ni nyiik buute ni nuum dhi gø. 'Ba kanya ŋwääc ŋwääny abïïk wääde, wääde agwïëdhe, ni kööe, ni «Ennø, ŋwääny dëër wääda, ŋwääi keda ŋwääny paap mo ogwïëth Wuuö Jwøki.

Wïlöölö 27:31

Ni tïïe ki cam mo met døc thuwø, ni käl gø baŋ wänni; ni kööe jï wänni, na «Awuuö, ö maal nø, ni camï rïŋ wäädï, naa gwïëthï.»

Wïlöölö 27:5

'Ba kanya ö Aydhaki na cään wääde ma Icøø, Rebëëka bëëdö ni ïthe ee ciiø ni wïnynya luup moøgø. Køøre kanya nø aa Icøø paap baŋ dwaar nee jïte ki rïŋö mo käl paac,

Wïlöölö 27:7

ni Icøø känne jïre ki rïŋö, ni thaal gø ni met døc nee came, kiper nee gwïëdhe nyïm Wuuö Jwøk kany poode ni eni poot kär thøw ice.

Wïlöölö 27:9

Ci kaal kaace ni kännï jïra ki nyïïdïëk ariiø ma atëëe mo beyø, kiper nee thaala na cam mo met døc jï wäru, ni caala man wø met yie ki gø.

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Wïlöölö 48:9

Ni kö Jocepi jï wänni, «Beege wääta moa cïp Jwøki jïra kany.» Ni kö Icrielli, «Beerra man kälï geni baŋa, kiper nee geni gwïëdha.»

Wïlöölö 49:28

Jøøgø bëët beege wïth tuŋi apaar kurriiø mo Icriel, ni luupögø beege moa caan wääge jïge kanya gwïëth geni. Gena gwïëdhe ki gwïëth mo orømø ki ŋati man nø.

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Luk 24:51

'Ba kanya bëëde ni gwïëtha geni, ena aay buutge ni kïthi maal.

Ibaru 11:20

Ni beeye ŋäädhe, na ö Aydhaki na kwac gwïëth bëët moo en nyïm nee ci ri Jeekap ki Icøø.

Jøcua 14:13

Kanyøgønø, Jøcua Kalëp o Jöpöni agwïëdhe, ni cïp pääny Keeprön jïgø na ŋöömmo dööŋ jïre na kure.

Jøcua 22:6

Ni ö Jøcua ni gwïëth geni ni wëëk ge wääth, ni putge aa poge.