Wïlöölö 27:29 - Wëël Jwøk

²⁹ beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Wïlöölö 27:29 Iomraidhean Croise

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 25:33

Ni kö Jeekapi, ni «Kwøŋ kööŋ dïkwøŋ nø;» ni put kööŋ, ni ŋeew dööŋö mare ki Jeekap.

Wïlöölö 27:30

'Ba kanya løny Aydhaki ki gwïëth Jeekap, ni Jeekap onø aa wøk buut wänni ma Aydhak, coki ma Icøø aput pïï ki baŋ dwaar.

Wïlöölö 27:37

'Ba aløk Aydhaki, ni kööe jï Icøø, ni «Ennø, Jeekap atïïa na kwäärö marï, ni cïba jø tuuŋe bëët jïre na jø tïïc moe; ni mooa eni ki bëëlö mo päl, ki køøŋ nyïïomøki. ?Age ennø nyie wääda, agïnaŋø no tïïa kiperï këët ennø?»

Wïlöölö 27:40

Ïïno bëëdö na ŋat tøŋ, ni tïnynyï coku; 'ba kanyo cwat yiï ki bëëtö manøgø, teek mare ojarï wøk bäätï.»

Wïlöölö 37:10

'Ba na par gø jï uutwänni ki wänni, ena jook wänni ni kööe, «?A teeŋ lääga ŋø na lägï yøø? ?Aŋø, beeye aani møn ki meru ki uutwäru no ööi no kuul wïthge piny nyïmï?»

Wïlöölö 37:7

Kanya läga nëëni kere øøni nø, ø ena yi pwödhö ni ø töö ka acook abäy, ni ö acooŋa mara ni cuŋŋe, ni ö mou ni cooŋge rege lak mara ni kuulge wïthge piny nyïm acooŋ abäy mara.»

Wïlöölö 9:27

Beerra man ö Jwøki ni wëëk Jaapeth nyaay, ni bëëde yïth oduŋkaare mo Cëm, ni tïm Keenanni na laŋŋø marge.»

1 Nyeye 22:47

'Ba kar kaagø bäŋ nyeya Ëdöm; 'ba Ëdöm bëënna ŋat mo ocuumö.

1 Nyeye 4:21

'Ba Cølöman abëëdö na nyeya, ni wïth juurre bëët ena cere ki mana täge ki Naam Upareeti, këël mana këët yi ŋööm jø Pilitin, ni pïïe waŋ keew ki jø Ijep. Ni ö wïth juurre moøgø ni cïpge ka ajwäk jï Cølöman ni tïnyge eni ki yïth nïr kwøw moe bëët.

1 Luup Nyeye 5:2

'Ba Juuda atïmö no oteeø døc ki røk uutwänni, ni joot bwödhi ki ree; 'ba dööŋ kar poot ena baŋ wäät Jocep.

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Aydheea 60:14

'Ba wäät jøøa dïïm ïïni geno ööi ni këëlge cøŋge piny nyïmï; jiy bëët moa taak ïïni, wïthge okuulge piny ni nuumge tietï ni ge wøøra ïïni, ni cwølge ïïni ni Pääny Wuuö Jwøk, ni bee ï Dhayan na näk mar Jwø Icriel na en kur keere.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Kwään Jiy 23:8

?Aŋø, ŋat mo kär cien Jwøki ociena gø nidïï? ?Ni ŋat mo kär jääl Wuuö Jwøki omaara gø jääl nidïï?

Kwään Jiy 24:18

Jø Ëdöm ni wø bëëdö Cëër, ni beege nyïïmän moe, odïïme ni tïmge ni ena cere; 'ba jø Icriel teek marge okadhi.

Kwään Jiy 24:9

Jø Icriel caala cïgïï ŋuu mo obut piny, ni ge caala maath ŋuu. ?Aŋa no maar gø jiec? Gwïëth oen bäät ŋat wäro gwïëth geni, na acïëni oen bäät ŋat wäro cien geni.»

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 25:45

«Kanyøgø odwøge jïge, na ‹Adïëri møn, a cäänna uuni, ni gïna näk käru tïïö jï dhaanhø aciel mo thiinhnha kare dï moi ii, gïnögø käru tïïö jïra thuwø.›

Wëëlö Mana Göör Pøølli Baŋ Jø Röm 9:12

acaan jïre, ni «Ŋata dwøŋ ŋata thiinh otïnynye.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»