Wïlöölö 27:28 - Wëël Jwøk

²⁸ Beerra man ö Jwøki ni wëëk thööy mo maal ïïni, ki lurö mar ŋöömö; ni mooc ïïni ki bëëlö mo päl, ki kwøk nyïïomøki mo thööth;

Wïlöölö 27:28 Iomraidhean Croise

Wïlöölö 27:37

'Ba aløk Aydhaki, ni kööe jï Icøø, ni «Ennø, Jeekap atïïa na kwäärö marï, ni cïba jø tuuŋe bëët jïre na jø tïïc moe; ni mooa eni ki bëëlö mo päl, ki køøŋ nyïïomøki. ?Age ennø nyie wääda, agïnaŋø no tïïa kiperï këët ennø?»

Wïlöölö 27:39

'Ba aløk wänni ma Aydhak, ni kööe, ni «Ennø, ïïno bëëdö ni karï bäär ki lurö mar ŋöömö, ki thööy mo maal.

Wïlöölö 45:18

ni kälu wääu ki tuŋu baŋa. Køøre uuno mooa ki ŋøøm mo beyø døc yi Ijep, ni cam maru oen ri gïïa beyø paani.› »

Wïlöölö 49:20

«Acer, cam mare otïmö ni päl døc, ni jïte ki cam moo rømø man wø cam nyeya.

Wïlöölö 49:25

Ï na Jocep, teek marï ojootï baŋ Jwøa näk Jwø wäru, Jwø wø køny ïïni, ni beeye Jwøa en teeki jïre ni wø gwïëth ïïni, na ŋato gwïëth ïïni ki gwïëth mo ööi ki maal, ki gwïëth mo käla piny thuwø; ni gwïëth ïïni ni jïtï ko obwöre ki lääc paac mo thööth.

2 Camiel 1:21

«Wui, ï na Kïn Gilböa, beerra man tïme ni bäŋ thööy wala køth bäätï, ni ö pwöthi moa en bäätï ni bäŋe caammi mo ciek yïthge. Kiper kööde mo leny mo jøøa teek adööŋ piny bäätï kaace no onipäät jaak, ni ö kwöt leny mar Cøøl ni käri wïïrö ki maaw këët.

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 5:11

'Ba Cølöman, Kiram amooe ki beel ma rumme ma kume ma pïërariiø mo røm ka rumi mana cwøl ni kör, nee cam jø wø bëëdö paare, ki maaw mana tøŋ ma rumme ma pïërariiø mo røm ka rumi manøgø; ni gïïögø cïp Cølömanni cïbö jï Kiram ki yi cwiir cooth.

2 Luup Nyeye 2:10

'Ba aani a cïpö ki jammi jï jiyï moo ŋøt jenni; ni jammi moo cïba beege beek wø cwøl ni cïndë mo oŋaaø ma yïth rumme ma kume ma pïërariiø, mo røm ka rumi mana cwøl ni kör, ki beek wø cwøl ni gäbci ma yïth rumme ma kume ma pïërariiø thuwø mo poot røm ka rumi manøgø, ki kwøk nyïïomøki ma rumme ma kume ma pïërariiø mo røm ka rumi mana cwøl ni baath, ki mädhi ma rumme ma kume ma pïërariiø thuwø mo røm ka rumi manøgø.»

Pwöc Leec Wïc 19:12

Wëër mar nyeya caala man wø wëër ŋuuwi, 'ba met ec mare caala man wø ö thööyi ni wø øc tiet beel.

Pwöc Leec Wïc 3:20

Ki køør leec wïc mare näm adøøc mo kwödö, ni ö pøølli ni pädhe na køth.

Aydheea 45:8

«Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jool 2:19

ni ö Wuuö Jwøki ni løk mare ni kööe jï jiye, ni «Ka adïëri møn, aani, a cïpö jïïu ki beel, ki kwøŋ mo nyärö, ki maaw, mo rømø ki man jäŋŋu ki geni, ni ba tïïa u këët na gïr apääda dï wïth juurre.

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Dhekaraya 8:12

Kiper maalø køth ojääŋŋe piny, ni ö köödhi ni tucge, ni ö omøki ni nywølge ki nyïëdi, ni ö jap pinynyi ni ciekge. Japøgø bëët wëëga tägö kiper thäk jøøi moa dööŋ ni kwøw.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Kwään Jiy 13:20

Ni neennu ŋöömö ki man näk caammi ciek yie wala ba ciek, wala ki man näk da jenni mo otuy yie wala bäŋgø. Uuni, magu rou, ni kännu ki nyïïjenni mo wø cam ki yi ŋöömmögø.» 'Ba kar kaaca beeye kany wø ciek nyïïomøki moa dïkwøŋ.

Kwään Jiy 18:12

«Kwøk omøki ki mädhi mo beyø døc mo käla ri nyïïjer wø kwøŋ ciek, ki thwöth beel moa näk liil mo wø cïpge jïra, a na Wuuö Jwøk, yaa cïbö jïrï.

Wëëlö Mana Göör Pøølli Baŋ Jø Röm 11:17

'Ba ni näk bäädi møøk otuur wøk, ni ö ïïni na näk jaath paap ni rap ïïni karge niï nywaagï beeny jaath paac,

Tiet Ciik 32:2

Beerra man tïm luup pwöc 'moa ni caala pï køth; ni tøønge kaamar thööy mo tøøna bäät luum mo marr; ni tïme kaamar køth mo thiinhnhi bäät gïï mo opiidhø;

Tiet Ciik 33:13

Mana caan Modhe kiper jø tuuŋ Jocep beeye en, ena köö, ni «Ŋøøm moge ogwïëth Jwøki, ni jïtge ki køth ki thööy mo orømø, ki näm mo kwödö yïth ŋøøm moge.

Tiet Ciik 33:28

'Ba jø Icriel bëëdö ni bäŋ gïn mo tägi dëëtge; ni ö geni na nyïïkwaac Jeekap yøø ni bëëtge keerge yi ŋöömö mo yie da beel ki pï nyïïomøki, na ŋöömö mo maal cïpö ki køth ki thööy jïre cooth.

Tiet Ciik 7:13

Ni bëëde ni mëër ki uuni ni gwïëth uuni ni wëëk uuni nyaay; obwöre mou moo nywøllu ogwïëdhe, ni gwïëth caammi moo ciek yïth ŋøøm mou, ni gwïëth dhäk mou ki dïëk mou, ni tïmge ni thööth yi ŋöömma kööŋe kipere jï kwäyu nee cïbe jïïu.

Ibaru 11:20

Ni beeye ŋäädhe, na ö Aydhaki na kwac gwïëth bëët moo en nyïm nee ci ri Jeekap ki Icøø.

Jøcua 5:6

Kiper jø Icriel acäädhö dï paap ki cwiiri ma pïëraŋween, këël mana thøw cwøw lenynyi bëët moa ö wøk ki Ijep, kiper mana kärge dwør Wuuö Jwøk leŋø. Ni beege jøøgø na cään Wuuö Jwøki ki ge na kööe ni ŋöömma näk caak ki maar kïc päl yie ba dege joodø, ni beeye ŋöömma kööŋe kipere jï kwäyø nee cïbe jï nyïïkwaacge.