Wïlöölö 27:13 - Wëël Jwøk

¹³ 'Ba menni aköö jïgø, ni «Nyie wääda, acïëni marï bee, oen bääta. Leŋ dwøra keere; ciï ni kälï gïïa caana jïrï baŋa.»

Wïlöölö 27:13 Iomraidhean Croise

Wïlöölö 25:23

Ni kö Wuuö Jwøki jïre, ni «Jiy ma wïth juurre ariiø beege ni en yiï yøø; ni jiy ariiø moøge onywølï, ni bëëtge ni dëëtge ege pääŋŋö; ni ö acielli dëëtge ni tïme ni teeka eni døc ki maya; ni ö mana dwøŋŋi ni tïny mana thiinh.»

Wïlöölö 25:33

Ni kö Jeekapi, ni «Kwøŋ kööŋ dïkwøŋ nø;» ni put kööŋ, ni ŋeew dööŋö mare ki Jeekap.

Wïlöölö 27:14

Køøre ena aay ni lwør nyïïdïëk, ni put ge kälö jï menni; ni ö menni ni tïïe ki cam mo met døc ni caala man wø met yi Aydhaki ki gø wø bëëde.

Wïlöölö 27:43

'Ba ennø bee, nyie wääda, leŋ dwøra; ö maal ni reŋŋï Aaren baŋ coka ma Leeban;

Wïlöölö 27:8

'Ba ennø wääda, wïny dwøra man caana jïrï en.

Wïlöölö 43:9

Aani ki dëëra, aano tïmö na waaci kipere; ni tïm luumme ni ena bääta. Ni näk eni ba duua baŋï ni ba cïba gø jïrï, køøre ajäla oen bääta na bäre bäre.

2 Camiel 14:9

'Ba nyijø Tëköa manøgø aköö jï nyeya, «Wui nyeya, ni näk mo luummögø tïmö ni raac, ajäla mar luummögø puta tïmö ni ena bääta ki dhi øt wära; 'ba ï na nyeya këël ki nyec marï bäŋ ajäla bäätï.»

2 Luup Nyeye 22:3

'Ba eni thuwø, ena bëëdö ni caatha køør gïïa reyø na tïïc jø dhi øt Akap, kiper mana bëët menni ni pwönynya gø ki tïï gïï mo reyø.

Mathiew 27:25

Ni dwøgi ya jiyi bëët jïre, ni «Remme ena bäätwa ki nyïïwa.»

1 Camiel 25:24

Kanyøgønø, Abigël apäth tiet Deebit ni kwac gø ni kööe, «Wui kwäärö, bääyö manøgø tïme ni ena bääta keera. 'Ba ennø, akwaya ïïni ki man wëëgï a cäännö, a na dhaanhnhï, ni cegï ïthï ki luup moo cara jïrï.