Wïlöölö 26:4 - Wëël Jwøk

⁴ Ni tïïa nyïïkwaayï nee nyaacge ni caala ceer mo maal, ni wëëga ŋöömö man bäre en geni; ni ö wïth juurre mo bäät piny bëët ni gwïëdhi ki køørge.

Wïlöölö 26:4 Iomraidhean Croise

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 18:18

Kiper ka adïëri møn Eeberam tïmö na wï jur mo dwøŋ mo teek, ni bee eni no gwïëth wïth juurre mo bäät piny bëët ki køøre.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 28:14

Ni tïïa kwään nyïïkwaayï ni caala tør bäät piny, ni nyaayu ni këëtu but piny karge bëët ki jï løø kur tuul-cäŋ ki jï løø kur pänh-cäŋ; 'ba wïth tuŋi bëët mo bäät piny ogwïëth ki køørï ki nyïïkwaayï.

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Wïlöölö 35:12

Ŋöömma cïba jï kwaru ma Eeberam ki wäru ma Aydhak, cïba cïbö jïrï; ni cïba gø jï nyïïkwaayï mo ööi køørï.»

Wïlöölö 47:27

Kanyøgø jø Icriel abëëdö Ijep, yi ŋööm Göcën, ni meetge rege ni nyaayge ni thööth ni kwärge.

1 Luup Nyeye 27:23

'Ba Deebit cwøw moa näk cwiic dööŋö moge pïërariiø ki moa näk ena piny ki pïërariiø käre kwaanø, kiper luubö mana caan Wuuö Jwøki ni jø Icriel tïïe tïïö ni thööth kaamar ceer mo maal.

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Bwøth Wøk 6:4

Aani thuwø luubö mara mana tuuda ki geni atïïa nee bëëde, ni beeye ki man cïba ŋööm Keenan jïge, na näk ŋöömma bëëtge yie ni gena wëëlle mo path.

Moa Tïïc Nyïïatwieli 3:25

'Ba uuni, uuna wäät nyïïkuk Jwøk, ni nägu wäät luumma tuut na wëëk Jwøki kwäyu, na kööe jï Eeberam, ni ‹Jø bäät piny bëët ogwïëth ki ri kunhnhö marï.›

Galeecia 3:16

'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

Galeecia 3:8

'Ba wëël Jwøk, na ŋäc gø cøøn dïkwøŋ ni juurre jïëc Jwøki jïëö ni marge beer ki køør ŋäädhe, luumma nyään na met akwøŋ køp jï Eeberam, ni kööe, ni «Beeye ïïni noo gwïëth wïth juurre bëët ki køørï.»

Tiet Ciik 13:17

'Ba kär dee gïn mo raac mo ocienø mo gutu ki ceŋŋu, kiper nee Wuuö Jwøk nee wëër mare na leth nee ba ö bäätu, ni nyooth mëëye jïïu, ni päth cwïnye ki gïru, ni tïïc kwäännu ni thööth, kaawat mana kööŋe jï kwäyu.

Tiet Ciik 9:5

Ka adïëri møn, paa kiper beer maru wala thïïŋ cwïny maru noo cou yi ŋööm jøøgø nee lwørru na maru, 'ba beeye kiper rääö mar jøøgø no ö Wuuö Jwøki na näk Jwøu noo riem geni wøk nyïmmu, kiper nee kööŋ mana kööŋe ki gø jï kwäyu, ni beege Eeberam ki Aydhak ki Jeekap, nee nyoodhe jïïu na adïëri.

Ibaru 11:2

Ni beeye na ö kwäre na jïëyi ya Jwøki ki køøre.