Wïlöölö 26:31 - Wëël Jwøk

³¹ Køøre na tïme na amöölla cøøn gena päny maal ni kööŋge yïthakicge; ni ö Aydhaki ni wëëk geni wääth, ni putge aay buute ni yïthge met.

Wïlöölö 26:31 Iomraidhean Croise

Wïlöölö 14:22

'Ba Abram aköö jï nyeny Cødam, ni «Aano nø kööŋ ŋëët Wuuö Jwøk, Jwøa Dwøŋ ni en Maal, Jwøa en maalli cere ki piny,

Wïlöölö 19:2

Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.» Ni köge, ni «Bäŋ gïre, waani wa buta bura wääni.»

Wïlöölö 21:14

Køøre kanya tïme na amöölla cøøn, Eeberam amøøl wøk, ni lwöte ki cam ka agwäy mar pïï ni wëëk geni Eegar, ni jiee gø göön gø, ni cïp nyilaal jïgø, ni wëëk gø wääth. Ni ö Eegarri ni aae, ni wïïre dï paap Bëërcïïba.

Wïlöölö 21:23

'Ba ennø, beerra man kööŋï nyïma ki nyeŋ Jwøk, ki man ba tïïï ka atade dëëra, ki røk wääta këël røk nyïïkwaaya bëët; 'ba ki køør bäth ec mana nyoodha jïrï, bäth ec diï nyoodhø jïra thuwø, këël jï paan bëëdï yie ni ïïna wëëllö enø.»

Wïlöölö 21:27

Køøre Eeberam alwötö ki dïëk ki dhäk, ni mëëk geni Abimëlëk; ni ö geni karge riet ni tutge ki luubö.

Wïlöölö 22:3

'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

Wïlöölö 25:33

Ni kö Jeekapi, ni «Kwøŋ kööŋ dïkwøŋ nø;» ni put kööŋ, ni ŋeew dööŋö mare ki Jeekap.

Wïlöölö 26:32

'Ba na poode na dïcäŋögø kiree, jø tïïc mo Aydhak aö baŋe ni ge køpa gïr iith mana koonyge, ni köge jïre, ni «Iith atuc.»

Wïlöölö 31:44

Ennø, beerra man ööï nee ø tudø ki luubö mo bëëdö na gïn ma nyuudhi yïthakiyø ki ïïni.»

Wïlöölö 31:55

'Ba na tïme na amöölla cøøn Leeban aö maal, ni määth nyïïkwaaye ki nyïïe ni gwïëth geni. Køøre Leeban aay ni døø paare.

Ibaru 6:16

Kiper jiy wø kööŋ møn, ni ge kööŋŋa ŋëët ŋat mo dwøŋŋa eni ki ge. 'Ba ki yïth pïëm moge bëët, beeye kööŋ wø ŋøl luup piny.

1 Camiel 14:24

'Ba dïcäŋögø jø leny mo jø Icriel geno ööl døc, kiper Cøøl jiy awëëk kööŋ ni kööe, na «Acïëni oen bäät ŋato cämö ni cäŋ poot kär pädhö, këël kanyo coola kwöra dëët nyïïmän 'moa.» Kanyøgønø, aput tïmö ni bäŋ dhaanhø mo cam ee belø røk jø leny mo jø Icriel.

1 Camiel 20:3

'Ba Deebit akööŋ, ni cäŋ köö, ni «Ki man näk miï mëër ki aani, oløny ni ŋäc wäru døc, ni ee nø caar ki cwïnye thuwø ni kööe, ni ‹Beerra man bëët Jönathanni ni luubö manøgø kuue, kiper kanymør cwïnye pädhö jaak.› 'Ba ka adïëri møn, a kööŋŋa ŋëët Wuuö Jwøk na kwøw, ki ŋëëtï; beeye kany mo thiinh keere no odööŋ ki man ö wäru ni 'näk aani.»

1 Camiel 30:15

Køøre Deebit aköö jï nyenøgø, «?Aŋø, løny jïrï ki man kïthï wa baŋ jø twëër moøgø ennø?» 'Ba nyenøgø aköö, ni «Wøp, kööŋï ŋëët Jwøk ki man näk maa ba 'nägï wala a ba cïbï cer kwääya; køøre nø, u kïtha baŋ jø leny moøgø.»