Wïlöölö 26:3 - Wëël Jwøk

³ Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

Wïlöölö 26:3 Iomraidhean Croise

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 13:15

kiper ŋøøpo nëëni jïrï bëët yøø ocïba jïrï na bäre bäre këël nyïïkwaayï mo ööi køørï.

Wïlöölö 13:17

Ö maal, ni caathï dï ŋöömmögø bäre; kiper cïba cïbö jïrï.»

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 17:19

'Ba Jwøk aköö, ni «Ka adïëri møn, Ceera na näk cïïï nyöötö ki dhaanhø ma dïcwøø ni jïtï ki wäädï, ni cagï nyeŋŋe ni Aydhak. Ni ö luumma tuuda ni wëëga gø bëëtö yïthakicwa ki eni na bäre bäre, këël nyïïkwaaye mo ööi køøre bëët.

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 20:1

Køøre Eeberam adak kanya bëëde yie, ni aae ni cøøa ŋööm Nëgëp, ni bëëde yïthakic Kadëc ki Cur, ni bëëde na wëëllö yi Gërar.

Wïlöölö 25:11

'Ba køør thøw Eeberam, Jwøk Aydhak wär Eeberam agwïëdhe; ni ö Aydhaki ni bëëde buut iith mana cwøl ni Laay-Röi.

Wïlöölö 26:12

'Ba Aydhak apurö yi ŋöömmögø, ni ciek caammi jïre døc cwiinaca. Ni ö Wuuö Jwøki ni gwïëth eni,

Wïlöölö 26:14

kiper eni jïre da pïïth dïëk ki pïïth dhäk ki jø tïïc mo thööth. 'Ba jø Pilitin cwïnyge ajïtö ki keec ki eni.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 31:3

Køøre Wuuö Jwøk aköö jï Jeekap, ni «Døø po wäru baŋ tuuŋu; 'ba aani, aano en buutï.»

Wïlöölö 35:12

Ŋöömma cïba jï kwaru ma Eeberam ki wäru ma Aydhak, cïba cïbö jïrï; ni cïba gø jï nyïïkwaayï mo ööi køørï.»

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:21

'Ba Wuuö Jwøk nutö buut Jocep ni nyooth mëëye mo ba jøøl jïgø, ni tïïc gø na nyïïawäädi ki ŋata en øt twöci cere.

Wïlöölö 48:21

Køøre Icriel aköö jï Jocep, «Ennø, kara aløny ni cään ki man thøøa, 'ba Jwøk obëëdö buutï, ni cäŋ ïïni dwøk yi ŋööm kwäyu.

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

1 Luup Nyeye 16:16

ni beeye luumma tuude ki Eeberam, na kööŋe kiper gø jï Aydhak,

Bwøth Wøk 2:24

Køøre Jwøk cooyø marge awïnynye; ni ö Jwøki ni par wïïe ki luumme na tuude ki Eeberam, ki Aydhak, ki Jeekap.

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Bwøth Wøk 6:4

Aani thuwø luubö mara mana tuuda ki geni atïïa nee bëëde, ni beeye ki man cïba ŋööm Keenan jïge, na näk ŋöömma bëëtge yie ni gena wëëlle mo path.

Bwøth Wøk 6:7

Ni lwøra uuni ni uuna jiya, ni tïma ni aana Jwøk maru, ni putu gø ŋäc møn ni aana Wuuö Jwøk na näk Jwøu na käl uuni wøk ki yïth gïïa leth na kïth jø Ijepi bäätu.

Bwøth Wøk 6:8

Ni kïtha uuni yi ŋöömma kööŋa kipere nee cïba jï Eeberam ki Aydhak ki Jeekap, ni cïba gø jïïu ni tïme na maru. Beeye aani na Wuuö Jwøk.› »

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 43:5

Kärï lwäyö, kiper a nut buutï; jiy moo käl riï tïïa tïïö nee öge ki jï løø kur tuul-cäŋ, ni cuuŋa uuni ki jï løø kur pänh-cäŋ.

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Tiet Ciik 1:8

Neennu, ŋöömmögø anø cïba jïïu; cou yie ni lwørru gø, ni tïme na maru, ni beeye ŋöömma kööŋa kipere, a na Wuuö Jwøk, kiper nee cïba jï kwäyu, ni beege Eeberam ki Aydhak ki Jeekap, këël nyïïkwaacge moo lämmi køørge.› »

Tiet Ciik 34:4

Køøre Wuuö Jwøk aköö jï Modhe, ni «Manøgø beeye ŋöömö mana kööŋa kipere jï Eeberam ki Aydhak ki Jeekap na kööa ni cïba cïbö jï nyïïkwaacge. Ennø, ŋöömö manøgø ïïna wëëga neen gø nee jootï ki waŋï; 'ba ba løny jïrï ki man ciï kaace.»

Pilipay 4:9

'Ba tïïyu gïna kwanynyu, ki gïna jootu, ki gïna wïnynyu, ki gïna neennu baŋa. 'Ba Jwø wø cïp bëët-mëër, obëëdö ki uuni.

Ibaru 11:9

Ni beeye ŋäädhe, na ö eni na bëëde yi paana buuk, kaawat man wø bëët wëëllö yi ŋöömö mo path, ni bëëdö yïth oduŋkaare ki Aydhak, ki Jeekap, na näk lwiidhi ki eni ri buuögø na aciel enøgø.

Ibaru 6:17

Kiper manøgønø, kanya ö Jwøki na many man nyooth mare døøc mano tïïe jï lwiidhi ni wø ci buuki jïge, nee jootge ni luumme ba maar daaø, eni ree aput kïth yie ki kööŋ.