Wïlöölö 26:25 - Wëël Jwøk

²⁵ Køøre Aydhak atïïö ki gïn wø cïp olämme bääte kaace, ni wøør nyeŋ Wuuö Jwøk, ni gur oduŋkaare moe piny kaace; ni ö jø tïïci moe ni kunyge ki iith kaace.

Wïlöölö 26:25 Iomraidhean Croise

Wïlöölö 13:18

Køøre Abram twïër mare adaae ni aae ni bëëde buut jera døøŋŋø mo Mamrë na en Keeprön, ni tïïe ki gïn wø cïp olämme bääte kaace jï Wuuö Jwøk.

Wïlöölö 13:4

ni beeye kanya kwøŋ tïïö yie ki gïn wø cïp olämme bääte. Køøre Abram nyeŋ Wuuö Jwøk awøøre kaace.

Wïlöölö 22:9

'Ba na nø pïïcge kanya näk ocaan Jwøki, Eeberam atïïö ki gïn wø cïp olämi bääte kaace, ni peeth jenni na karge, ni twöc wääde ma Aydhak, ni pïël gø bäät gïn wø cïp olämi bääte bäät jenni maal.

Wïlöölö 26:32

'Ba na poode na dïcäŋögø kiree, jø tïïc mo Aydhak aö baŋe ni ge køpa gïr iith mana koonyge, ni köge jïre, ni «Iith atuc.»

Wïlöölö 33:20

Køøre ena put tïïö ki gïn wø cïp olämme bääte kaace, ni cwøl gø ni El-Elöy-Icriel.

Wïlöölö 35:1

Køøre Jwøk aköö jï Jeekap, ni «Ö maal ni ci Bëthël, ni bëëdï yie kaace, ni tïïï ki gïn wø cïp olämme bääte kaace jïra, a na Jwøk na nyooth dëëre jïrï kanya reŋï niï ŋwieya coku ma Icøø.»

Wïlöölö 4:26

Ni ö Cëthi ni nyööte ki nyilaal ma dïcwøø ni cak nyeŋ gø ni Ënöc. Køør manøgø nø, jiy aput tägö ki man lamge nyeŋ Wuuö Jwøk.

Wïlöölö 8:20

Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte.

Bwøth Wøk 17:15

Ni ö Modhe ni tïïe ki gïn wø cïp olämme bääte, ni cwøl nyeŋ gø ni «Wuuö Jwøk beeye bëëra mara».