Wïlöölö 26:24 - Wëël Jwøk

²⁴ Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 26:24 Iomraidhean Croise

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 17:7

Ni ö luumma tuuda ni wëëga gø bëëtö yïthakiyø ki ïïni ki nyïïkwaayï mo ööi køørï, këël yi beenhnhø marge bäre, ni tïm luumma tuuda na gïn mo bëëdö na bäre bäre, kiper naa bëëda ni aana Jwøk maru ki nyïïkwaayï mo ööi køørï bëët.

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 21:17

Ni ö Jwøki ni wïny dwør nyilaal ni jwöŋö thuwø; ni ö nyïïatwiel Jwøki ni cwøl Eegar ki maal, ni kööe jïgø, «?Eegar, agïnaŋø na tägö dëërï? Kärï lwäyö, kiper Jwøk dwør nyilaal awïnynye ni jwöŋö kanyo en yie enø.

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

Wïlöölö 22:19

Køøre Eeberam adøø baŋ jaga näk ariiø, ni öge maal ni aacge na aciel ni ge døøa Bëërcïïba; ni ö Eeberammi ni put bëëdö Bëërcïïba.

Wïlöölö 24:12

Kanyøgø ena köö, «Wui Wuuö Jwøk, ï na Jwø kwääya ma Eeberam, a kwaya ïïni ki man wëëgï gïna ööa kipere thur kare jïra dïcäŋi, ni nyoothï mëëyï ni wø ba jøøl jï kwääya ma Eeberam.

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Wïlöölö 30:27

'Ba Leeban aköö jïgø, ni «Ni näk mo yiï met ki aani ennø, beerra man bëëdï buuta, kiper ajooda ni Wuuö Jwøk aana gwïëdhe ki køørï.»

Wïlöölö 31:5

ni kööe jïge, ni «Bëëtö mar wääu ajooda no odak, ni nëëni ni ba mëër ki aani ni caala mana dïkwøŋ; 'ba Jwø wära ena buuta.

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:3

Ni jooti ya kwääye ni Wuuö Jwøk nutö buut Jocep, ni jammi bëët moa tïïe cäädhi ni beyø.

Wïlöölö 46:1

Køøre Icriel atïŋŋö ni aae ki gïïa en jïre bëët; ni ö yi Bëërcïïba ni cïpe ko olämme jï Jwø wänni ma Aydhak.

1 Nyeye 17:13

'Ba Ilaaja aköö jïre, ni «Kärï lwäyö. Ciï ni tïïyï gø kaawat mana caanï. 'Ba wärï kwøŋ tëëdö dëëre jïra ki dääpö mo thiinh ni kälï gø baŋa. Køøre nø, ïïno tëëdö kiperï ki wäädï.

Bwøth Wøk 14:13

'Ba Modhe aköö jï jø Icriel, ni «Käru lwäyö; cuŋŋu karu ni neennu køny mar Wuuö Jwøk mano tïïe kiperu dïcäŋi en; kiper jø Ijep moø neetu dïcäŋi yøø, ge ba cäŋu neennø këët na bäre bäre.

Bwøth Wøk 3:6

Ni cäŋ köö, ni «Aana Jwø kwäyï, Jwøa näk Jwø Eeberam ki Aydhak ki Jeekap.» Kanyøgø Modhe täärnyïme aume kiper mana lwäye ki man neen Jwøk.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 44:2

Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Wëël Kïmmö 3:57

'Ba kanya cwøla ïïni, ïïna nyänh kany mo cään, ni kööï, ni «Kärï lwäyö!»

Ciik Kiper Dïlämme 26:42

aani wïïa caara caarø ki luumma na tuuda ki Jeekap, ki Aydhak, ki Eeberam, ni caara wïïa ki ŋöömö marge.

Ciik Kiper Dïlämme 26:45

'Ba kiperge, wïïa caara caarø ki luumma na tuuda ki kwäcge na käla wøk ki yi ŋööm Ijep ni nëënö jï wïth juurre, kiper naa bëëda ni aana Jwøk marge. Beeye aani na Wuuö Jwøk.› »

Mathiew 22:32

ni ‹Aana Jwø Eeberam, ni näga Jwø Aydhak, ni näga Jwø Jeekap.› Eni paa Jwø jøøa näk othøw, 'ba ena Jwø jøøa kwøw.»

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Moa Tïïc Nyïïatwieli 7:32

ni ‹Aana Jwø kwäyï, na näk Jwø Eeberam, ki Aydhak, ki Jeekap.› 'Ba Modhe dëëre atïmö ni miel, ni lwäye ki man cäŋ gø neennø.

Tiet Ciik 13:17

'Ba kär dee gïn mo raac mo ocienø mo gutu ki ceŋŋu, kiper nee Wuuö Jwøk nee wëër mare na leth nee ba ö bäätu, ni nyooth mëëye jïïu, ni päth cwïnye ki gïru, ni tïïc kwäännu ni thööth, kaawat mana kööŋe jï kwäyu.

Tiet Ciik 31:6

Magu rou ni bëëdu nou teek, ni ba lwäyu, ni ba bwøk cwïnynyu ki geni, kiper Wuuö Jwøk beeye noo cäädhi nyïmmu. U ba leeŋ piny, ni ba wec uuni.»

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Ibaru 13:6

Kiper manøgønø, ø doo köö ni yøø ŋäädhö, ni «Wuuö Jwøk beeye dïkunyi mara, naa ba doo lwäyö. ?Aŋø, dhaanhø jaak, agïnaŋø noo tïïe dëëra?»

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.

Ruuth 3:11

'Ba kawaane, nyaara, kärï lwäyö; gïn pëënynyï en tïïa tïïö jïrï møn, kiper ŋäc jø powa bëët ni ïïna dhaagø mo bëëtö mare beer.