Wïlöölö 25:23 - Wëël Jwøk

²³ Ni kö Wuuö Jwøki jïre, ni «Jiy ma wïth juurre ariiø beege ni en yiï yøø; ni jiy ariiø moøge onywølï, ni bëëtge ni dëëtge ege pääŋŋö; ni ö acielli dëëtge ni tïme ni teeka eni døc ki maya; ni ö mana dwøŋŋi ni tïny mana thiinh.»

Wïlöölö 25:23 Iomraidhean Croise

Wïlöölö 17:16

'Ba eno gwïëdha, këël mano mooa ïïni ki nyilaal ma dïcwøø mo käla dëëre kiree. Eni gwïëdha gwïëdhö, ni tïme na mii wïth juurre; ni tïm nyeye mo wïth juurre ni käla ree.»

Wïlöölö 17:4

ni «Aani gïna tuuda ki ïïni beeye en, ïïno tïmö na kwar wïth juurre mo thööth.

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 25:24

'Ba kanya tïme na kar lwaar mare kiree, ena put lwaar ko obwöre ma cïp Jwøk.

Wïlöölö 25:27

'Ba kanya døøŋ obwöre moøgø, Icøø atïmö na dhaanhø mo dwaar ŋääe døc kiree, ni put bëëdö na ŋat paap. 'Ba Jeekap ena dhaanhø mo yie ee cïp piny jaak, ni bëëdö paac cooth.

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Wïlöölö 27:33

Køøre Aydhak dëëre atïmö ni miel døc, ni kööe, na «?Aŋata ŋa na kwøŋ öö ki rïŋö ya adïëti ni käl gø baŋa, ni cama gø bäre kanya poode niï poot kär öö, ni nø gwïëdha gø? Ni ka adïëri møn, bee eni noo gwïëth.»

Wïlöölö 27:37

'Ba aløk Aydhaki, ni kööe jï Icøø, ni «Ennø, Jeekap atïïa na kwäärö marï, ni cïba jø tuuŋe bëët jïre na jø tïïc moe; ni mooa eni ki bëëlö mo päl, ki køøŋ nyïïomøki. ?Age ennø nyie wääda, agïnaŋø no tïïa kiperï këët ennø?»

Wïlöölö 27:40

Ïïno bëëdö na ŋat tøŋ, ni tïnynyï coku; 'ba kanyo cwat yiï ki bëëtö manøgø, teek mare ojarï wøk bäätï.»

Wïlöölö 32:6

Køøre jøøa jääŋŋi aduu baŋ Jeekap, ni köge, ni «Waana pïï buut coku ma Icøø. 'Ba ennø, eno løny ni ena øtjöö, ni ööa baŋï kiper nou røømmu ki gø, ni eni cäädhi ka jiy ma dïpe aŋween.»

Wïlöölö 33:3

'Ba eni ki dëëre ena pööth nyïm, ni cäädhe ni cøŋŋe këëlle piny ni wïïe kuulle piny kwöre abïriiø, këël mana pïïe kany mo cään ki coki.

Wïlöölö 36:31

'Ba nyeye moa en teeki ceŋge yi ŋööm Ëdöm kanya poode ni poot bäŋ nyeya mo bëën jø Icrielli beege ii:

Wïlöölö 48:19

'Ba wänni akweer ni kööe, «Ŋääa, wääda. Ŋääa ni Maneeca beeye kaa. Eni thuwø tïmö na lwaak mo dwøŋ; 'ba coki mana thiinh en otïmö ni dwøŋŋa eni, ni tïm nyïïkwaaye na lwaa jiy mo thööth.»

2 Camiel 8:14

Køøre Deebit dï Ëdöm bäre aput kïthö ki kwör koor, ni ö jø Ëdömmi bëët ni putge tïmö ni ge bëënna Deebit. 'Ba Wuuö Jwøk aput bëëte ni køønynya Deebit kany wø tuge yie jaak.

1 Nyeye 22:47

'Ba kar kaagø bäŋ nyeya Ëdöm; 'ba Ëdöm bëënna ŋat mo ocuumö.

1 Luup Nyeye 18:13

ni put dï Ëdöm kïthö ki jø leny mo koor, ni ö jø Ëdömmi bëët ni putge tïmö ni ge bëënna Deebit. 'Ba Deebit kany wø tuge yie jaak Wuuö Jwøk puta bëëte ni køønynya gø.

Obadiya 1:21

'Ba jøøa piem jiy geno ci maal bäät Kïn Dhayan, nee po jø tuuŋ Icøø na en bäät kïte nee käärge. Ni ö buc nyeci ni tïme na mar Wuuö Jwøk.

Kwään Jiy 20:14

Kanya bëët jø Icrielli Kadëc, Modhe ajäägö ki jiy baŋ nyeny paana cwøl ni Ëdöm ni kööe, ni «Gïïa leth bëët na pïï bäät coku ma Icriel ŋäyï.

Tiet Ciik 2:4

ni köömmï jiy ni kööï, ni «Ennø, u pöödhö ki yi ŋööm tuuŋu, ni beege nyïïkwaac Icøø na bëëdö Cëër. Geni, geno lwäyi ki uuni. 'Ba gwøgu rou døc,

Tiet Ciik 2:8

«Køøre øøna pöödhö ki buut tuuŋø, ni beege nyïïkwaac Icøø na bëëdö Cëër. Ni wiiø jöör gool mana cwøl na Araaba mana pööth Elath ki Edhiyön-Gabir, ni gaaø ni aaø ki øtjöö mana cør dï paap Möap.

1 Camiel 17:14

'Ba Deebit beeye ŋata thiinhnha eni døc røk nyïïmenni. 'Ba kanya bëët wäät Jeci moa näk adäk na døøŋŋø geni ni ge ena ri lwaa leny mar Cøøl,