Wïlöölö 25:22 - Wëël Jwøk

²² 'Ba obwöre atïmö ni ge cäbö yi Rebëëka; ni kööe, na «?Aŋø, a teeŋ gïnaŋø no otägö dëëra en?» Køøre ena aay ni läme ni pëëny Wuuö Jwøk.

Wïlöölö 25:22 Iomraidhean Croise

Edhikiel 20:31

Kany wø cïpu muuce mou, ki kany wø kïthu wäätu yi maac nou waaŋa geni no olämme, u tïïya dëëtu ni ba waany ki kït gïï wø lammu bëët këël dïcäŋi. ?Wui, u na jø Icriel, u jïëa jïëö këët ki man pëënynyu aani? 'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, a ba pëënynyu këët.

Edhikiel 36:37

«'Ba man beeye luumma cäŋ Kwäärö Wuuö Jwøki caannø, ena köö, ‹Aani thuwø, jø Icriel ge tïïa tïïö naa pëënyge kiper nee gïn tïïa jïge: Jiy moge meeda meedø nee tïmge kaamar pïïth dïëk,

1 Camiel 10:22

Kar kaagønø, Wuuö Jwøk acäŋge pëënynyö ni köge, «?Aŋø, da dhaanhø mo poot kär ö kany en?» Kanyøgønø, Wuuö Jwøk aköö, ni «Ka adïëri møn, Cøøl ree ee kanø yïthakic jammi mou moa kääru.»

1 Camiel 22:15

?Aŋø, beeye täge eni dïcäŋi ennø ki man pëënynya Jwøk kiper Deebit? Wui nyeya, ka adïëri møn, acaara manøgø kara bäär ki gø. Ï na nyeya en, beerra man ba kïthï bääta ki luubö mo kära tïïö, a na dhaanhnhï en; këël tuuŋwa bëët thuwø kär dee luubö mo kïthï bäätge, kiper a na dhaanhnhï en, bäŋ gïn mo ŋääa na bäre bäre kiper luubö manøgø.»

1 Camiel 28:6

Ni ö Cøølli ni pëëny Wuuö Jwøk; 'ba Wuuö Jwøk bäŋ gïn mo ee løø jï Cøøl ki ri lääk, wala ki ri Urim, wala ki dhøk nyïïkuk Jwøk.

1 Camiel 30:8

Kanyøgønø, Deebit, Wuuö Jwøk apëënynye ni kööe, «?Wui Wuuö Jwøk, läpa køør jøøa twier paani en? ?A ni näk mo aano läpö, ge maa maaø?» Ni kö Wuuö Jwøki jï Deebit, «Ci läp køørge. Ka adïëri møn, ge magï maaø; ni ö jiyi bëët moa näk omaaø ki tøŋ ni putï ge duuö.»

1 Camiel 9:9

'Ba wara bëëde dïkwøŋ Icriel, kanyo näk mo dhaanhø cøøa kuna pëëny Jwøk, eni wø köö, ni «Ööï, waa cøø baŋ ŋat wø joot jammi ki køør man wø nyooth Jwøki.» Kiper ŋat cwøl ni nyikuŋ Jwøk nïri en, dïkwøŋ cwøl ni ŋat wø joot jammi ki køør man wø nyooth Jwøki.