Wïlöölö 24:7 - Wëël Jwøk

⁷ Wuuö Jwøk, Jwø maal, ŋata käl aani wøk ki po wära yïth ŋøøpa nywøl aani yie, na cäänö na buŋ aani na köö, ni ‹Ŋöömö man omëëga nyïïkwaayï,› eni ki dëëre nyïïatwiel maal mare jääŋŋe jääŋŋö nyïmï, ni ö ïïni ni jïtï ki dhaagø jï wääda kaace.

Wïlöölö 24:7 Iomraidhean Croise

Wïlöölö 13:15

kiper ŋøøpo nëëni jïrï bëët yøø ocïba jïrï na bäre bäre këël nyïïkwaayï mo ööi køørï.

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 16:7

Kanyøgøøni Eegar ajoot nyïïatwielli mar Wuuö Jwøk ni ena buut jøøro dï paap, ni jøøro manøgø ena jööra näk cøøa paana cwøl ni Cur.

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Wïlöölö 21:17

Ni ö Jwøki ni wïny dwør nyilaal ni jwöŋö thuwø; ni ö nyïïatwiel Jwøki ni cwøl Eegar ki maal, ni kööe jïgø, «?Eegar, agïnaŋø na tägö dëërï? Kärï lwäyö, kiper Jwøk dwør nyilaal awïnynye ni jwöŋö kanyo en yie enø.

Wïlöölö 22:11

'Ba nyïïatwiel maal mar Wuuö Jwøk acwötö ki maal ni kööe, ni «Eeberam! Eeberam!» Ni kö Eeberammi, ni «Aani en.»

Wïlöölö 24:3

kiper a manynya ïïni niï kööŋï ki nyeŋ Wuuö Jwøk, Jwø maal ki piny, ki man ba nyöömmï wääda ki dhaagø røk nyïïakuk Keenan ni bëëda dïge en;

Wïlöölö 24:40

«Køøre ena köö jïra, ni ‹Wuuö Jwøk, ŋata bëëda naa caatha køøre, nyïïatwiel maal mare ojääŋŋe ki ïïni kiper nee gïna aayï kipere wëëk thur kare, ni kännï ki dhaagø jï wääda røk tuuŋwa na näk jø po wära;

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Bwøth Wøk 13:5

'Ba kanyo ö Wuuö Jwøki noo kïth uuni yïth ŋøøp jø Keenan, ki jø Këth, ki jø Amör, ki jø Ëwi, ki jø Jeebuc, na kööŋe jï kwäyu kiper nee cïbe jïïu, ni beeye ŋöömma näk caak ki maar kïc päl yie, u doo tïïya tïïc man yi dwääni en.

Bwøth Wøk 32:13

Caar wïïï ki Eeberam ki Aydhak ki Icriel, na näk jiyï, na kööŋï jïge ki dëërï kiree, ni kööï, ni ‹Aani nyïïkwaayu otïïa nee nyaacge ni caala ceer mo maal, ni cïba ŋöömö man bäre ni cääna kipere en jï nyïïkwaayu, ni put tïmö na marge na bäre bäre.› »

Bwøth Wøk 33:2

'Ba nyïïatwiel maal ojääŋŋa nyïmï, ni riemma jø Keenan, ki jø Amör, ki jø Këth, ki jø Përec, ki jø Ëwi, ki jø Jeebuc.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Joona 1:9

Ni løk gø jïge, ni «Aana nyï Ibaru, naa bëëdö naa lwäära Wuuö Jwøk, Jwø maal, eni na cwääc naama dwøŋ ki ŋøøm.»

Kwään Jiy 11:12

?Aŋø, jøøi bëët ii yaa käärö ki yia ni nywøla ge? ?Aperŋø nø ni kööï jïra en, ni käära geni ki kööra, kaawat man wø ö dïpïdi wø käär nyilaal mo dhøøth, ni kïtha geni yi ŋöömma buugï jï wëëkge?

Kwään Jiy 14:16

ni ‹Kiper na ba lønye jï Wuuö Jwøk ki man kïth jøøi yi ŋöömma kööŋe kipere ni cïbe cïbö jïge, beeye tiere na nää geni dï paap.›

Kwään Jiy 14:30

bäŋ dhaanhø aciel dëëtu mo ö yi ŋöömma kööŋa kipere nou bëëdu yie; 'ba beeye Kalëp o Jöpöni ki Jøcua o Nun keerge noo ci yie.

Kwään Jiy 32:11

ni ‹Ka adïëri møn, røk jøøa ö wøk ki Ijep, moa näk cwiicge pïërariiø këël mo kaala pïërariiø, bäŋ dhaanhø aciel dïge mo joot ŋöömma buua jï Eeberam ki Aydhak ki Jeekap, kiper køøra kärge caadhø ki cwïnyge bäre;

Moa Tïïc Nyïïatwieli 7:5

'Ba eni poot kär mooc Jwøki ki ŋøøm, këël nyi kany mo thiinh mo caala kar tier dhaanhø. 'Ba ena buŋ Jwøki ni eni di mooø ki ŋøøm ma moe ki nyïïkwaaye moo ööi køøre, këël na bëëde ni bäŋ nyilaal jïre.

Tiet Ciik 1:8

Neennu, ŋöömmögø anø cïba jïïu; cou yie ni lwørru gø, ni tïme na maru, ni beeye ŋöömma kööŋa kipere, a na Wuuö Jwøk, kiper nee cïba jï kwäyu, ni beege Eeberam ki Aydhak ki Jeekap, këël nyïïkwaacge moo lämmi køørge.› »

Tiet Ciik 34:4

Køøre Wuuö Jwøk aköö jï Modhe, ni «Manøgø beeye ŋöömö mana kööŋa kipere jï Eeberam ki Aydhak ki Jeekap na kööa ni cïba cïbö jï nyïïkwaacge. Ennø, ŋöömö manøgø ïïna wëëga neen gø nee jootï ki waŋï; 'ba ba løny jïrï ki man ciï kaace.»

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 11:9

Ni beeye ŋäädhe, na ö eni na bëëde yi paana buuk, kaawat man wø bëët wëëllö yi ŋöömö mo path, ni bëëdö yïth oduŋkaare ki Aydhak, ki Jeekap, na näk lwiidhi ki eni ri buuögø na aciel enøgø.

Jøcua 1:6

«Mak riï ni bëëdï niï teek, kiper ïïni, jøøi ii otïïyï nee ŋöömö mana kööŋa kipere jï kwäcge ni wëëga geni na marge nee ci jïge.

Jøcua 24:3

Køøre kwaru ma Eeberam alwøra løø Naam Upareeti løøga, ni bwødha eni dï ŋööm Keenan nee caadhe bäre, ni cïba wääde ma Aydhak jïre, ni tïïa nyïïkwaacge nee nyaacge.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Pïëmme 2:1

'Ba Wuuö Jwøk na nyooth ree Gëlgela, ree acäŋ nyoothø kaamar nyïïatwiel maal kanya cwøl ni Bökim, ni kööe jï jø Icriel, ni «Beeye aani na käl uuni wøk ki Ijep, ni käla uuni yi ŋöömma kööŋa kipere ni cïba cïbö jï kwäyu. Kar kaaca aana köö, ni ‹Aani, luumma mana tuuda ki uuni ba raanynya na bäre bäre;