Wïlöölö 24:50 - Wëël Jwøk

⁵⁰ Køøre Leeban ki Batuël marge acaange, ni köge, ni «Gïnögø käla baŋ Wuuö Jwøk; 'ba ennø, bäŋ gïn mør mo caanwa jïrï këët.

Wïlöölö 24:50 Iomraidhean Croise

Wïlöölö 24:15

'Ba kanya poode ni eni poot cäänö, Rebëëka nyi Batuël o Milka aput öö ni dak mare kääre ka göönne. 'Ba Milka beeye cï Neeyör cöök Eeberammi.

Wïlöölö 24:28

Køøre Rebëëka areŋ paac ni caan gïïögø bëët jï menni ki jøøa en buute.

Wïlöölö 24:51

Ennø, Rebëëka nutö nyïmï. Lwørï ni aayï ki gøøni, nee tïme na cï o kwääyï, kaawat mana caani ya Wuuö Jwøki.»

Wïlöölö 24:53

Køøre ena kän wøk ki jap warkey ka abïïe ni wëëk ge Rebëëka. Ni mooc mii Rebëëka thuwø ki coki ki jammi mo perge leth.

Wïlöölö 24:55

'Ba cöök Rebëëka ki menni aköö, ni «Beerra man dööŋ nyilaalli ki waani dituru ki nïne mo nøk jaak mo jïtö ki kar apaar, køøre nø eno ööi.»

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 31:24

'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 31:29

Doo da gïn mo tïïa tïïö dëëtu ennø na bëëde ki køør teek mana en jïra, 'ba Jwø wääu acäänö ki aani ki yïth lääk yawïtïni, ni kööe, ni ‹Gwøk riï ki man ba cäänï ki Jeekap ki gïn mo mäna wääth mare.›

2 Camiel 13:22

'Ba Abëcëlöm aput bëëtö ni bäŋ gïn mo ee caanø ka Amnön; kiper Abëcëlöm amännö døc ka Amnön kiper mana ö Amnönni na mak coki ma Tamar ki teek ni bute ki gø na dhaagø.

1 Nyeye 12:15

'Ba nyeya luum jøøgø käre wïnynyö, kiper gïnögø beeye gïn mo käla baŋ Wuuö Jwøk, nee luubö mana caan Wuuö Jwøki jï Jeröbäm o Nebat ki dha Akiya nyï Cëëlö thur kare.

1 Nyeye 12:24

ni mana caan Wuuö Jwøki beeye en, ena köö, ni ‹Käru cøø nou këëdu ki nyïïmëëgu ma jø Icriel. Ŋati man nø døø paare, kiper gïnögø käla baŋa.› » Køøre luum Wuuö Jwøk aputge wïnynyö, ni døøge mïëcge, kaawat mana caan Wuuö Jwøki.

Mathiew 21:42

Kanyøgø Jecu aköö jïge, na «?Aŋø, luubö man käru kwaanø yi wëël Jwøk? Acaan wëël Jwøki, «ni ‹Kïdi mana kwier dïgëëte, atïmö na kïn gøøt mana pere letha eni na mak øtø. Ni gïnögø tïïya Wuuö Jwøki, ni beeye gïn mo rëëma ec ki nyeŋŋø.›

Maak 12:11

Ni gïnögø tïïya Wuuö Jwøki, ni beeye gïn mo rëëma ec ki nyeŋŋø.› »

Moa Tïïc Nyïïatwieli 11:17

?'Ba na nø cïpi ya Jwøki jïge kaawat mana mooc øøni kanya jïëø Kwäärö ma Jecu Krictø, aana ŋa nø na doo män mo Jwøk?»