Wïlöölö 24:40 - Wëël Jwøk

⁴⁰ «Køøre ena köö jïra, ni ‹Wuuö Jwøk, ŋata bëëda naa caatha køøre, nyïïatwiel maal mare ojääŋŋe ki ïïni kiper nee gïna aayï kipere wëëk thur kare, ni kännï ki dhaagø jï wääda røk tuuŋwa na näk jø po wära;

Wïlöölö 24:40 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 24:56

'Ba ŋat tïï Eeberam aköö jïge, ni «Kär aani gaalu këët; kiper Wuuö Jwøk gïna ööa kipere anø wëëk thur kare. Wëëgu aani wääth kiper naa døøa baŋ kwääya.»

Wïlöölö 24:7

Wuuö Jwøk, Jwø maal, ŋata käl aani wøk ki po wära yïth ŋøøpa nywøl aani yie, na cäänö na buŋ aani na köö, ni ‹Ŋöömö man omëëga nyïïkwaayï,› eni ki dëëre nyïïatwiel maal mare jääŋŋe jääŋŋö nyïmï, ni ö ïïni ni jïtï ki dhaagø jï wääda kaace.

Wïlöölö 48:15

Ni ö eni ni gwïëth Jocep ni kööe, «Jwøa cääth kwara ma Eeberam ki wära ma Aydhak køøre, Jwøa bwøth aani ki yïth nïne bëët këël dïcäŋi en,

Wïlöölö 5:22

Køør kanya ö Inøki na nywøl wääde ma Mathucala, ena cäŋ bëëtö ki cwiiri ma dïpe adäk ni bëëde ni caatha køør Jwøk, ni nyööde ki wääte ki nyïïe møøk.

Wïlöölö 5:24

Ni ö Inøki ni bëëde ni caatha køør Jwøk, ni kär kare joodø, kiper ena lwør Jwøki.

Wïlöölö 6:9

Man beeye luum nyïïkwaac Nöa. Nöa beeye dhaanhø mo mare beer ri jøøa bëëdö kar kaaca, ni bäŋ gïn mo jøøŋŋi ri bëëtö mare. Ena bëëdö ni caatha køør Jwøk.

1 Nyeye 2:3

Gwøk gïï wø many Wuuö Jwøki Jwøk marï, ni caathï jööre, ni gwøgï ciik moe, ki luup moa ceme, ki luup ŋøl moe, ki pwöc moe, kaawat mana no ogöörö yi wëël ciik Modhe, nee jammi bëët mo wø tïïyï nee wø thurge karge kwör wø bëëdï yïthge bëët,

1 Nyeye 3:6

Kanyøgø, Cølöman aköö, ni «Ïïni, ïïna bëëdö niï nyøtha mëër marï na dwøŋ ni wø ba jøøl jï dhaanhnhï ma wära ma Deebit ki køør mana bëëde ni tïïya adïëri nyïmï, ni bëëdö ki bëëtö mo beer, ni cwïnye thïïŋ ki ïïni. 'Ba dïcäŋi ennø, ïïna cïpö ki wääde mo pï piny bäät wälu mare, niï poot nyootha mëër marï na dwøŋ ni wø ba jøøl jïre.

1 Nyeye 8:23

Ni kööe, «Wui Wuuö Jwøk, Jwø Icriel, bäŋ Jwøk mo caala ïïni maalø wala bäät piny, mo luumma tuude ki jiy ee gwøø, ni nyooth mëër mare ni wø ba jøøl jï jiye mo wø tïïö ka adïëri nyïme ki cwïnyge bäre.

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Bwøth Wøk 23:20

«Ennø, aani, a na Wuuö Jwøk, a jääŋŋö ki nyïïatwiel maal mo cäädhi nyïmmu mo gwøga uuni ki yi wääth maru, kiper nou kïth kanya näk yaa jiiŋŋø kiperu.

Bwøth Wøk 33:2

'Ba nyïïatwiel maal ojääŋŋa nyïmï, ni riemma jø Keenan, ki jø Amör, ki jø Këth, ki jø Përec, ki jø Ëwi, ki jø Jeebuc.

Daniel 3:28

Kanyøgø Nabukedenecör aput köö, ni «Pwøc en jï Jwø Cidarak, eni ki Micak ka Abedenagø, Jwøa jääŋ nyïïatwiel maal mare na piem jiye, jøøa ŋääth eni. Geni, dwør nyeya akwierge, ni per dëëtge kär leth jïge, ni kweerge ki man tïnyge jwøk mør wala ki man wøørge gø, 'ba beeye Jwøge keere.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»

Mana Nyooth 22:8

Aana Jøøn, ŋata wïny gïïögø ni neen geni. 'Ba na wïnynya ge ni neena geni, aana päth tiet nyïïatwiel maal manøgø, ŋata nyooth ge jïra, nee wøøra.