Wïlöölö 24:4 - Wëël Jwøk

⁴ 'ba ï doo cøøa powa baŋ tuuŋwa, ni kännï ki dhaagø jï wääda ma Aydhak.»

Wïlöölö 24:4 Iomraidhean Croise

Wïlöölö 11:25

Køør kanya ö Neeyörri na nywøl wääde ma Teera, ena cäŋ bëëtö ki cwiiri ma dïpa ka apaar ka abïŋween, ni nyööde ki wääte ki nyïïe møøk.

Wïlöölö 12:1

Wuuö Jwøk acäänö ka Abram, ni kööe, ni «Wec pou ki tuuŋu ki dhi øt wäru, ni ciï yi ŋöömmo nyoodha jïrï.

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 24:38

'ba ï doo cøøa po wära baŋ tuuŋwa ni kännï ki dhaagø jï wääda.›

Wïlöölö 24:5

Køøre ŋat tïïc aköö jï Eeberam, «?A ni näk mo dhaaŋŋøca ba jïëy ki man öwa ki gøøni pööthi, wäädï wär lwøra ni dwøga gø pou kanya ööï ki yie?»

Wïlöölö 28:1

Køøre Aydhak Jeekap acwøle ni gwïëth gø, ni kööm gø, ni kööe jïgø, ni «Kär niï nyöömmö ki dhaagø røk nyïïakuk Keenan, paan bëëdø yie en.

Wïlöölö 28:2

Ö maal, ni ciï Padan-Aram, dhi øt kwaru ma Batuël wää meru, ni nyöömmï ki dhaagø kaace dëët nyïï nääru ma Leeban cöök meru.

2 Luup Nyeye 24:3

Ni ö Jööda ni nyöömme jï gø ki mään ariiø, ni ö eni ni put jïtö ki wääte ki nyïïe.

Ibaru 11:15

'Ba onää wïthge ege caarø ki gïr paana aacge yie, ge doo jïtö ki jöö man døøkge ki gø.

Pïëmme 14:3

'Ba wänni ki menni aköö jïgø, na «?Aŋø, bäŋ dhaagø dï nyïï tuuŋu wala dï jø pøø, ni kööï niï nyöömmö ki dhaagø ri jø Pilitin moi ni kär daŋø ii?» 'Ba Camcøn aköö jï wänni, ni «Nywømï jïra, kiper dhaagø manøgø nëëni ni mïërö ki jïra.»