Wïlöölö 24:27 - Wëël Jwøk

²⁷ Ni kööe, ni «Pwøc en jï Wuuö Jwøk, Jwø kwääya ma Eeberam. Eni adïëri mare ki mëëye ni wø ba jøøl käre paanyø bäät kwääya. Eni thuwø aana bwødhe ni kïth aani yi øt jø tuuŋ kwääya.»

Wïlöölö 24:27 Iomraidhean Croise

Wïlöölö 13:8

Ni kö Abrammi jï Løøt, ni «Beerra man bëëdø ni bäŋ män yïthakiyø ki ïïni, wala yïthakic jø kwaath 'moa ki jø kwaath moï, kiper øøna tuuŋ.

Wïlöölö 14:20

ni ö pwøci ni en jï Jwøa Dwøŋ ni en Maal, Jwøa cïp nyïïmän moï cerï.» Køøre Abram acïpö jï Melkidhedek ki paac wïth jammi bëët.

Wïlöölö 24:12

Kanyøgø ena köö, «Wui Wuuö Jwøk, ï na Jwø kwääya ma Eeberam, a kwaya ïïni ki man wëëgï gïna ööa kipere thur kare jïra dïcäŋi, ni nyoothï mëëyï ni wø ba jøøl jï kwääya ma Eeberam.

Wïlöölö 24:21

'Ba ŋatøgø bëëdö ni lïŋö jaak ni neeta jï nyaanøgø, kiper eni manynya man ŋäc gø ki man näk wääth mare owëëk Wuuö Jwøki thur kare wala jïre bäär.

Wïlöölö 24:4

'ba ï doo cøøa powa baŋ tuuŋwa, ni kännï ki dhaagø jï wääda ma Aydhak.»

Wïlöölö 24:42

«Ni beeye tiere ennø ni ööa bäät iith dïcäŋi en, ni kööa, ni ‹Wui Wuuö Jwøk, Jwø kwääya ma Eeberam, ni näk mo tier gïna ööa kipere wëëgï thur kare nø,

Wïlöölö 24:48

ni kuulla wïïa piny ni wøøra nyeŋ Wuuö Jwøk, ni pwøa Wuuö Jwøk na näk Jwø kwääya ma Eeberam na bwøth aani ki øtjöö ma kare ki man jïta ki nyakøø røk tuuŋ kwääya jï wääde.

Wïlöölö 32:10

'Ba aa na Jeekap, a paa dhaanhø mo orømø ki mëëyï ni wø ba jøøl, ka adïëri marï na nyoothï jïra, aani na näk laŋŋï. Aani dïkwøŋ naam Jördan en aŋøla naa käära athøra keere ki cera. 'Ba ennø, aana tïmö ni jïra da lwaae ariiø.

Wïlöölö 32:11

Ennø, a kwaya ïïni, Awuuö Jwøk, naa kønyï ki man wëëgï aani bødhø cer coka ma Icøø, kiper aana lwäyö ki gøøni, kiper kanymør eni öö jaak ni tuk aani ki mään ko obwöre.

Wïlöölö 9:26

Ni cäŋ köö thuwø, ni «Pwøc oen jï Wuuö Jwøk, na näk Jwø Cëm; beerra man tïm Keenanni na laŋŋø mare.

2 Camiel 18:28

'Ba Akimaath acwötö ni kööe jï nyeya, «Wui nyeya, jammi bëët beyø.» Køøre cøŋŋe akëël piny ni kuul wïïe piny nyïm nyeya ni määtha gø. Køøre Akimaath aköö, «Pwøc en jï Wuuö Jwøk, Jwøk marï, na cïp nyimännï cerï, jøøa gëëmö ki ïïni, ï na nyeya.»

Bwøth Wøk 18:10

Køøre Jëthrö aköö, ni «Pwøc en jï Wuuö Jwøk na køny uuni ceŋ jø Ijep ki cer Peerø. Bee eni na køny jø Icriel ceŋ jø Ijep.

Bwøth Wøk 2:11

'Ba dïcäŋ aciel, kanya tïme ni Modhe oløny ni dwøŋ, ena laŋ wøk baŋ tuuŋge, ni joot tïïc marge ni teek døc; ni joot ŋat Ibaru aciel na näk tuuŋge ni pwöt ŋat Ijepi pwödö.

Bwøth Wøk 2:13

'Ba na tïme na riet nïne ena cäŋ laŋ wøk, ni joot jø Ibaru ariiø ni ge këëdö keerge; ni kööe jï ŋata no obääyö, na «?Aŋø ni gøøyï wadu en?»

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Pwöc Leec Wïc 3:6

Bëëdï niï ŋäya eni ki yïth uutjïëth tïïe moï bëët, køøre eni uutjïëth tïïe moï odøøc mo thïïŋ.

Pwöc Leec Wïc 8:20

Aani na leec wïc, a wø cäädha øtjöör bëënynyö, naa ena dï jöör adïëri,

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Luk 1:68

ni «Pwøc en jï Kwäärö Jwøk, Jwø Icriel, kiper ena lïïmmö ni wïïl jiye wøk,

Jøøn 1:17

Kiper Ciik Jwøk cïp ka ri Modhe, 'ba met ec ki moa näk adïëri ööi ka køør Jecu Krictø.

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ruuth 4:14

Ni kö määnni jï Naømi, «Pwøc en jï Wuuö Jwøk, na mooc ïïni ki ŋat dööŋ cï nyaarï ki gø, ni jïtï ki nyikwaarï dïcäŋi. Beerra man tïm nyeŋ nyilaalli mana lwaarø ki gø ni wïnyö dï Icriel.

1 Camiel 25:32

Køøre Deebit aköö jï Abigël, ni «Pwøc en jï Wuuö Jwøk, Jwø Icriel, na jääŋ ïïni dïcäŋi en, nee ø røømmø ki ïïni.

1 Camiel 25:39

'Ba kanya ö Deebiti na wïny gø ni Nabal athøw, ena köö, ni «Pwøc en jï Wuuö Jwøk, na ŋøl luubö na kare ki køør mana ö Naballi na jany aani. Beeye Wuuö Jwøk na koor aani, a na dhaanhnhe, ki man ba tïïa ki gïn mo raac. Wuuö Jwøk gïna raac na tïïc Naballi adwøk wï gø keere møn.» Køøre Deebit ajääk baŋ Abigël nee cäänö ki gø ki man tïme na dhaagø jïre.