Wïlöölö 24:26 - Wëël Jwøk

²⁶ Kanyøgø ŋatøgø wïïe akuul piny ni wøør nyeŋ Wuuö Jwøk.

Wïlöölö 24:26 Iomraidhean Croise

Wïlöölö 22:5

Køøre Eeberam aköö jï jaga näk ariiø, ni «Dööŋŋu kany ka arëën, nee aani ki nyilaal nee wa ciwa kuna wøørwa nyeŋ Jwøk kaace; køøre waano duu baŋu.»

Wïlöölö 24:25

Ni cäŋ nyaanøgø köö, ni «Jïwa da luum mo orømø ki cam mar lääy, ki kar niine thuwø.»

Wïlöölö 24:48

ni kuulla wïïa piny ni wøøra nyeŋ Wuuö Jwøk, ni pwøa Wuuö Jwøk na näk Jwø kwääya ma Eeberam na bwøth aani ki øtjöö ma kare ki man jïta ki nyakøø røk tuuŋ kwääya jï wääde.

Wïlöölö 24:52

'Ba kanya ö ŋat tïï Eeberammi na wïny luup moa caan jøøgø, wïïe akuul piny ni wøør nyeŋ Wuuö Jwøk.

1 Luup Nyeye 29:20

Køøre Deebit aköö jï jø acooŋa bëët, ni «Ennø, pwøyu Wuuö Jwøk, eni na Jwøk maru.» Kanyøgø jø acooŋa bëët Wuuö Jwøk, Jwø kwäcge, aputge pwøc, ni këëlge cøŋge piny ni wøørge Wuuö Jwøk ki nyeya.

2 Luup Nyeye 20:18

Kanyøgø Jøcapat wïïe aput kuul piny ni täärnyïme ee këël yïth ŋøøm, ni ö jø Juuda bëët ki jø wø bëëdö yi Jerucalem ni päthge nyïm Wuuö Jwøk, ni wøørge Wuuö Jwøk.

2 Luup Nyeye 29:30

'Ba nyeya ma Edhekaya ki kwääri moa en tiere jø tuuŋ Libay aköömge thuwø nee wärge ni ge pwøya Wuuö Jwøk ki dut Deebit ka Acaap, ni beeye Acaap ŋata wara joot jammi ki køør man wø nyooth Jwøki jïre. Ni ö jøøgøøni ni wärge ki dut pwøc jï Wuuö Jwøk ki met ec, ni këëlge cøŋge piny ni wøørge Wuuö Jwøk.

Neemiya 8:6

Køøre Edhera Wuuö Jwøk, Jwøa dwøŋ, apwøe. Kanyøgø jiy bëët ceŋge aputge tïŋ maal ni jølge gø, ni «Beeye kare, beeye kare;» ni putge cøŋge këël piny, ni wøørge Wuuö Jwøk ni täärnyïmge ege këël piny.

Bwøth Wøk 12:27

u doo köö jïge, ni ‹Beeye olämi mar cäŋ Cäŋa Pööth Thøøe Yie jï Wuuö Jwøk, kiper kanya 'näk jø Ijep, ena pöödhö ki buut uut jø Icriel, ni wec mïëri moø.› » Ni ö jiyi bëët ni këëlge cøŋge piny ni wøørge Wuuö Jwøk.

Bwøth Wøk 34:8

Ni ö Modhe ni put cøŋŋe këël piny ni wøør Wuuö Jwøk.

Bwøth Wøk 4:31

Ni ö jø Icrielli ni ŋääthge; 'ba kanya wïnyge gø ni Wuuö Jwøk alïïmmö baŋge ni joot caannø marge, wïthge akuulge piny ni wøørge gø.

Mikiya 6:6

?Aani, aano cøøa nyïm Wuuö Jwøk ki ŋø, ni cøŋŋa yaa këël piny nyïme, eni na Jwøk ni en maal? ?Løny ki man cøøa nyïme naa käära olämme mo wø waaŋ bäre, ki nyïïrøøe mo cwiicge oceele mo pulli?

Pilipay 2:10

Kiper manøgønø, kany wäro wïny nyeŋ Jecu, cøŋŋi bëët doo këëlla piny, ni beege moa en maal, ki moa en piny, këël ki moa en tiet ŋøøm.

Pïëmme 7:15

'Ba kanya ö Gidienni na wïny lääk mana par ki tier gø mana løk, eni cøŋŋe aput këël piny ni pwøc Wuuö Jwøk. Køøre ena duu twïër mar jø Icriel ni kööe, ni «Ööu maal, kiper Wuuö Jwøk jø Midien këël twïër marge ee nø cïp ceŋŋu.»

1 Camiel 1:28

Aani thuwø nyilaal man acïba kur keere jï Wuuö Jwøk; këël yïth nïr kwøw moe bëët eni puta bëëtö ni ena kur keere jï Wuuö Jwøk.» Køøre Elkana Wuuö Jwøk awøøre kaace.