Wïlöölö 24:12 - Wëël Jwøk

¹² Kanyøgø ena köö, «Wui Wuuö Jwøk, ï na Jwø kwääya ma Eeberam, a kwaya ïïni ki man wëëgï gïna ööa kipere thur kare jïra dïcäŋi, ni nyoothï mëëyï ni wø ba jøøl jï kwääya ma Eeberam.

Wïlöölö 24:12 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 24:21

'Ba ŋatøgø bëëdö ni lïŋö jaak ni neeta jï nyaanøgø, kiper eni manynya man ŋäc gø ki man näk wääth mare owëëk Wuuö Jwøki thur kare wala jïre bäär.

Wïlöölö 24:27

Ni kööe, ni «Pwøc en jï Wuuö Jwøk, Jwø kwääya ma Eeberam. Eni adïëri mare ki mëëye ni wø ba jøøl käre paanyø bäät kwääya. Eni thuwø aana bwødhe ni kïth aani yi øt jø tuuŋ kwääya.»

Wïlöölö 24:42

«Ni beeye tiere ennø ni ööa bäät iith dïcäŋi en, ni kööa, ni ‹Wui Wuuö Jwøk, Jwø kwääya ma Eeberam, ni näk mo tier gïna ööa kipere wëëgï thur kare nø,

Wïlöölö 24:48

ni kuulla wïïa piny ni wøøra nyeŋ Wuuö Jwøk, ni pwøa Wuuö Jwøk na näk Jwø kwääya ma Eeberam na bwøth aani ki øtjöö ma kare ki man jïta ki nyakøø røk tuuŋ kwääya jï wääde.

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 27:10

Køøre nø, kïthï baŋ wäru nee came, kiper niï gwïëdhe kany poode ni eni poot kär thøw ice.»

Wïlöölö 27:20

'Ba Aydhak aköö jï wääde, na «?Aŋø nyie wääda, iï laar joot yi wäne kawaane en?» Ni kö Jeekapi, ni «Kiper beeye Wuuö Jwøk, Jwøk marï, na tïïc gø nee laar lønyø jïra.»

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

Wïlöölö 31:42

A onää Jwø kwara ma Eeberam, na näk Jwø wø lwär wära ma Aydhak ki gø, ba en buuta, caana gø naa diï wëëk wääth ki ceŋŋa jaak møn. 'Ba Jwøk can mara ki öölö mar tïïc mana tïïa ajoode, ni beeye na jook ïïni yawïtïni enø.»

Wïlöölö 32:10

'Ba aa na Jeekap, a paa dhaanhø mo orømø ki mëëyï ni wø ba jøøl, ka adïëri marï na nyoothï jïra, aani na näk laŋŋï. Aani dïkwøŋ naam Jördan en aŋøla naa käära athøra keere ki cera. 'Ba ennø, aana tïmö ni jïra da lwaae ariiø.

Wïlöölö 32:9

Ni ö Jeekapi ni läme, ni kööe, ni «Wui Awuuö Jwøk, ï na Jwø kwara ma Eeberam ki wära ma Aydhak, ïïna cäänö ki aani ni kööï, ni ‹Ci døø pou baŋ tuuŋu; 'ba bëëtö marï otïïa ni beer.›

Wïlöölö 43:14

Beerra man ö Jwøki na en teeki jïre ni døøc yi nyenøce mo met ki uuni kiper nee owääu ma Cimien jääŋŋe ki uuni ki Benjamen na aciel. 'Ba ni näk wääta othøw, aano tïmö naa bëëdö ka bëët ränynyö jaak.»

1 Nyeye 18:36

'Ba kanya tïme na yi caan wø cïp olämi yie mar abøøya, nyikuŋ Jwøk ma Ilaaja anyänh buut gïn wø cïp olämme bääte, ni läme ni kööe, «Wui, Wuuö Jwøk, Jwø Eeberam ki Aydhak ki Icriel, dïcäŋi beerra man ö jiyi ni ŋäcge ïïni ni ïïna Jwøk Icriel, ni ŋäcge gø ni aana dhaanhnhï, ni gïï bëët ii tïïa ka køør dwørï.

2 Nyeye 2:14

'Ba aleeŋ Ilaaja mana pänh piny ki bääte alwør Ilaaca, ni gøøc pïï ki gø ni kööe, ni «?Wuuö Jwøk, Jwø Ilaaja, age ïïni?» 'Ba kanya gøøc pïï, pïï rege aputge pääŋŋö ki dïëre ni cige løøi ki løøi; ni ö Ilaaca ni put ŋut løøga.

Neemiya 1:11

Wui Kwäärö Wuuö Jwøk, a kwaya ïïni, beerra man cegï ïthï ki lam mara, a na dhaanhnhï en, ki lam mar jiyï mo wø bëëdö ni yïthge met ki man wøørge nyeŋŋï; ni wëëgï gïna many dhaanhnhï thur kare dïcäŋi ki køør mano nyoothï mëër jïre nyïm nyeya ma Arthëkcic.» 'Ba aani, a bëëdö ni aana kwääy mar nyeya.

Neemiya 2:4

'Ba nyeya aköö jïra, na «?Agïnaŋø ni manynyï?» Køøre aana lämö jï Jwø maal.

Dut Pwøc 127:1

Bwøth Wøk 3:15

Ni cäŋ Jwøki köö jï Modhe, ni «Wär caanï jï jø Icriel, ni ‹Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, bee eni na jääŋ aani baŋu.› Wuuö Jwøk, na näk tiere beeye ‹Aani ni nut en› beeye nyeŋŋa na bäre bäre, na nyeŋ man wø ö jiyi wø parge wïthge ki aani ki gø këël yïth beenhnhe bëët.

Bwøth Wøk 3:6

Ni cäŋ köö, ni «Aana Jwø kwäyï, Jwøa näk Jwø Eeberam ki Aydhak ki Jeekap.» Kanyøgø Modhe täärnyïme aume kiper mana lwäye ki man neen Jwøk.

Pwöc Leec Wïc 3:6

Bëëdï niï ŋäya eni ki yïth uutjïëth tïïe moï bëët, køøre eni uutjïëth tïïe moï odøøc mo thïïŋ.

Mathiew 22:32

ni ‹Aana Jwø Eeberam, ni näga Jwø Aydhak, ni näga Jwø Jeekap.› Eni paa Jwø jøøa näk othøw, 'ba ena Jwø jøøa kwøw.»

Pilipay 4:6

Kär dee gïn lääŋŋu ki cwïnynyu, 'ba ki yïth jammi bëët, gïn wäro manynyu wäru pëënynyu ki Jwøk nou lämö, nou kwaya eni, nou dwøga met ec baŋe.