Wïlöölö 23:6 - Wëël Jwøk

⁶ ni «Kwäärö, wïny marwa; ïïna dhaanhø mo karï dwøŋ døc buutwa kany; kan dhaanhø mana näk othøw yi kää mana näk ojierø na beerra eni døc røk kääk moa näk mowa; bäŋ dhaanhø aciel dïwa kany mo kää mare mäne mänö ki ïïni ki man kanï dëër dhaanhø mana näk othøw yie.»

Wïlöölö 23:6 Iomraidhean Croise

Wïlöölö 13:2

Kar kaace Abram ena dhaanhø mo okwär døc, ni jïre da lääc paac mo thööth ki warkey mo päl.

Wïlöölö 14:14

'Ba kanya wïnynyi Abrammi ni o coki amak ri leny, jiye ma dïpe adäk ka apaar ka abära moa nywøl paare na näk opwönynyö abwødhe kiper leny; ni aacge ni ge määnyö këël mana këëtge Daan.

Wïlöölö 18:12

'Ba Ceera aŋeethø ki yi cwïnye, ni kööe, ni «Kawaane ennø aano nø jalø, ni këël dïcwøø mara thuwø onø jalø. ?Aŋø, aani gïr dïcwøø poot dagø cwïnya këët?»

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Wïlöölö 21:22

'Ba kanya tïme na kar kaaca, Abimëlëk aöö ki Piköl ŋata näk kwääy lwaak mare, ni cääne ki Eeberam, ni kööe, ni «Jwøk ena buutï ki ri jammi bëët mo wø tïïyï.

Wïlöölö 23:5

Køøre aløk jø Këthi jï Eeberam, ni köge,

Wïlöölö 23:7

Køøre Eeberam aö maal ni kuul wïïe piny nyïm wëëk ŋøømmi na näk jø Këth.

Wïlöölö 24:18

Ni kö Rebëëka, «Mäthï nø, Awuuö.» Ni ö Rebëëka ni put dak mare jøl ki cere, ni mooc ŋatøgø ki pïï mo maadhe.

Wïlöölö 24:35

Wuuö Jwøk, kwääya ma Eeberam ee gwïëdhö døc, ni tïme na dhaanhø mo kare dwøŋ, ni mooc gø ki dïëk ki dhäk ki warkey ki jø tïïc ma cwøw ki mään ka athïrööle ka arëëni.

Wïlöölö 31:35

Ni kö Reecalli jï wänni, na «Awuuö, kärï wëër kiper mana kära ö maal nyïmï, kiper aani gïr mään otägö dëëra.» Køøre Leeban amäänyö døc, 'ba gïï lam moøgø käre joodø.

Wïlöölö 32:18

wärï kööï, ni ‹Beege mo laŋŋï ma Jeekap, ni beege gïïa jääŋŋe kiper nee cïp jï kwääye ma Icøø; ni eni na näk Jeekap ki dëëre cäädhö køørwa.› »

Wïlöölö 42:10

Ni løkge gø jïre, «Jïwa bäyö, Kwäärö; wa na laaŋe moï, waana ö kany kiper ŋïëw ki beel.

Wïlöölö 44:5

?Aŋø, ogubanynyøgø na kwallu enø, paa gïn wø mäth kwääya ki gøøni, ni beeye gïn wø køny gøøni ki man ŋec gïï mo poot ena nyïm? Uuna bääyö døc ki gïna tïïyu enøgø.› »

Wïlöölö 44:8

Neenï, gweta jootwa dhøk opïri mowa aduuwa baŋu ki yi ŋööm Keenan. ?Warkey a dewa gø kwalø nidïï yi øt kwääyï?

Bwøth Wøk 32:22

Ni kö Aranni, ni «Kwäärö, kärï wëër ki aani døc; ïïni ki dëërï kiree, ŋäyï ni jøøi ii cwïnyge ena køør gïï mo reyø.

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Ruuth 2:13

Køøre Ruuth aköö, ni «Wui kwäärö, aana jïtö ki met ec baŋï, kiper cwïnya acømï ni caanï luup mo met jïra, këël na näk a ba kwaan røk jø tïïc moï na näk mään.»