Wïlöölö 23:2 - Wëël Jwøk

² Køøre Ceera athøø Kiriat-Arba na näk Keeprön yi ŋööm Keenan; ni ö Eeberammi ni jwøk cïïe ma Ceera ni kïmme kipere.

Wïlöölö 23:2 Iomraidhean Croise

Wïlöölö 13:18

Køøre Abram twïër mare adaae ni aae ni bëëde buut jera døøŋŋø mo Mamrë na en Keeprön, ni tïïe ki gïn wø cïp olämme bääte kaace jï Wuuö Jwøk.

Wïlöölö 23:1

'Ba cwiiri moa beet Ceera bëët beege cwiiri ma dïpa aciel ki pïërariiø ka abïriiø.

Wïlöölö 23:19

Køøre nø, Eeberam cïïe ma Ceera akan yi kään kïnna en Makpila na näk dïët ki Mamrë, na näk Keeprön na en yi ŋööm Keenan.

Wïlöölö 24:67

Køøre Aydhak Rebëëka alwøre ni kïth gø yo oduŋkaany menni ma Ceera, ni put tïmö na dhaagø mare ni mëër ki gø. Køøre Aydhak ajïtö ki cøm cwïny køør thøw menni ma Ceera.

Wïlöölö 27:41

Køøre Icøø cwïnye ajïtö ki gïn mo raac ki Jeekap kiper gwïëth mana joode baŋ wänni; ni ö Icøø ni cääne ki cwïnye keere, ni kööe, ni «Nïr kïmmö kiper thøw wära kare aløny ni cään; kar kaaca nø, coka ma Jeekap onääa.»

Wïlöölö 35:27

Køøre Jeekap aö baŋ wänni ma Aydhak yi Mamrë yi Kiriat-Arba na näk Keeprön, kanya ö kwari ma Eeberammi ki wänni ma Aydhak na bëëtge yie na wëëlle.

Wïlöölö 37:14

Køøre wänni aköö, «Ciï nø ni neenï uutwäru nee geni dëëtge jööt ki dïëk bëët. Køøre wärï duuï ni caanï gø jïra.» Køøre ena jääŋŋe ki yi gool mar Keeprön, ni ö eni ni ci Cekam.

Wïlöölö 50:1

Kanyøgøøni Jocep apäth nyïm wänni ni jwöŋe bäät gø, ni nuum dhi gø.

Wïlöölö 50:10

'Ba na pïïcge yi laara kar dïn mana en Atöt, na en løø Naam Jördan løøga, gena göö ko oduuru mo dwøŋ døc kaace, ni kïïnge gïr wää Jocep ki nïne abïriiø.

2 Camiel 1:12

Kanyøgønø, gena kïmmö ni jwöŋge ni putge kweer ki cam këël mana tïm pinynyi na wïthïënhö. Gïnögø atïïcge kiper thøw Cøøl, ki wääde ma Jönathan, këël jic Wuuö Jwøk, ni beege jø leny mo jø Icriel, kiper mana ö jøøgø bëët na nääi ri leny.

2 Camiel 1:17

Køøre Deebit duut man acaae ni wär gø ni jwøga Cøøl ki wääde ma Jönathan,

2 Camiel 2:11

'Ba cwiiri moa beet Deebiti ni ena nyeya Keeprön bäät jø tuuŋ Juuda beege cwiiri abïriiø ki dwäde abïciel.

2 Camiel 5:3

Kanyøgønø, jø døøk Icriel bëët gena ö baŋ nyeya ma Deebit kanya en yie Keeprön, ni ö nyeya ni tude ki luubö ki geni Keeprön kaagø nyïm Wuuö Jwøk; ni ö geni ni thïïmge wï Deebit ki maaw ni ge røønya gø na nyeya mar jø Icriel bëët.

2 Camiel 5:5

Ni cwiiri moa beet Deebiti ni ena nyeya mar jø tuuŋ Juuda Keeprön, beege cwiiri abïriiø ki dwäde abïciel, ni cwiiri moa beede Jerucalem ni ena nyeya mar jø Icriel ki jø tuuŋge ma jø tuuŋ Juuda bëët, beege cwiiri ma pïëradäk kurdäk.

1 Luup Nyeye 6:57

'Ba päänye moa cïp jï jiy moa käl dëër Aran bee pääny mar gwøk røk na näk Keeprön, ki Libana ki kwör kwaath moe, ki Jatir, ki Ëctemöa ki kwör kwaath moe,

2 Luup Nyeye 35:25

'Ba Jeremaya acääö ki duut man jwøk Jöcaya ki gø; 'ba këël yïth nïne moi jø wär ki dudi moa näk cwøw ki mään bëët, kany wø wärge ki dudi mo wø wär kiper thøø, wïthge wø parge parø ki Jöcaya. 'Ba gïnögø aput tïmö na kööŋŋö ki Icriel, ni gööri piny yi wëël dudi mo wø jwøk jiy ki ge kany wø thøwge.

Neemiya 11:25

'Ba jø Juuda møøk gena bëëdö yïth mïëri moi ni nyeŋge en piny kany ii, ni ge bëëdö ni kar pwöth moge cärö ki geni. Jø møøk gena bëëdö yi Kiriat-Arba, ka atude moa en deŋŋe; jø møøk gena bëëdö Dibön ka atude moa en deŋŋe; ni bëët jø møøki yi Jekapdheel ka atude moa en deŋŋe;

Jeremaya 22:10

Kär nou jwöŋö kiper Jöcaya, nyeya mana thøw, ni ba kïmmu kipere; 'ba jwöŋu ni yïthu you keeyø kiper Jeyöakac, nyeya mana mak ki tøŋ na käl, kiper eni ba duui këët, ni ŋööm poge ba neene.

Jeremaya 22:18

Kiper manøgønø, mana caan Wuuö Jwøki kiper Jeyöakëm o Jöcaya nyeny Juuda beeye en, ena köö, ni «Jiy ba doo jwöŋö kipere kanyo thøøe, ni ge köö yïthakicge keerge, ni ‹Wui coka! Wui coka!› Ni jiy ba doo jwöŋö kipere, ni ‹Wui nyenywa öy! Wui nyenywa, ï na nyeny ajiem marwa!›

Kwään Jiy 13:22

'Ba gena aay ni ge cøra Nëgëp, ni pïïcge Keeprön, paana bëët nyïïkwaac Anaki yie, ni beege Akimen ki Cëëci ki Thalmay. 'Ba kar kaaca, Keeprön onø geer ni cwiiye abïriiø kanya poode ni paana cwøl ni Dhöän poot kär geerø Ijep.

Kwään Jiy 20:29

'Ba kanya neeni lwaa Icrielli bäre na Aran othøw, gena kïmmö kipere ki nïne ma pïëradäk.

Jøøn 11:31

'Ba jø Juuth na en yi øtø ki Meeri ni cøma cwïny gøøni, na jootge Meeri no olaar ö maal ni cøøa wøk, gena läp køøre; ki baŋge ni eni cøøa kuna jwöŋe bäät bwörö.

Jøøn 11:35

Ni ö Jecu ni put jwöŋö.

Moa Tïïc Nyïïatwieli 8:2

'Ba Ectipen akoony jøøa näk cwïnyge ege cïp køør Jwøk, ni jwøkge gø ki jwøk mo dwøŋ.

Tiet Ciik 34:8

Ni ö jø Icrielli ni jwøkge Modhe ki nïne mo pïëradäk yi pwöl Möap. Køøre nïr kïmmö ki nïr jwøk moa jwøk Modhe ki gø athum.

Jøcua 10:39

Ni ö Jøcua ni mac paanøgø ki nyeya mare këël päänye moa en deŋŋe bëët; ni ö jø Icrielli ni 'näkge jiy bëët moa en mïëri moøgø ko opëëllö, ni dïïrge wïthge bëët. 'Ba Jøcua bäŋ dhaanhø mo ee wiiø ni kwøw. 'Ba teeŋ gïna tïïe dëër paana cwøl ni Keeprön ki paana cwøl ni Libana ki nyeye moge, atïïe dëër paana cwøl ni Dabëër ki nyeya mare thuwø.

Jøcua 15:13

'Ba kaawat mana caani ya Wuuö Jwøki jï Jøcua, eni na Jøcua enø, pääny mana cwøl ni Kiriat-Arba acïbe jï Kalëp o Jöpöni na gïno dööŋ na kure yïthakic jø tuuŋ Juuda, ni ö nyeŋ pääny manøgø ni cwøli ni Keeprön. 'Ba ŋata cwøl na Arba, na kwøŋ pääny manøgø caa ree, beeye kwar jø Anak.

Jøcua 15:54

ki Umta, ki Kiriat-Arba ni beeye Keeprön, ki Ciør; ni beege päänye abïŋween ka atude moge moa en buutge.

Jøcua 20:7

Kanyøgønø jø Icriel päänye moi aputge cïp kur keerge, ni beege Këdëc na en Galili na en mïëya en bäät kïte na näk mar jø tuuŋ Naptali, ki Cekam na en mïëya en bäät kïte na näk mar jø tuuŋ Ipariem, ki Kiriat-Arba, ni beeye Keeprön, na en mïëya en bäät kïte na näk mar jø tuuŋ Juuda.

Jøcua 21:11

'Ba jø Icriel Kiriat-Arba na näk ocaa ri kwar jø Anak, ni beeye pääny mana cwøl ni Keeprön, na en mïëya en bäät kïte løøa näk kur jø tuuŋ Juuda, acïpge jï nyïïkwaac Aran ki kwör kwaath moe na en buute kaace.

Pïëmme 1:10

Ni ö jø tuuŋ Juuda ni cige baŋ leny ki jø Keenan moa näk bëëdö Keeprön, ni böötge jø tuuŋ Cëëci ki jø tuuŋ Akimen ki jø tuuŋ Thalmay. 'Ba nyeŋ Keeprön mana dïkwøŋ beeye Kiriat-Arba.

1 Camiel 20:31

Kiper këël kanyo bëëde ni Deebit o Jeci nut bäät piny kany, ï ränynyö, ni ö nyeci marï ni ba ruue. 'Ba ennø, jääk baŋe ni kälï gø baŋa, kiper nee eni 'näk.»

1 Camiel 25:1

Køøre Camiel athøw; ni ö jø Icrielli ni cooŋge rege kanya aciel ni kïmge kipere, ni koonyge eni paare na en Reema. Kanyøgønø, Deebit atïŋŋö ni ci dï paap Paran.

1 Camiel 28:3

'Ba kar kaagø, Camiel onø thøø, ni jø Icriel bëët onø jwøk kiper thøø mare, ni koonyge eni Reema na näk pääny poge. Ni kar kaagø thuwø, Cøøl jøøa näk rege da juu mo cøøra jwïëc jøøa no othøw, ki jøøa nyeŋge reegø ki jap ajuuk, ee nø riem wøk dï Icriel.